ເນມາ ເລີ່ມເບື່ອຂ່າວການຍ້າຍທີມ

ເນມາ ນັກເຕະຊູເປີສະຕາຂອງ ປາຣີສ ແຊງແຊກແມງ ບອກວ່າຕົນເອງເບື່ອທີ່ສຸດກັບຂ່າວການຍ້າຍທີມຂອງຕົນເອງທີ່ອອກມາຢ່າງຕໍ່ເນື່ອງ ເພາະຕະຫຼອດໄລຍະທີ່ຜ່ານມາມີລາຍງານວ່າ ເນມາ ຈະອຳລາທີມຫຼັງຈົບລະດູການນີ້ ເຖິງວ່າຫາກໍຍ້າຍມາຫຼີ້ນໃຫ້ທີມໄດ້ພຽງ 1 ຊີຊັ່ນ ແລະ ມີສັນຍາຈະຫຼີ້ນໃຫ້ກັບ ປາຣີສ ເຖິງປີ 2022 ກໍຕາມ ໂດຍສາເຫດເປັນເພາະນັກເຕະທີມຊາດບຣາຊິລບໍ່ມີຄວາມສຸກກັບຊີວິດໃນກຣຸງປາຣີສເທົ່າທີ່ຄວນ ທັງນີ້ທີມທີ່ມີຂ່າວກັບ ເນມາ ຫຼາຍທີ່ສຸດຄື ຣີລ ມາດຣີດ. ເມື່ອບໍ່ດົນມານີ້ ມີລາຍງານອີກວ່າ ແມນຢູ ກໍຄິດຈະດຶງດາວຍິງຊາວບຣາຊິລໄປຮ່ວມທີມເໜືອນກັນ, ສ່ວນ ນາສເຊີ ອັລ-ເຄໄລຟີ ປະທານຂອງທີມແຫ່ງຖິ່ນ ປາກເດແພຣ໊ງ ອອກມາສະແດງຄວາມໜັ້ນໃຈວ່ານັກເຕະໄວ 26 ປີຈະຍັງບໍ່ຍ້າຍໄປໃສຢ່າງແນ່ນອນ.