ປີ 2017 ໄຊຍະບູລີ ສ້າງລາຍຮັບຈາກການທ່ອງທ່ຽວ 6 ລ້ານກວ່າໂດລາສະຫະລັດ
ຕາມການລາຍງານ ຂອງ ທ່ານນາງ ບຸນພັກ ອິນທະປັນຍາ ຮອງເຈົ້າ ແຂວງ ໄຊຍະບູລີ, ຜູ້ຊີ້ນໍາ ວຽກງານ ວັດທະນະທໍາ-ສັງຄົມ ໃນ ກອງປະຊຸມປຶກສາຫາລື ກ່ຽວກັບການ ບໍລິຫານ ແລະ ພັດທະນາ ຟື້ນຟູພື້ນທີ່ພິເສດ ເພື່ອການທ່ອງທ່ຽວແບບ ຢື່ນຍົງລະຫວ່າງ ແຂວງ ໄຊ ຍະບູລີ ກັບແຂວງ ເລີຍຣາ ຊະອານາຈັກໄທ ໃນວັນທີ 9 ພຶດສະພານີ້ວ່າ: ໃນປີ 2017 ຜ່ານມາ ແຂວງ ໄຊຍະບູລີ ສາມາດສ້າງລາຍຮັບຈາກ ການທ່ອງທ່ຽວ 6 ລ້ານ ກວ່າໂດລາສະຫະລັດ, ທຽບໃສ່ປີ 2016 ເພີ່ມຂຶ້ນ 11,5% ໃນນັ້ນມີນັກທ່ອງ ທ່ຽວເຂົ້າ ແລະ ຜ່ານແຂວງ ໄຊຍະບູລີ ທັງໝົດ 1 ແສນ ກວ່າຄົນ.
+ ເມືອງຫົງສາມີຄວາມພ້ອມເປີດແຫລ່ງທ່ອງທ່ຽວລີສອດຕາດເຍືອງ
+ ແຂວງຄຳມ່ວນປຶກສາຫາລືແກ້ໄຂບັນຫາລົດບໍລິການນັກທ່ອງທ່ຽວ
ທ່ານນາງ ບຸນພັກ ອິນ ທະປັນຍາ ໃຫ້ຮູ້ອີກວ່າ: ປັດຈຸ ບັນທົ່ວແຂວງ ມີແຫລ່ງທ່ອງ ທ່ຽວໄດ້ຮັບການສໍາຫລວດ ເບື້ອງຕົ້ນ ແລະ ຂຶ້ນບັນຊີແລ້ວ 47 ແຫ່ງ; ໃນນັ້ນມີແຫລ່ງ ທ່ອງທ່ຽວທໍາມະຊາດ 29 ແຫ່ງ, ວັດທະນະທໍາ 12 ແຫ່ງ ແລະ ປະຫວັດສາດ 6 ແຫ່ງ. ສໍາເລັດການສໍາ ຫລວດຈັດສັນ ແລະ ກໍານົດ ເຂດທ່ອງທ່ຽວ 2 ແຫລ່ງ, ພັດທະນາ ພື້ນຖານໂຄງລ່າງ ແລະ ສິ່ງອໍານວຍຄວາມສະ ດວກດ້ານການທ່ອງທ່ຽວ ອ່າງນໍ້າຕຽນ ແລະ ເຂດພັນ ຖໍ້ານໍ້າທັງ, ກໍ່ສ້າງຫ້ອງຂໍ້ມູນ ຂ່າວສານການທ່ອງທ່ຽວ ຢູ່ດ່ານສາກົນນໍ້າເຫືອງ ເມືອງ ແກ່ນທ້າວ ແລະ ດ່ານສາ ກົນນໍ້າເງິນ ເມືອງເງິນ ແລະ ອື່ນໆ.
ປັດຈຸບັນໄຊຍະບູລີ ມີຜະ ລິດຕະພັນການທ່ອງທ່ຽວ ແບບປະຊາຊົນມີສ່ວນຮ່ວມ 3 ວົງຈອນ ຄື: ການທ່ອງ ທ່ຽວເຂດພັນຖໍ້ານໍ້າທັ່ງ, ວົງ ຈອນການທ່ອງທ່ຽວຕາມ ແມ່ນໍ້າ ຂອງຕິດພັນກັບ ເຂື່ອນ ໄຟຟ້າ ນໍ້າຂອງໄຊຍະບູລີ ແລະ ວົງຈອນການທ່ອງ ທ່ຽວຊົມທິວທັດທໍາມະຊາດ ແລະ ວິທີຊີວິດຂອງຊົນເຜົ່າ ໄປຼ ຢູ່ເມືອງໄຊສະຖານ ແລະ ອື່ນໆ. ພ້ອມນີ້ ກໍໄດ້ ເປີດເປັນ ບ້ານພັກແຮມນໍາປະຊາຊົນ (ໂຮມສະເຕ) 4 ບ້ານຄື: ບ້ານແກ້ວ, ບ້ານປາກຮຸ່ງ ເມືອງໄຊຍະບູລີ; ບ້ານແສງ ຈະເລີນ, ບ້ານສົມສະຫວັນ ເມືອງພຽງ.
ນອກຈາກນັ້ນ, ຍັງໄດ້ ຍົກລະດັບ ແລະ ສົ່ງເສີມການ ຈັດງານບຸນປະເພນີຂອງ ທ້ອງຖິ່ນ ເພື່ອຮັບໃຊ້ວຽກ ງານທ່ອງທ່ຽວ ໂດຍສະເພາະ ການງານເປີດປີທ່ອງທ່ຽວ ລາວ 2018 ຄື: ມະຫາກໍາ ບຸນຊ້າງ, ບຸນຊ່ວງເຮືອ ເມືອງ ໄຊຍະບູລີ, ເທສະການກອງ ເຂົ້າໃຫຍ່ ເມືອງພຽງ, ເທສະ ການຜີໂຂນ ເມືອງປາກລາຍ, ເທສະການເຂົ້າຈີ່ໃຫຍ່ ເມືອງ ບໍ່ແຕນ ແລະ ງານບຸນ ປະເພນີ ອື່ນໆ. ໄປພ້ອມໆ ກັນນີ້, ບັນ ດາເມືອງກໍໄດ້ປັບປຸງພັດທະນາ ແລະ ເປີດບໍລິການແຫລ່ງ ທ່ອງທ່ຽວ ເມືອງຂອງຕົນໄດ້ 24 ແຫ່ງ, ເພື່ອຮອງຮັບປີ ທ່ອງທ່ຽວທ່ອງທ່ຽວລາວ ໃຫ້ມີບັນຍາກາດຟົດຟື້ນ./.
