ພາຍຸ ເປັນໄພພິບັດທີ່ອັນຕະລາຍຮ້າຍກາດ
ໂດຍ: ກ້ອງສ່ອງ ອິດສະຫລະ
ພໍກ້າວເຂົ້າຕົ້ນລະດູຝົນ ສະພາບດິນຟ້າອາກາດໃນໄລຍະນີ້, ເຫັນວ່າ ມີການປ່ຽນ ແປງ ແລະ ມີລັກສະນະຮຸນ ແຮງຂຶ້ນເລື້ອຍໆ ປະກົດການ ທີ່ແປກປະຫລາກ ເຊິ່ງພວກ ເຮົາ ໄດ້ເຫັນກັບຕາ ນອກຈາກ ຈະມີລົມພັດແຮງ, ຝົນຕົກທີ່ ໜ້າເປັນຕາຢ້ານແລ້ວ, ກໍມີ ໝາກເຫັບຕົກລົງມາເປັນຈຳນວນຫລາຍ, ລົມຫົວກຸດ ຫລື ວ່າລົມພາຍຸທີ່ພັດປັ່ນມາຢ່າງຮຸນແຮງເມື່ອໄປຜ່ານເຂດ ໃດ, ບ້ານເມືອງໃດກໍເຮັດໃຫ້ ຕົ້ນໄມ້, ສິ່ງສາທາລະນະ, ເຮືອນຊານບ້ານຊ່ອງ, ຕຶກ ຫ້າງຮ້ານ, ປ້າຍໂຄສະນາເພ ພັງ, ພື້ນຖານການຜະລິດຖືກ ເສຍຫາຍຈົນນັບບໍ່ຖ້ວນ.
+ ຫລາຍພື້ນທີ່ໄດ້ຮັບຜົນເສຍຫາຍຈາກພາຍຸລະດູຮ້ອນໃນວັນທີ 14-17 ເມສານີ້
+ ເຈົ້າແຂວງໄຊຍະບູລີລົງສຳຫລວດຄວາມເສຍຫາຍຈາກລົມພາຍຸ
ນອກຈາກປະກົດການ ທີ່ກ່າວມານີ້ແລ້ວ, ຫ່າຝົນທີ່ ຖອກເທລົງໃນໄລຍະບໍ່ເທົ່າ ໃດຊົ່ວໂມງມັນກໍໄຫລຖ້ວມ ບ່ອນຕ່ຳທັ່ງຊຸລົງຕາມຮ່ອງຫ້ວຍຄອງບຶງ, ແມ່ນ້ຳລຳເຊ ເຮັດໃຫ້ຜົນລະປູກ ຫລື ພື້ນ ຖານການຜະລິດຖືກເສຍ ຫາຍຈຳນວນບໍ່ໜ້ອຍ. ນີ້ຄື ໄພພິບັດຈາກທຳມະຊາດທີ່ ເຕືອນໃຫ້ພວກເຮົາຕ້ອງມີ ສະຕິລະວັງຕົວ ແລະ ຄຳນຶງ ເຖິງຫລາຍປັດໄຈທີ່ພາກັນ ຕ້ານ ແລະ ຫາວິທີຫລີກເວັ້ນ ຢ່າງເໝາະສົມ. ຕາມເຮົາ ວ່າ ປັດໄຈທີ່ພວກເຮົາຈະຕ້ອງ ໄດ້ພາກັນຄິດ ແລະ ພ້ອມກັນ ແກ້ໃນໄລຍະຍາວນານນັ້ນ ກ່ອນອື່ນໝົດແມ່ນການປົກ ປັກຮັກສາທຳມະຊາດ ແລະ ສິ່ງແວດລ້ອມອ້ອມຕົວເຮົາ ນັ້ນລະຕ້ອງມາກ່ອນ, ໃນມະຕິ ຄັ້ງທີ 10 ຂອງພັກກໍໄດ້ເວົ້າ ແຈ້ງວ່າ: ສ້າງເສດຖະກິດ ແຫ່ງຊາດ ໄປຕາມທິດ ພັດທະ ນາແບບຍືນຍົງ ໃນແຜນພັດ ທະນາເສດຖະກິດ- ສັງຄົມ ຂອງປະເທດແຕ່ນີ້ໄປຮອດ 2020 ກໍວ່າໃຫ້ປ່າໄມ້ປົກຫຸ້ມ 70% ຂອງພື້ນທີ່ ທົ່ວປະເທດ, ເນື້ອແທ້ຂອງບັນຫາກໍຄືທຸກ ສິ່ງທຸກຢ່າງໃນການສ້າງສາພັດທະນາປະເທດຊາດກໍຕ້ອງໄດ້ຄຳນຶງເຖິງຜົນກະທົບຕໍ່ສິ່ງແວດລ້ອມເປັນຕົ້ນຊີວິດຂອງຄົນ ແລະ ທຳມະຊາດ,ກົງກັນ ຂ້າມ, ຖ້າພວກເຮົາຫາກພາ ກັນເຫັນຄວາມຢາກດ້ານ ດຽວບໍ່ໄວກໍຊ້າ ໄພພິບັດທີ່ບໍ່ ຄາດຝັນ ຈະມາທຳລາຍພວກ ເຮົາໃນຊົ່ວພິບຕາດຽວດັ່ງທີ່ ເຄີຍເຫັນມາໃນບາງປະເທດ.
ເມື່ອຕັ້ງໂຈດກັນວ່າ, ດ້ວຍສາເຫດໃດສະພາບດິນ ຟ້າອາກາດຈຶ່ງນັບມື້ມີການ ປ່ຽນແປງໄປໃນທາງລົບ ເລື້ອຍໆ? ຄຳຕອບກໍຄືຍ້ອນ ການເວລາ ຫລື ວ່າວິວັດທະ ນາການຂອງໂລກມັນກໍມີ ການປ່ຽນແປງໄປໃນຕົວ ຂອງມັນເອງ ອັນສອງມາ ສັງ ຄົມມະນຸດກໍມີການພັດທະ ນາກ້າວໄປ, ຈຳນວນພົນລະ ເມືອງ ໄດ້ເພີ່ມຂຶ້ນ, ຄວາມ ຕ້ອງການກໍເພີ່ມຂຶ້ນ, ການ ພັດທະນາກໍທັນສະໄໝກ້າວ ໄປຕິກໆ ອັນເປັນສາເຫດໜຶ່ງ ໃນການທຳລາຍທຳມະຊາດ ແລະ ສິ່ງແວດລ້ອມ.
ສະໄໝດຶກດຳບັນ, ຮຸ້ນປູ່ ຍ່າຕານາຍ, ຄູບາອາຈານ ນັບ ທັງຕຳຫລັກຕຳລາຕ່າງໆ ເພິ່ນ ໄດ້ບັນທຶກ ແລະ ທັງເວົ້າ ໃນ ເຊິ່ງປິດສະໜາວ່າ ກ້າວເຂົ້າ ຍຸກສອງພັນຫ້າໂລກາຊິໄຫວຫວັ່ນ, ສິ່ງບໍ່ທັນເຄີຍເຫັນກໍ ຈະ ໄດ້ເຫັນ, ສິ່ງທີ່ບໍ່ທັນເຄີຍມີກໍ ຈະມີ, ສິ່ງບໍ່ທັນເຄີຍພົບ ພໍ້ກໍຈະ ໄດ້ພົບພໍ້ເພາະມັນເປັນຍຸກມ້າປົ່ງເຂົາເສົາອອກດອກ, ຍຸກ ທິບຕາທິບ, ການທ່ອງທ່ຽວ ໄປມາເຄີຍນອນທາງສິບຄືນຊາວຄືນກໍເປັນພຽງຄາວມື້ ແຕ່ ໄປຄຽງຄູ່ກັບສິ່ງທີ່ກ້າວໜ້າ ທັນສະໄໝລ້ຳຍຸກນັ້ນ, ສິ່ງຫຍໍ້ ທໍ້ມັນກໍຕາມມາເໝືອນຄົນກັບເງົາເປັນຕົ້ນຄືໄພພິບັດຕ່າງໆ ດັ່ງທີ່ກ່າວມາ, ນອກນັ້ນ, ເວົ້າ ເຖິງຈິດໃຈຂອງຄົນເຮົາສະ ໄໝນີ້ ແມ່ນແຕກ ຕ່າງກັບຄົນ ສະໄໝເກົ່າຫລາຍ ເປັນຕົ້ນຜະ ລິດແຕ່ອາວຸດມາຂ້າກັນ, ຜະ ລິດຢາບ້າມາໃຫ້ກັນກິນ, ຜະ ລິດແຕ່ຂອງປອມມາສູ່ກັນບໍລິໂພກ ໃຜຊິຕາຍຊິຍັງບໍ່ກ່ຽວ ຂໍ ພຽງຢ່າງດຽວຄືກູຕ້ອງຮັ່ງ.
ແນວໃດກໍຕາມ, ເຮົາຄິດ ວ່າໂລກທຳມະຊາດກັບຄົນ ເຮົາມັກກໍຢູ່ຮ່ວມກັນມາຫລາຍ ເຊັ່ນຫລາຍຊາດມາແລ້ວ, ມີ ການເພິ່ງພາອາໄສ ເຊິ່ງກັນ ແລະ ກັນຕະຫລອດມາ ຖ້າ ຕ້ອງການຢູ່ແບບຍືນຍົງ ແລະ ມີຊີວິດຍືນຍາວພວກເຮົາກໍ ຕ້ອງພ້ອມກັນສ້າງບັນດາ ເງື່ອນໄຂ ແລະ ປັດໄຈຕ່າງໆ ເພື່ອເຮັດໃຫ້ໂລກໃບນີ້ອຸດົມ ສົດໃສ, ແລ້ວທຸກສິ່ງຢ່າງ ພວກເຮົາກໍພ້ອມກັນປອດໄພ ຕາມເສົາວ່າ! ./.
