ໄຊຍະບູລີລົງທຶນ 13,4 ຕື້ກີບສ້າງອ່າງເກັບນ້ຳຢູ່ເມືອງໄຊຊະຖານ
ຂ່າວທ້ອງຖິ່ນລາຍງານວ່າ: ແຂວງໄຊຍະບູລີ ໃຊ້ງົບ ປະມານຫລາຍກວ່າ 13,4 ຕື້ ກີບ ເພື່ອສ້າງອ່າງເກັບນໍ້າ ຫ້ວຍ ຄວາ, ເມືອງໄຊຊະຖານ ໂດຍ ບໍລິສັດ ພົມເທວາກໍ່ສ້າງ ຈຳກັດຜູ້ດຽວ ເປັນຜູ້ຮັບເໝົາ ເຊິ່ງພິທີຮ່ວມລົງນາມໃນສັນຍາດັ່ງກ່າວໄດ້ມີຂຶ້ນ ໃນວັນທີ 10 ພຶດສະພານີ້, ລະຫວ່າງ ທ່ານ ຄຳຫລ້າ ຜິວວັນນາ ຫົວ ໜ້າພະແນກກະສິກຳ ແລະ ປ່າໄມ້ແຂວງ ແລະ ທ່ານ ເລດີ ນາ ທຳມະເທວາ ຫົວໜ້າ ບໍລິ ສັດພົມເທວາກໍ່ສ້າງຈຳກັດ ຜູ້ດຽວ ໂດຍການເຂົ້າຮ່ວມ ຂອງ ທ່ານ ຍັນຍົງ ສີປະເສີດ ຮອງເຈົ້າແຂວງ ໄຊຍະບູລີ.
ໂຄງການດັ່ງກ່າວ ຈະ ໄດ້ຈັດຕັ້ງປະຕິບັດ 4 ໜ້າ ວຽກຕົ້ນຕໍເຊັ່ນ: ກໍ່ສ້າງເຂື່ອນ ດິນໃສ່ແກນເບຕົງເສີມເຫລັກ ສູງ 17 ແມັດ, ຍາວ 64,76 ແມັດ, ສັນເຂື່ອນກວ້າງ 8 ແມັດ, ເພື່ອສາມາດເກັບ ນໍ້າ ໄວ້ໃຊ້ໄດ້ 32. 496 ແມັດ ກ້ອນ; ກໍ່ສ້າງທາງລະບາຍ ນໍ້າ ກວ້າງ 3 ແມັດ, ຍາວ 76 ແມັດ, ກໍ່ສ້າງທໍ່ນໍ້າຂະໜາດ 15 ຊັງຕີແມັດ, ຍາວ 1.118 ແມັດ, ອ່າງພັກນໍ້າ ຂະໜາດ 150 ແມັດກ້ອນ ແລະ ສ້າງ ເສັ້ນທາງໄປຕາມສັນເຂື່ອນ ຍາວ 220 ແມັດ.
ພາຍຫລັງໂຄງການ ກໍ່ສ້າງສຳເລັດ ປະຊາຊົນ ຈະໄດ້ຮັບຜົນປະໂຫຍດ ຈາກການຊົມໃຊ້ນໍ້າຈຳ ນວນ 230 ຄອບຄົວ, ເຊິ່ງ ຈະເຮັດໃຫ້ປະຊາຊົນມີນໍ້າ ກິນ-ນໍ້າໃຊ້ທີ່ສະອາດ ແລະ ນຳ ໃຊ້ເຂົ້າໃນການຜະລິດ ກະສິກໍາ, ເພື່ອປົວແປງຊີ ວິດການເປັນຢູ່ປະຊາຊົນ ໃຫ້ຫລຸດພົ້ນຈາກຄວາມ ທຸກຍາກໄດ້ໂດຍໄວ./.
+ ແຂວງຫົວພັນຕົກລົງໃຫ້ບໍລິສັດເອກະຊົນລົງທຶນໂທລະພາບມີສາຍເປັນໄລຍະ 15 ປີ
