ກົງໂກອີໂບລາລະບາດຂຶ້ນມາອີກຂັ້ນ ຫລັງພົບຜູ້ຕິດເຊື້ອໃນເມືອງ
May 17, 2018 - 5:10 PM
ທ່ານ ໂອລີ ອິລຸນກາ ຄາເລນກາ ລັດຖະມົນຕີສາທາລະນະສຸກ ສາທາລະນະລັດ ປະຊາທິປະໄຕ ກົງໂກ ກ່າວໃນຖະແຫລງການສະຖານະການໄວຣັສອີໂບລາລະບາດຫລ້າສຸດວ່າ: ການແຜ່ລະບາດໄດ້ເພີ່ມຂຶ້ນມາອີກຂັ້ນແລ້ວ ພາຍຫລັງພົບຜູ້ຕິດເຊື້ອໄວຣັສຢູ່ເມືອງບັນດາຄາ ທາງຕາເວັນຕົກສຽງເໜືອ ເຊິ່ງມີປະຊາກອນປະມານ 1 ລ້ານຄົນ.
ອົງການອະນາໄມໂລກ ເຊິ່ງຈັດສົ່ງວັກແຊງຊຸດທຳ 4.000 ຊຸດໃຫ້ແກ່ສາທາລະນະລັດ ປະຊາທິປະໄຕ ກົງໂກ ໄດ້ສະແດງຄວາມກັງວົນກ່ຽວກັບໄວຣັສອີໂບລາທີ່ລະບາດເຂົ້າສູ່ຕົວເມືອງບັນດາຄາ ເຊິ່ງອາດເຮັດໃຫ້ສະຖານະການພະຍາດລະບາດປະສົບບັນຫາໃນການຄວບຄຸມຍາກຂຶ້ນ ຫລັງເຮັດໃຫ້ມີຜູ້ເສຍຊີວິດໄປແລ້ວ 23 ຄົນ.
