ປູກສາລີເປັນສິນຄ້າພາຄອບຄົວມີຊີວິດດີຂຶ້ນ

ການປູກພືດເປັນສິນຄ້າ ຕາມແນວທາງນະໂຍບາຍ ຂອງພັກ – ລັດ ສາມາດສ້າງ ລາຍຮັບເຂົ້າຄອບຄົວ ແລະ ເຮັດໃຫ້ຄອບຄົວມີຢູ່ມີກິນ ກ້າວໄປສູ່ການຫຼຸດພົ້ນອອກຈາກຄວາມທຸກຍາກໄດ້ຄື ດັ່ງຄອບຄົວຂອງ ທ່ານ ກູ່ ຈັນ ທະວົງ ນາຍບ້ານຜ່າໂປງ ເມືອງ ທ່າພະບາດ ແຂວງ ບໍລິ ຄຳໄຊ ທີ່ເອົາການປູກສາລີ ຫວານເປັນສີນຄ້າສາມາດ ສ້າງລາຍຮັບເຂົ້າໃນຄອບ ຄົວໄດ້ເປັນຈຳນວນຫຼາຍ, ຕາມການໃຫ້ສໍາພາດ ຂອງ ທ່ານ ກູ່ ໃຫ້ຮູ້ວ່າ: ຖ້າມີ ຄວາມສາມັກຄີ, ດຸໝັ່ນຂະ ຫຍັນພຽນ, ມັກຮັກໃນການ ປູກພືດເປັນສິນຄ້າ, ຮູ້ຊອກ ສະແຫວງຫາປະສົບການ ໃໝ່ໆ ເຂົ້າໃນການຜະລິດ, ກ້າຕັດສິນໃຈລົງທຶນເຂົ້າໃນ ການປະຕິບັດຕົວຈິງຈະເຮັດ ໃຫ້ຄອບຄົວໜີ້ຫ່າງອອກ ຈາກຄວາມທຸກຍາກໄດ້ແນ່ ນອນ ເຊັ່ນ: ການປູກສາລີ ເປັນສິນຄ້າກໍແມ່ນການສ້າງ ເສດຖະກິດໃນຮູບແບບໜຶ່ງ ທີ່ສາມາດສ້າງລາຍຮັບໄດ້ ເຊິ່ງການປູກສາລີບໍ່ຍາກພໍ ປານໃດ ໂດຍເລີ່ມແຕ່ການ ກຽມດິນແປງໜານໃຫ້ດີ ແລະ ຖືກວິທີຄືແຕ່ລະໜານ ຕ້ອງໃຫ້ຫ່າງກັນປະມານ 80 ຊັງຕີແມັດຈາກນັ້ນ ກໍພ້ອມ ລົງມືປູກເປັນໄລຍະຫ່າງ 25-30 ຊັງຕີ ແມັດພ້ອມ ຄາດດິນປົກແກ່ນທີ່ປູກປະ ມານ 5-10 ຊັງຕີແມັດ, ໃສ່ ປຸຍສູດ 15-15-15 ຕາມ ຫວ່າງຮອງພື້ນຫຼັງຈາກນັ້ນ ກໍບົວລະບັດຮັກສາຫົດນ້ຳ 3- 4 ມື້ຫົດເທື່ອໜຶ່ງ, ຖ້າຕົ້ນ ສາລີໃຫຍ່ ໄດ້ປະມານ 20 – 30 ວັນ ໃຫ້ໃສ່ປຸ່ຍ 46- 0-0 ພໍຮອດໄລຍະ 75 ວັນ ກໍສາ ມາດເກັບກູ້ໄດ້.
ເບື້ອງຕົ້ນ ສວນຂອງ ທ່ານ ກູ່ ມີເນື້ອທີ່ການຜະລິດ 8 ໄລ່, ນໍາໃຊ້ຕົ້ນທຶນປະມານ 3 ລ້ານກວ່າກີບ, ເຊິ່ງຜົນທີ່ ໄດ້ຮັບຈາກການຂາຍສາລີ ໄດ້ໄລ່ໜຶ່ງ 3 ລ້ານກີບ ຫລື ປະມານ 20 ກວ່າລ້ານກີບ ຕໍ່່ຊຸດ, ການຈຳໜ່າຍແມ່ນ ມີ ແມ່ຄ້າມາຊື້ຢູ່ກັບສວນ ເລີຍໂດຍຄິດໄລ່ເປັນກິໂລ ລະ 2.500 ກີບ.

+ ປູກພືດແບບປະສົມປະສານຊ່ວຍສ້າງເສດຖະກິດຄອບຄົວດີຂຶ້ນ

+ ການປູກພືດລະດູແລ້ງປີນີ້ລື່ນແຜນການ

ທ່ານກູ່ ເວົ້າວ່າ: ໃສຕໍ່ ໜ້າຕົນຍັງມີແຜນຜະລິດ ເພີ່ມຂຶ້ນອີກ 2-3 ໄລ່, ເພາະເຫັນວ່າ ມີຜົນທາງ ເສດຖະກິດດີ ຖ້າສົມທຽບ ລາຍໄດ້ໃນເມືອກ່ອນກັບ ປັດຈຸບັນແມ່ນຕ່າງ ກັນ ຫຼາຍລາຍຮັບຈາກການປູກ ສາລີສາມາດສົ່ງລູກຮຽນ ໜັງສືພ້ອມທັງຊື້ອຸປະກອນ ຮັບໃຊ້ຄອບຄົວ ແລະ ອື່ນໆ ອີກສຳລັບທ່ານໃດຍາກຈະ ປູກສາລີເປັນສິນຄ້າເພື່ອ ຫາລາຍໄດ້ເພີ່ມເຂົ້າໃນ ຄອບຄົວກໍສາມາດປູກໄດ້ ເພາະມັນເປັນອາຊີບທີ່ ງ່າຍ, ຜົນຜະລີດກໍເປັນສິ່ງ ຕ້ອງການຂອງຕະຫຼາດ ແລະ ເປັນທີ່ນິຍົມບໍລິໂພກ ຂອງທຸກໆຄົນ./.