ໄປເມືອງວັງວຽງ-ລ່ອງເຮືອນ້ຳຊອງ-ທ່ອງທ່ຽວຖ້ຳຈັງ-ລອຍນ້ຳຖ້ຳປູ

ໂດຍ: ຊາຍພະເນຈອນ  

ເມືອງວັງວຽງເປັນຕົວ ເມືອງນ້ອຍໆ ແຕ່ມີຊື່ສຽງ ດົງດັງໄປທົ່ວມູນໂລກ, ຈາກ ເປັນສະຖານທີ່ທ່ອງທ່ຽວທີ່ ໂດດເດັ່ນ ແລະ ໄດ້ຮັບຄວາມ ນິຍົມຊົມຊອບຈາກນັກທ່ອງທ່ຽວທັງພາຍໃນ ແລະ ຕ່າງ ປະເທດ ເມືອງວັງວຽງຕັ້ງ ຢູ່ຈຸດໃຈກາງທີ່ອ້ອມລ້ອມ ອ້ອມໄປດ້ວຍພູຜາປ່າໄມ້ ອັນສູງຊັນ ແລະ ງົດງາມ, ມີ ສາຍນໍ້າຊອງອັນໃສເຢັນ ໄຫລຜ່ານຍິ່ງເພີ່ມຄວາມມີ ສະເໜ່ໃຫ້ແກ່ເມືອງທ່ອງ ທ່ຽວແຫ່ງນີ້, ເປັນເມືອງ ທີ່ມີ ທິວທັດທຳມະຊາດງົດງາມ ແລະ ມີອາກາດສົດຊື່ນແຈ່ມ ໃສດີ, ກາຍເປັນສະຫວັນ ຂອງນັກທ່ອງທ່ຽວຜູ້ມັກທຳມະຊາດ ແລະ ຄວາມໂດດ ເດັ່ນຂອງພູຜາຈົນໄດ້ຮັບສາຍານາມວ່າ:ກຸ້ຍຫຼິນເມືອງ ລາວ ເຊິ່ງຄ້າຍຄືກັບທໍາມະ ຊາດໃນເມືອງກຸຍຫຼິນແຫ່ງ ສ.ປ.ຈີນ.

+ ທ່ຽວຕາດປ່າໄລ່

+ ຕາດນົກເຄົ້າຈຸດທ່ອງທ່ຽວໜຶ່ງທີ່ປະທັບໃຈ

ເມືອງວັງວຽງຕັ້ງຢູ່ ຫ່າງຈາກນະຄອນຫຼວງ ວຽງຈັນໄປທາງທິດເໜືອ ພຽງ 160 ກິໂລແມັດ, ເໝາະ ແກ່ການມາພັກຜ່ອນ, ເຊິ່ງໃນທຸກໆທ້າຍອາທິດ ກໍຈະມີນັກທ່ອງທ່ຽວທັງ ພາຍໃນ ແລະ ຕ່າງປະເທດ ອອກມາທ່ຽວຊົມສະຖານ ທີ່ແຫ່ງນີ້ບໍ່ໄດ້ຂາດ. ເມືອງ ວັງວຽງ ມີສະຖານທີ່ທ່ອງ ທ່ຽວທີ່ໂດດເດັ່ນ ແລະ ໜ້າ ປະທັບໃຈຫຼາຍບ່ອນທີ່ມີກິດ ຈະກໍາການທ່ອງທ່ຽວແບບ ພະຈົນໄພ ຫຼາຍຢ່າງບໍ່ວ່າ ຈະປັນການພາຍເຮືອຄາຍັກ ຫຼື ການພະຈົນໄພປີນຜາ ທ່ຽວຊົມຖໍ້າທີ່ໂດດເດັ່ນ ແລະ ສວຍສົດງົດງາມທາງດ້ານ ທໍາມະຊາດ, ໂດຍສະເພາະ ແມ່ນຖໍ້າຈັງ, ຖໍ້າຊ້າງ, ຖໍ້າ ຫອຍ, ຖໍ້າປູ່ຄໍາ, ຖໍ້ານໍ້າ, ຖໍ້າ ນອນ, ຜາຕັ້ງ ແລະ ຖໍ້າຂຸນ ລາງ. ອີກກິດຈະກໍາໜຶ່ງທີ່ ພາດໂອກາດບໍ່ໄດ້ນັ້ນແມ່ນການຂີ່ ກົງເບັງລອ່ງລົງໄປ ຕາມລໍາແມ່ນໍ້າຊອງໄດ້ຊົມ ພູຜາອັນສູງຊັນ ແລະ ງົດ ງາມຍາວຢຽດເປັນຖັນເປັນ ແຖວກັນໄປເໝືອນ ດັ່ງການ ປັ້ນແຕ່ງອັນເຕັມໄປດ້ວຍ ປ່າໄມ້ທີ່ດົກໜາຂຽວງາມ ອຸ່ມທຸ່ມປົກຄຸມໄປທົ່ວບໍລິ ເວນເຮັດໃຫ້ອາກາດມີ ຄວາມສົດຊື່ນປອດໃສດີມີ ສາຍລົມພັດຜ່ານມາຕະ ຫລອດເວລາພາໃຫ້ຈິດໃຈ ເພີດເພີນໄປກັບຄວາມງົດ ງາມຂອງທໍາມະຊາດທີ່ໜ້າປະທັບໃຈເຮັດໃຫ້ລືມຈາກ ຄວາມຄຽດຕຶງ, ຫາຍ ຈາກ ຄວາມອິດເມື່ອຍ ແລະ ມີ ຄວາມຄິດໄຝ່ຝັນຢາກຈະຢູ່ ໃກ້ສິດກັບທໍາມະຊາດແຫ່ງນີ້ຕະຫຼອດໄປ.

ປັດຈຸບັນນີ້, ເມືອງວັງ ວຽງໄດ້ຮັບການປັບປຸງປົວ ແປງ ແລະ ສ້າງສິ່ງເອື້ອ ອໍານວຍໃຫ້ບັນດານັກທ່ອງ ທ່ຽວທັງພາຍໃນ ແລະ ຕ່າງ ປະເທດໄດ້ມີ: ສະຖານທີ່ ພັກເຊົາ, ສະຖານທີ່ຊົມວິວ, ຮ້ານອາຫານ-ກິນດື່ມ ແລະ ສະຖານທີ່ທ່ຽວຫຼິ້ນຕ່າງໆ ໃຫ້ໂດດເດັ່ນ ແລະ ໜ້າປະ ທັບໃຈຂຶ້ນກວ່າເກົ່າ./.