ໂຮງງານ 450 ປີບ໋ອກປະສານໃສ່ໃຈຄຸນນະພາບ

ໂດຍ: ຊາຍພະເນຈອນ   

ໂຮງງານ 450 ປີບ໋ອກ ປະສານຕັ້ງຢູ່ເຂດບ້ານນາ ແຄ, ເມືອງໄຊທານີ, ນະຄອນ ຫຼວງວຽງຈັນ ເຊິ່ງກໍ່ຮ່າງ ສ້າງຕົວຂຶ້ນມາດ້ວຍແຮງ ບັນດານໃຈຂອງແມ່ຍິງຜູ້ໜຶ່ງ ທີ່ ໄດ້ສ້າງຝັນໄວ້ໃນອະດີດ ຄອບຄົວທີ່ໄດ້ແຍກທາງກັນ ແລະ ບໍ່ມີສິ່ງໃດທີ່ຈະເອົາຊະ ນະໃຈແມ່ຍິງຜູ້ນີ້ໄດ້ນອກ ຈາກຄວາມດີ ແລະ ຄວາມ ຈິງໃຈເທົ່ານັ້ນນີ້ຄື ນ. ສຸກັນ ຍາ ເດດລືໄຊແມ່ຍິງໃຈເພັດ ເດັດດຽວສູ້ງານເພື່ອໃຫ້ໄປ ເຖິງຝັນ.

+ ອາຊີບອອກແບບແຂບຄໍເສື້ອ-ຊຸດແຕ່ງງານເປັນວຽກທີ່ລະອຽດອ່ອນ

+ ໄຊ​ສົມບັດ​ເຕັກ​ໂນ​ໂລ​ຊີ ​ບ່ອນພັດທະນາອາຊີບ​ອອກສູ່​ຕະຫລາດ

ນ. ສຸກັນຍາ ເດດລືໄຊ ເຈົ້າຂອງທຸລະກິດຜະລິດ ບ໋ອກປະສານ ໃຫ້ຮູ້ວ່າ: ເມື່ອ ກ່ອນ ຕົນເອງໄດ້ມີອາຊີບ ກ່ຽວກັບ ອະສັງຫະລິມະຊັບ ເຊິ່ງໄດ້ດໍາເນີນທຸລະກິດມາ ໄດ້ໄລຍະໜຶ່ງຈຶ່ງໄດ້ຢຸດເຊົາກໍຍ້ອນມີຄູ່ແຂ່ງດ້ານກິດຈະການນີ້ຫຼາຍຂຶ້ນເຮັດໃຫ້ຕົນ ເອງຕ້ອງຄິດໜັກໃນການທີ່ຈະສ້າງໃຫ້ເປັນຫຼັກທີ່ໝັ້ນ ແກ່ນ ຂອງຕົນເອງ ແລະ ລູກ ອີກໜຶ່ງຄົນ ຈຶ່ງໄດ້ສູ້ຊົນດີ້ນ ລົນໃນການຊອກຫາຮຽນຮູ້ທາງດ້ານວິຊາອາຊີບຕ່າງໆຈາກໝູ່ເພື່ອນ, ວາລະສານ, ຈາກກະຊວງແຮງງານທີ່ ໄດ້ເອົາຜະລິດຕະພັນແບບ ຢ່າງດິນບ໋ອກມາໂຄສະນາ ອະທິບາຍເຖິງຄຸນປະໂຫຍດຂອງມັນແມ່ນປາສະຈາກ ອຸນນະພູມຮ້ອນ ແລະ ກໍໄດ້ ສຶກສາເບິ່ງສະພາບຕົວຈິງ ຂອງສັງຄົມເຫັນວ່າ ທຸລະ ກິດຜະລິດດິນບ໋ອກສັງຄົມ ຍັງມີຄວາມຮຽກຮ້ອງຕ້ອງການຫຼາຍ ແລະ ບໍ່ມີໃຜເຮັດ ຫຼາຍພໍເທົ່າໃດຈຶ່ງໄດ້ຕັດສິນ ໃຈໄປສຶກສາຮຽນຮູ້ກ່ຽວ ກັບ ວິທີການເຮັດດິນບ໋ອກຢູ່ໄທເປັນເວລາເກືອບໜຶ່ງເດືອນ ແລ້ວກໍມາລົງ ທຶນເຮັດໂດຍ ນໍາໃຊ້ເນື້ອທີ່ດິນເປົ່າຫວ່າງ ຂອງຕົນເອງມີເນື້ອທີ່ 1.800 ຕາແມັດແລ້ວ ມາຕັ້ງໂຮງງານຜະລິດດິນບ໋ອກ ແລະ ໄດ້ໃສ່ ຊື່ໂຮງ ງານນີ້ວ່າ:ໂຮງງານ 450ປີບ໋ອກປະສານໝາຍ ຄວາມວ່າ ໂຮງງານຕັ້ງຢູ່ ເຂດເສັ້ນທາງ 450 ປີ ແລະ ບ໋ອກປະສານໝາຍ ເຖິງ ບ໋ອກທີ່ປະສານກັນ ແລະ ເກາະກັນດີເຮັດໃຫ້ມີຄວາມ ທົນທານແຂງແກ່ນ ໂດຍ ໄດ້ນໍາໃຊ້ເງິນຈໍານວນ ໜຶ່ງ ທີ່ສະສົມໄວ້ໃນເມື່ອກ່ອນ ນັ້ນມາລົງທຶນປະມານ 500 ລ້ານກີບ. ພາຍໃນ ໂຮງງານປະກອບມີ ເຄື່ອງ ຈັກ 3 ເຄື່ອງເຊັ່ນ: ເຄື່ອງ ຈັກຜະລິດບ໋ອກຊື່, ບ໋ອກ ໂຄ້ງໃຫຍ່, ບ໋ອກໂຄ້ງ ເສົາ- ໂຄ້ງອ່າງເຊິ່ງໃນເບື້ອງຕົ້ນ ສາມາດຜະລິດໄດ້ທັງໝົດ ປະມານ 800-1.000 ກ້ອນ/ ມື້. ມາຮອດປັດຈຸບັນນີ້ ແມ່ນສາມາດຜະລິດໄດ້ປະ ມານ 1.600 ກ້ອນ/ມື້, ເປັນ ປະເພດດິນ ບ໋ອກທີ່ທົນທານ ແຂງແກ່ນ ກວ່າດິນບ໋ອກທໍາ ມະດາ ໂດຍມີສ່ວນປະສົມ ສາມຢ່າງຕົ້ນຕໍຄື: ປູນຊີມັງ, ຊາຍ ແລະ ດິນທີ່ວິໄຈແລ້ວ ຈຶ່ງເຮັດໃຫ້ການຜະລິດໃນ ເບື້ອງຕົ້ນມີ ສິ່ງທ້າທາຍ ແລະ ມີອຸປະສັກຫຼາຍຢ່າງໂດຍ ສະເພະກໍແມ່ນການໄປຊອກ ແຫຼ່ງດິນຕ້ອງໄດ້ວິໄຈດິນ ວ່າ ມັນເຂົ້າກັນ ໄດ້ຫຼືບໍ່ຈິ່ງເອົາ ລົດໄປຈົກ ແລ້ວແກ່ມາໂຮງ ງານເພື່ອນຳໃຊ້ເຂົ້າໃນການ ຜະລິດ, ເຊິ່ງຂາຍໃນລາຄາ ແຕ່ລະປະເພດທີ່ແຕກຕ່າງ ກັນເປັນຕົ້ນ: 2.500 ກີບ, 3.000ກີບ ແລະ 4.000ກີບ.

ນ. ສຸກັນຍາ ເດດລືໄຊ ໃຫ້ຮູ້ຕື່ມອີກວ່າ: ໃນໂຮງ ງານມີກໍາມະກອນທີ່ກິນເງິນເດືອນທັງໝົດ 4 ຄົນໂດຍ ເລີ່ມຕົ້ນແຕ່ 1.500.000 ກີບ/ເດືອນ/ຄົນ, ມີເງິນສະ ຫວັດດີການ ແລະ ໃນຍາມ ເຈັບເປັນໄດ້ຊ່ວຍເຫຼືອປິ່ນ ປົວ ເບິ່ງແຍງ, ມີຫໍພັກໃຫ້ຢູ່ ແລະ ລ້ຽງເຂົ້າສວາຍພ້ອມ. ນອກຈາກນັ້ນ, ຍັງມີກໍາມະ ກອນລາຍວັນບໍ່ຈໍາກັດຈໍາ ນວນສ່ວນຫຼາຍແມ່ນນັກສຶກສາທີ່ມາສຶກສາຕໍ່ທິ່ມະຫາວິ ທະຍາໄລແຫ່ງຊາດດົງໂດກ ເພື່ອຊ່ວຍໃຫ້ເຂົາເຈົ້າມີລາຍໄດ້ເສີມຍາມພັກຮຽນ ໂດຍ ຄິດໄລ່ໃຫ້ຜູ້ລະ 60.000ກີບ/ວັນ. ຜະລິດຕະພັນ ສາມາດສົ່ງຂາຍໄດ້ທຸກໆ ເດືອນໆລະປະມານ 30 ພັນ ກ້ອນໂດຍມີລູກຄ້າທີ່ມາ ຈາກຮ້ານຂາຍເຄື່ອງກໍ່ສ້າງ ແລະ ຮ້ານຂາຍເບ້ຍໄມ້ມາ ຮັບຊື້ເອົາຄິດສະເລ່ຍແລ້ວ ສາມາດສ້າງລາຍຮັບມາ ໄດ້ປະມານ 8-9 ລ້ານກີບ ເດືອນ. ເຖິງຍັງບໍ່ຫລວງ ຫລາຍແຕ່ກໍເປັນຄວາມ ພາກພູມໃຈ ຢ່າງຍິ່ງທີ່ ເຫັນ ວ່າທຸລະກິດດໍາເນີນໄປໄດ້ດີບໍ່ມີບັນຫາຫຍັງສາມາດຜະລິດອອກມາຮັບໃຊ້ສັງຄົມ ດ້ວຍຜະລິດຕະພັນທີ່ພວກ ເຮົາໃສ່ໃຈເປັນພິເສດຮັບ ປະກັນໄດ້ດ້ານຄຸນນະພາບ ແລະ ນີ້ຄືຄວາມໄຝ່ຝັນໃນ ເມື່ອກ່ອນມາຮອດມື້ນີ້ກາຍ ເປັນຄວາມຈິງແລ້ວ./.