ດຣ. ມະຫາເທ ຜູ້ນຳຝ່າຍຄ້ານ ໄດ້ເປັນນາຍົກລັດຖະມົນຕີມາເລເຊຍ
ສຳນັກຂ່າວເບີນາມາຂອງມາເລເຊຍ ລາຍງານວ່າ: ປະທານຄະນະກຳມະການການເລືອກຕັ້ງປະກາດຜົນຄະແນນທີ່ນັບສຳເລັດຢ່າງເປັນທາງການໃນເວລາ 04:45 ໂມງ ວັນທີ 10 ພຶດສະພາ ຕາມເວລາມາເລເຊຍວ່າ: ພັນທະມິດຝ່າຍຄ້ານໄດ້ບ່ອນນັ່ງໃນສະພາ 113 ບ່ອນນັ່ງຈາກທັງໝົດ 222 ບ່ອນນັ່ງ, ສ່ວນລັດຖະບານປະສົມໄດ້ພຽງ 79 ບ່ອນນັ່ງ ຫລຸດລົງຈາກ 132 ບ່ອນນັ່ງໃນການເລືອກຕັ້ງຄັ້ງກ່ອນ.
ທ່ານ ມະຫາເທ ເຊິ່ງຈະກາຍເປັນນາຍົກລັດຖະມົນຕີທີ່ອາຍຸຫລາຍທີ່ສຸດໃນໂລກ ໄດ້ພັກບຳນານເພື່ອເຂົ້າມາຊີງຕຳແໜ່ງນາຍົກລັດຖະມົນຕີກັບທ່ານ ນາຈິບ ຣາຊັກ ຮັກສາການນາຍົກລັດຖະມົນຕີ ເຊິ່ງພົວພັນການສຸຈະລິດຂະໜາດໃຫຍ່ໃນກອງທຶນ 1 Malaysian Development Berhad ຫລື 1MDB.
ທ່ານ ນາຈິບ ຣາຊັກ ຖະແຫລງຍອມຮັບຄຳຕັດສິນຂອງປະຊາຊົນ ແລະ ເຄົາລົບຫລັກການປະຊາທິປະໄຕລັດຖະສະພາ, ພາຍຫລັງລັດຖະບານປະສົມເສຍໄຊການເລືອກຕັ້ງເປັນເທື່ອທຳອິດນັບແຕ່ມາເລເຊຍໄດ້ຮັບເອກະລາດຈາກອັງກິດໃນປີ 1957.
