ອາເມລິກາເພີ່ມການຂວ້ຳບາດ ຫົວໜ້າກຸ່ມເຮັດໂບລາ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ວ່າ: ກະຊວງ​ການ​ເງິນ​ອາ​ເມ​ລິ​ກາອອກ​ຖະ​ແຫລ​ງການ​ໃນ​ວັນ​ທີ 16 ພຶດສະພາ ຂຶ້ນບັນຊີ​ດຳ​ສະມາຊິກ​ລະດັບ​ສູງ​ໃນ​ສະພາ​ຊູ​ຮໍ ຫລື ສະພາ​ທີ່​ປຶກສາ​ທາງ​ການ​ເມືອງ​ຂອງ​ກຸ່ມ​ເຮັດ​ໂບລາ ​ໄດ້​ແກ່​ທ່ານ ຮຳ​ຊັນ ນາສຣາລ​ເລາະ ​ເລຂາທິການ ຫລື ຜູ້ນຳ​ສູງ​ສຸດ​ຄົນ​ປັດຈຸບັນ, ທ່ານ ນາ​ອິມ ກັສ​ເຊັມ ຮອງ​ຜູ້ນຳ​ກຸ່ມ​ເຮັດ​ໂບລາ ​ແລະ ສະມາຊິກ​ອາວຸ​ໂສ​ອີກ 3 ຄົນ ​ໂດຍ​ເປັນ​ການ​ເພີ່ມ​ການ​ອາ​ຢັດ​ຊັບ​ສິນ ​ແລະ ປິດ​ກັ້ນຊ່ອງ​ທາງ​ເຮັດ​ທຸລະ​ກຳ​ລະຫວ່າງ​ປະ​ເທດ​ເພີ່ມ​ອີກ.

https://twitter.com/USTreasury/status/996835292114976768

ທັງ​ນີ້, ຖື​ເປັນ​ເທື່ອ​ທຳ​ອິດ​ທີ່​ລັດຖະບານ​ວໍ​ຊິງ​ຕັນ​ໃຊ້​ມາດ​ຕະການ​ກົດ​ດັນ​ທາງ​ເສດຖະກິດ​ຕໍ່ທ່ານ ກັສ​ເຊັມ. ຂະນະ​ທີ່​ທ່ານ ນາສຣາລ​ເລາະ ຢູ່​ໃນ​ບັນຊີ​ດຳ​ການ​ຂວ້ຳບາດ​ຂອງ​ອາ​ເມ​ລິ​ກາມາ​ແຕ່​ປີ 1995 ຫລື ປະມານ 3 ປີ ຫລັງ​ໄດ້​ຮັບ​ການ​ແຕ່ງຕັ້ງ​ໃຫ້​ຂຶ້ນສູ່​ຕຳ​ແໜ່​ງສູງ​ສຸດ​ຂອງ​ກຸ່ມ​ເຮັດ​ໂບລາ ​ເຊິ່ງມີ​ຖານ​ປະຕິບັດ​ການ​ຫລັກ​ຢູ່​ລີ​ບັງ.