ສປປ ເກົາຫລີ ຍົກເລີກປະຊຸມກັບ ສ ເກົາຫລີ
ລັດຖະບານພຽງຢາງຍົກເລີກການຫາລືລະດັບສູງກັບລັດຖະບານເຊອຸນ ທີ່ຕາມກຳນົດຕ້ອງເກີດຂຶ້ນໃນວັນທີ 16 ພຶດສະພານີ້, ຫລັງອາເມລິກາ ແລະ ສ ເກົາຫລີ ເປີດສາກຊ້ອມຮົບທາງອາກາດຄັ້ງໃຫຍ່ຮ່ວມກັນ.
ສຳນັກຂ່າວຕ່າງປະເທດລາຍງານຈາກນະຄອນຫລວງເຊອຸນ ສ ເກົາຫລີ ໃນວັນທີ 16 ພຶດສະພາວ່າ: ກະຊວງການຕ່າງປະເທດ ສປປ ເກົາຫລີ ອອກຖະແຫລງການໃນຕອນເຊົ້າວັນທີ 16 ພຶດສະພາ ຕາມເວລາທ້ອງຖິ່ນ ຍົກເລີກການພົບປະຫາລືລະຫວ່າງເຈົ້າໜ້າທີ່ລະດັບສູງຂອງລັດຖະບານພຽງຢາງກັບລັດຖະບານເຊອຸນ ຢູ່ປານມູນຈອມ ເຊິ່ງຕາມກຳນົດຕ້ອງເກີດຂຶ້ນໃນວັນດຽວກັນນີ້ ແລະ ຫົວຂໍ້ຂອງກອງປະຊຸມ ຄືການເຈລະຈາຕໍ່ຍອດກ່ຽວກັບການເຮັດສົນທິສັນຍາສັນຕິພາບ ຕາມແນວທາງໃນປະລິນຍາປານມູນຈອມ ເຊິ່ງທ່ານ ກິມ ຈ໋ອງອຸນ ຜູ້ນຳສູງສຸດຂອງ ສປປ ເກົາຫລີ ແລະ ປະທານາທິບໍດີ ມຸນ ແຈອິນ ຜູ້ນຳ ສ ເກົາຫລີ ລົງນາມຮ່ວມກັນໃນວັນທີ 27 ເມສາຜ່ານມາ.
JUST IN: North Korea backs out of planned high-level talks with South Korea, after joint US- South Korean military drills, according to South Korean news agencies. pic.twitter.com/nqFlX1fyAf
— MSNBC (@MSNBC) May 15, 2018
BREAKING: South Korean news agency: North Korea threatens to cancel U.S. summit over South Korea-U.S. military drills.
— The Associated Press (@AP) May 15, 2018
ທັງນີ້, ລັດຖະບານພຽງຢາງໃຫ້ເຫດຜົນຂອງການຍົກເລີກກອງປະຊຸມກັບ ສ ເກົາຫລີ ໃນຄັ້ງນີ້ວ່າ: ເປັນເພາະປະຕິບັດການຊ້ອມຮົບ “ແມັກ ທັນເດີ” ລະຫວ່າງກອງທັບອາກາດອາເມລິກາກັບກອງທັບອາກາດ ສ ເກົາຫລີ ເຊິ່ງເລີ່ມຂຶ້ນໃນວັນທີ 14 ພຶດສະພາ ແລະ ຈະໃຊ້ເວລາ 2 ອາທິດ ຖືເປັນເຈດຕະນາ “ການຝຶກຊ້ອມການຮຸກຮານ” ແລະ “ການຂົ່ມຂູ່ຄຸກຄາມ” ຂອງອາເມລິກາ ໃນໄລຍະເວລາທີ່ການພົວພັນລະຫວ່າງສອງເກົາຫລີກຳລັງດີຂຶ້ນ, ພ້ອມທັງເຕືອນວ່າລັດຖະບານວໍຊິງຕັນຄວນ “ເພີ່ມການພິຈາລະນາຢ່າງຮອບຄອບ” ຕໍ່ອະນາຄົດຂອງການຈັດປະຊຸມຮ່ວມກັບຜູ້ນຳ ສປປ ເກົາຫລີ.
