ພາກສ່ວນກ່ຽວຂ້ອງເບິ່ງຄືນການກວດກາສິນຄ້າ ແລະ ເກັບເງິນຢູ່ເບື້ອງຂາອອກຂອງຄິວລົດສາຍໃຕ້
ໂດຍ: ທ່ຽງທຳ
ສະບາຍດີ, ເພື່ອນຜູ້ອ່ານ ທີ່ຮັກແພງ, ກໍນັບວ່າ ດີຫລາຍ ນັບແຕ່ໂລກເຮົາມີສື່ສັງຄົມ ອອນລາຍມາຊ່ວຍ, ໂດຍສະ ເພາະຜ່ານລະບົບມືຖືຕ່າງໆ, ຢູ່ໃສ່, ແຫ່ງຫົນໄດ້ເຮົາກໍ ສາມາດຮັບຮູ້ຂໍ້ມູນຂ່າວສານ ແລະ ເຫັນໄດ້ປາກົດການ ແລະ ເຫດການຕ່າງໆ ເກີດຂຶ້ນ ໃນຮອບໂລກ ແລະ ນັບທັງ ກະໂຕເຮົາເອງກໍສາມາດເປັນ ສື່ຜູ້ໜຶ່ງເພື່ອນຳສະເໜີ ແລະ ສ່ອງແສງບັນຫາຕ່າງໆ ນັບ ທັງດ້ານດີ ແລະ ດ້ານຫຍໍ້ທໍ້ ຕ່າງໆ ເພື່ອພວກເຮົາຈະໄດ້ ຮ່ວມກັນປັບປຸງແກ້ໄຂ ກໍດັ່ງ ອາທິດຜ່ານມານີ້ມີເພື່ອນຜູ້ ອ່ານໜັງສືພິມລາວພັດທະນາ ພວກເຮົາສ່ອງແສງມາວ່າ: ຂໍໃຫ້ສື່ມວນຊົນໃຫ້ຄວາມກະ ຈ່າງແດ່ວ່າ: ເປັນຫຍັງໃນປັດ ຈຸບັນນີ້ ຈິ່ງມີການກວດກາສິນ ຄ້າຜູ້ໂດຍສານມາຜ່ານຄິວລົດ ສາຍໃຕ້ ກ່ອນຈະເຂົ້າມານະ ຄອນຫລວງກໍມີເຈົ້າໜ້າທີ່ຈຳ ນວນໜຶ່ງທີ່ຕັ້ງປ້ອມຢູ່ທາງ ເບື້ອງຂາອອກຂອງຄິວລົດ ດັ່ງກ່າວກວດກາ ແລະ ຖາມ ຫລາຍບັນຫາ, ນັບທັງເອກະ ສານສິນຄ້າລາຄາຕ່າງໆ ໃນລັກສະນະຂົ່ມຂູ່ເອົາເງິນ ຜູ້ໂຊກຮ້າຍ, ໂດຍສະເພາະ ແມ່ນເຄື່ອງຂອງຜູ້ໂດຍສານ ມາຈາກ ສສ ຫວຽດນາມ ຫລື ບັນດາ ແຂວງພາກໃຕ້, ເບິ່ງ ລັກສະນະຄືຈະບໍ່ແມ່ນທາງ ການເຮົາເປັນຜູ້ແຕ່ງຕັ້ງມາ ກວດເພາະເມື່ອຈ່າຍເງິນໃຕ້ ໂຕະຊ່ຳໃດໜຶ່ງແລ້ວພວກເຂົາ ກໍປ່ອຍໄປໂດຍບໍ່ມີໃບບິນຮັບ ເງິນແຕ່ຢ່າງໃດ.
ເມື່ອເປັນເຊັ່ນນີ້ ຈິ່ງຂໍໃຫ້ ຂະແໜງການກ່ຽວຂ້ອງໂດຍສະເພາະເບື້ອງເຈົ້າໜ້າທີ່ເສດ ຖະກິດ ຫລື ການເງິນກວດກາ ເບິ່ງຄືນ ຖ້າແມ່ນການແຕ່ງຕັ້ງ ຈາກເບື້ອງລັດແທ້ກໍຂໍໃຫ້ມີ ແຈ້ງການລະອຽດຕໍ່ຜູ້ໂດຍ ສານມາຜ່ານຄິວລົດດັ່ງກ່າວ ຫລື ສັງຄົມໄດ້ຮັບຊາບເພື່ອ ຈະມີການກະກຽມເອກະສານ ສິ່ງຂອງຜູ້ໂດຍສານ ແລະ ສິນ ຄ້າຕ່າງໆ ໄດ້ຖືກຕ້ອງຕາມ ລະບຽບການ ແລະ ຖ້າບໍ່ແມ່ນ ຂອງແທ້ກໍຄວນມີມາດຕະ ການແກ້ໄຂໃຫ້ຖືກຕ້ອງຕາມ ລະບຽບກົດໝາຍ./.
+ ພາກສ່ວນກ່ຽວຂ້ອງຕ້ອງເຂັ້ມງວດປົວແປງຜົນກະທົບຂອງອຸປະຕິເຫດ
