ກາແດງລາວຮ່ວມກັບສະຫະພັນລົດຖີບແຫ່ງຊາດຈັດກິດຈະກຳຂີ່ລົດຖີບເພື່ອການກຸສົນ
ເມື່ອບໍ່ດົນມານີ້, ຢູ່ທີ່ ສວນເຈົ້າອານຸວົງ ນະຄອນ ຫຼວງວຽງຈັນ, ອົງການແດງ ລາວ ສົມທົບກັບ ສະຫະພັນ ລົດຖີບແຫ່ງຊາດ, ໄດ້ຈັດກິດ ຈະກໍາຂີ່ລົດຖີບການກຸສົນ ເນື່ອງໃນໂອກາດສະເຫຼີມ ສະຫຼອງວັນກາແດງ ແລະ ຊີກວົງເດືອນແດງສາກົນ ຄົບຮອບ 155 ປີ (8 ພຶດສະ ພາ 1863-8 ພຶດສະພາ 2018) ພາຍໃຕ້ຄໍາຂວັນ “ກາແດງ ເພື່ອທຸກຄົນ” ຂຶ້ນ ທີ່ນະຄອນຫຼວງວຽງຈັນ, ໂດຍການເຂົ້າຮ່ວມຂອງ ທ່ານ ຄໍາຮຸ່ງ ເຮືອງວົງສີ ປະ ທານອົງການກາແດງລາວ ແລະ ທ່ານ ແຟຣັງ ແຄວັນຊີ ຫົວໜ້າຄະນະກໍາມະການ ກາແດງສາກົນ (ICRC) ປະຈໍາລາວ, ພ້ອມບັນດາ ພະ ນັກງານ, ອາສາສະໜັກ ແລະ ນັກກິລາຂີ່ລົດຖີບຂອງລາວ ເຂົ້າຮ່ວມ 400 ກວ່າຄົນ.
+ ກຽມຈັດການແຂ່ງຂັນລົດຊີງຂັນສຶກສາທິການ-ກິລາ ນະຄອວຫຼວງວຽງຈັນ ທ້າຍເດືອນນີ້
+ ກຽມເຂົ້າຮ່ວມຄາລະວານລົດຖີບ ເພື່ອການທ່ອງທ່ຽວທີ່ແຂວງສະຫວັນນະເຂດ
ເພື່ອລະດົມການບໍລິ ຈາກຂອງສັງຄົມໄປຊ່ວຍ ເຫຼືອປະຊາຊົນທີ່ປະສົບໄພ ພິບັດຕ່າງໆເຊັ່ນ: ຜູ້ປະສົບ ພາຍຸລະດູຮ້ອນໃນເດືອນເມສາຜ່ານມານີ້, ຢູ່ແຂວງ ໄຊ ຍະບູລີ ແລະ ປະຊາຊົນຜູ້ປະ ສົບອັກຄີໄພ, ຢູ່ແຂວງຊຽງ ຂວາງເມື່ອຜ່ານມາ, ຊຶ່ງເຂົາ ເຈົ້າເຫຼົ່ານັ້ນຍັງຄົງຕ້ອງການ ການແບ່ງປັນວັດຖຸ ແລະ ປັດ ໄຈຕ່າງໆຈາກສັງຄົມເພື່ອ ຊ່ວຍແກ້ໄຂຊີວິດການເປັນ ຢູ່ໃນໄລຍະສຸກເສີນ ແລະ ສ້າງເງື່ອນໄຂໃຫ້ເຂົາເຈົ້າ ມີກຳລັງໃຈສືບຕໍ່ພັດທະນາ ຊີວິດການເປັນຢູ່ຂອງຕົນດີ ຂຶ້ນໃນອະນາຄົດ, ຊຶ່ງປັດ ຈຸບັນ ອົງການກາແດງລາວ ໄດ້ສຸມໃສ່ການລະດົມທຶນ ຈາກທຸກພາກສ່ວນທີ່ມີນໍ້າ ໃຈແບ່ງເບົາຄວາມທຸກສຸກ ບໍ່ ວ່າຈະເປັນເງິນ, ເຂົ້າສານ, ອາຫານແຫ້ງ ແລະ ເຄື່ອງນຸ່ງ ຫົ່ມຕ່າງໆກໍສາມາດມາໃຫ້ການປະກອບສ່ວນໄດ້ ແລະ ນັບທັງນຳໃຊ້ໄດ້, ເຄື່ອງໃຊ້ ໃນຄົວເຮືອນທີ່ຈຳເປັນຕ່າງໆ ເພື່ອໃຫ້ເຂົາເຈົ້າສາມາດຟື້ນຟູຊີວິດການເປັນຢູ່ໃຫ້ກັບຄືນ ສູ່ສະພາບປົກກະຕິໂດຍໄວ, ໂດຍສາມາດຕິດຕໍ່ຜ່ານ ໂທ ລະສັບໄດ້ທີ່ເບີ 021-253014 ຫຼືທາງ Fedbook: Lao Red Cross.
