ແສງເພັດເກັບກູ້ລະເບີດ ສະໜັບສະໜູນ ນັກກິລາຫລຽນຄໍາ 100 ລ້ານກີບ
ບໍລິສັດ ແສງເພັດ ເກັບກູ້ລະເບີດ ສະໜັບສະໜູນນັກກິລາຫລຽນຄໍາ 100 ລ້ານກີບ ທີ່ເຂົ້າຮ່ວມໃນງານມະຫາກໍາຊີເກມຄັ້ງທີ 29 ທີ່ປະເທດມາເລເຊຍ ຈັດຂຶ້ນລະຫວ່າງວັນ 19-30 ສິງຫາ 2017 ເຊິ່ງພິທີມອບດັ່ງກ່າວຈັດຂຶ້ນໃນວັນທີ 14 ພຶດສະພານີ້ ທີ່ໂຮງແຮມລ້ານຊ້າງ ໂດຍເຂົ້າຮ່ວມເປັນປະທານຂອງທ່ານນາງ ແສງເດືອນ ຫລ້າຈັນທະບູນ ລັດຖະມົນຕີກະຊວງສຶກສາທິການ ແລະ ກິລາ (ສສກ) ພ້ອມຄະນະນໍາ ສສກ, ຄູຝຶກ ແລະ ນັກກິລາເຂົ້າຮ່ວມ.
ການເຂົ້າຮ່ວມງານມະຫາກໍາຊີເກມຄັ້ງທີ 29 ທີ່ປະເທດມາເລເຊຍ ນັກກິລາທີມລາວ ໄດ້ເຂົ້າຮ່ວມ 350 ຄົນ ໃນ 22 ປະເພດກິລາຄື: ເປຕັງ, ເທຄວັນໂດ, ວູຊູ, ກະຕໍ້-ຊິນລອນ, ປັນຈັກສີລັໍດ, ບີ້ລຽດ-ສະນຸກເກີ, ລົດຖີບ, ຍິງທະນູ, ມວຍສາກົນ, ກາຣາເຕໂດ, ບານເຕະຊາຍ, ກ໋ອບ, ຍິງປຶນ, ປິ່ງປ໋ອງ, ດອກປີກໄກ່, ເທັນນິສ, ແລ່ນ-ລານ, ລອຍນໍ້າ, ຣັກບີ້, ຢູໂດ, ມວຍ ແລະ ບານບ້ວງ.
ຜ່ານການເຂົ້າຮ່ວມແຂ່ງຂັນໃນ 22 ປະເພດກິລານີ້ ນັກກິລາທີມຊາດລາວສາມາດຍາດໄດ້ 2 ຫລຽນຄໍາ, 3 ຫລຽນເງິນ ແລະ 21 ຫລຽນທອງ ຈັດຢູ່ອັນດັບທີ 9 ຂອງຕາຕະລາງຄະແນນ.
ສໍາລັບນັກກິລາທີ່ສາມາດຍາດໄດ້ຫລຽນຄໍາຈາກປະເພດກິລາບີ້ລຽດ-ສະນຸກເກີ ແລະ ເປຕັງຊຸດຍິງ ທາງບໍລິສັດແສງເພັດເກັບກູ້ລະເບີດສະໜັບສະໜູນປະເພດລະ 50.0000 ກີບ
