Facebook Messenger ກຽມເປີດໂຕຮູບໂສມໃໝ່

ໃນວັນທີ 1 ພຶດສະພາ ທີ່ຜ່ານມາ Facebook ໄດ້ປະກາດກຽມປັບຮູບໂສມອິນເຕີເຟດຂອງ Facebook Messenger ໃໝ່ອີກຄັ້ງ  ເຊິ່ງກ່ອນໜ້ານີ້ Messenger ໄດ້ມີການພັດທະນາລູກຫລິ້ນຕ່າງໆເຂົ້າໄປອີກຫລາຍ ຈົນຫລາຍຄົນຮູ້ສຶກວ່າມັນຫລາຍ ແລະ ຮົກເກີນໄປ ຕອນນີ້ທາງ Facebook  ຈຶ່ງຈັດການປັບຮູບແບບໃໝ່ອີກຄັ້ງ ໂດຍເນັ້ນອິນເຕີເຟດທີ່ມີພື້ນແບບສີດຳ ຫລື Dark Mode  ໃຫ້ເລືອກໃຊ້ນຳອີກ ເພື່ອຕອບຮັບກັບໂທລະສັບມືຖືໜ້າຈໍ OLED ໃນຍຸກນີ້ໂດຍສະເພາະ.

ສຳຫລັບຄວາມປ່ຽນແປງຫລັກໆຂອງອິນເຕີເຟດແບບໃໝ່ຂອງ Facebook Messenger  ນັ້ນ ແທັບທາງລຸ່ມຈະມີພຽງ 3 ແທັບເທົ່ານັ້ນ ເນັ້ນການຕິດຕໍ່ສື່ສານໂດຍສະເພາະ. ສ່ວນປຸ່ມໂໝດກ້ອງ ແລະ ວີດີໂອ ຈະຢູ່ທາງຂວາເບື້ອງເທິງ ໂດຍມີແຖບ Story ຢູ່ທາງເທິງຄືເກົ່າ ທັງນີ້ທາງ Facebook  ຄາດວ່າຈະອັບເດດໃຫ້ໄດ້ໃຊ້ Messenger ຮູບໂສມໃໝ່ໃນໄວໆນີ້.