ທ່ານ ທຣຳ ຕ້ອນຮັບ 3 ຊາວອາເມລິກາ ໄດ້ຮັບອິດສະຫລະພາບຈາກ ສປປ ເກົາຫລີ
ສຳນັກຂ່າວຕ່າງລາຍງານວ່າ: ໃນວັນທີ 10 ພຶດສະພານີ້, ຖ້ຽວບິນພິເສດຂອງລັດຖະບານອາເມລິການຳພົນລະເມືອງອາເມລິກາເຊື້ອສາຍເກົາຫລີ 3 ຄົນ ຄືທ້າວ ກິມ ຊັງດຸກ, ທ້າວ ກິມ ຮັກຊອງ ແລະ ທ້າວ ກິມ ດອງຊໍ ເດີນທາງຈາກນະຄອນຫລວງພຽງຢາງມາລົງຈອດຢູ່ສະໜາມບິນຂອງຖານທັບອາເມລິກາແອນດຣູ ໃນລັດແມຣິແລນ ໂດຍປະທານາທິບໍດີ ໂດນັນ ທຣຳ, ນາງ ເມລາເນຍ ທຣຳ ແມ່ຍິງໝາຍເລກໜຶ່ງ, ຮອງປະທານາທິບໍດີ ໄມ ເພນ ແລະ ນາງ ຄາເຣນ ເພນ ພັນລະຍາ ຖ້າຕ້ອນຮັບ ກ່ອນສົ່ງຕົວທັງສາມຄົນໄປເຂົ້າຮັບການກວດຮ່າງກາຍຢູ່ໂຮງໝໍທະຫານແຫ່ງຊາດ.
ຜູ້ນຳອາເມລິກາ ກ່າວວ່າ: ໄລຍະເວລາອັນນີ້ຄືໄລຍະເວລາອັນເປັນພິເສດຂອງທັງສາມຄົນ ແລະ ຂອບໃຈທ່ານ ກິມ ຈ໋ອງອຸນ ຜູ້ນຳສູງສຸດ ສປປ ເກົາຫລີ ເຊິ່ງມອບອິດສະຫລະໃຫ້ແກ່ພົນລະເມືອງອາເມລິກາ, ພ້ອມທັງສະແດງຄວາມເຊື່ອໝັ້ນວ່າ: ການຕັດສິນໃຈຂອງຜູ້ນຳ ສປປ ເກົາຫລີ ໃນຄັ້ງນີ້ ສະທ້ອນຄວາມມຸ່ງໝັ້ນທີ່ເພີ່ມຂຶ້ນຂອງທ່ານ ກິມ ຈ໋ອງອຸນ ໃນການສ້າງສັນຕິພາບ ແລະ ປົດອາວຸດນິວເຄຼຍຢູ່ແຫລມເກົາຫລີ.
BREAKING: President Donald Trump personally welcomes back three Americans as they arrive at a military base outside Washington after their release from North Korea https://t.co/Io4r80IUmZ pic.twitter.com/efqzFbgx27
— CNN (@CNN) May 10, 2018
ໂດຍລັດຖະບານພຽງຢາງດຳເນີນຄະດີກັບທັງສາມຄົນໃນຂໍ້ຫາ “ຕໍ່ຕ້ານ ແລະ ພະຍາຍາມລົ້ມລ້າງອຳນາດລັດ” ແລະ ທຸກຄົນຮັບໂທດໃຊ້ແຮງງານໜັກໜ້ອຍຕ່າງກັນຕາມຖານຄວາມຜິດ ທີ່ບໍ່ມີການເປີດເຜີຍລາຍລະອຽດຢ່າງຈະແຈ້ງ.
