ວິລລຽມ ເອົາຊະນະ ຮິກກິນ ຄວ້າແຊ້ມສະນຸກໂລກສະໄໝທີ 3
May 8, 2018 - 6:50 PM
ການແຂ່ງຂັນສະນຸກເກີຊີງແຊ້ມໂລກ 2018 ທີ່ເມືອງເຊຟຟິລ ປະເທດອັງກິດ ໃນວັນທີ 7 ພຶດສະພາ ເປັນການພົບກັນໃນຮອບຊີງຊະນະເລີດ ມາຣ໌ກ ວິລລຽມ ຈາກເວລ ຄວ້າແຊ້ມໂລກໄປຄອງເປັນສະໄໝທີ 3 ສຳເລັດ ຫລັງເອົາຊະນະ ຈອນ ຮິກກິນ ອະດີດແຊ້ມໂລກ 4 ສະໄໝຈາກສະກອດແລນ ລົງໄປຢ່າງສຸດມັນ 18-16 ເຟຣມ.
ຈາກການຄວ້າແຊ້ມໂລກຄັ້ງນີ້ ເຮັດໃຫ້ ວິລລຽມ ອາຍຸ 43 ປີ ທີ່ຄວ້າແຊ້ມໂລກຄັ້ງຫລັງສຸດໄດ້ນັບແຕ່ 15 ປີກ່ອນນັ້ນ ກາຍເປັນແຊ້ມໂລກທີ່ອາຍຸຫລາຍທີ່ສຸດເປັນອັນດັບ 2 ຮອງຈາກ ເຣ ເຣຍດອນ ລຸ້ນອ້າຍຮ່ວມປະເທດ ທີ່ສ້າງສະຖິຕິເອົາໄວ້ 45 ປີ ໃນຄັ້ງຄວ້າແຊ້ມໂລກໄປຄອງໃນປີ 1978.
