ປັນຈັກສີລັດລາວຍາດໄດ້ຫລຽນທອງ ລາຍການລະດັບໂລກທີ່ປະເທດໄທ

ພາຍຫລັງ​ ສະຫະພັນກິລາ​ປັນ​ຈັກສີ​ລັດ​ແຫ່ງ​ຊາດ​ລາວ ​ໄດ້​ສົ່ງ​ນັກ​ກິລາ​ເຂົ້າຮ່ວມ​ແຂ່ງຂັນ​ໃນ​ລາຍການ World juniors Pencak silat championship Thailand 2018 ​ເຊິ່ງມີ 57 ປະ​ເທດ​ເຂົ້າຮ່ວມ ​ໃນ​ທ້າຍ​ອາທິດ​ຜ່ານ​ມາ ​ໂດຍ​ລາວ​ສົ່ງ​ເຂົ້າຮ່ວມ​ທັງ 2 ປະ​ເພດ​ຄື: ປະ​ເພດ​ລາຍ​ລຳ ​ແລະ ປະ​ເພດ​ຕໍ່ສູ້ ​ເຊິ່ງປະ​ເພດ​ລາຍ​ລຳ (tunggal) ນາງ ຕຸ່ນີ່ ວິ​ໄລ​ສັກ, ສ່ວນ​ປະ​ເພດ​ຕໍ່ສູ້ ທ້າວ ​ແຟ້ງ ວົງ​ພັກດີ. ຜ່ານ​ການ​ແຂ່ງຂັນ ນັກ​ກິລາ​ລາວ​ທັງ​ສອງ​ແມ່ນ​ເຮັດ​ຜົນງານ​ອອກ​ມາ​ໄດ້​ດີ ດ້ວຍ​ການ​ຄວ້າ​ຫລຽນ​ທອງ​ໄດ້​ຈາ​ກທ້າວ ​ແຟ້ງ ວົງ​ພັກດີ ​ໃນ​ປະ​ເພດ​ຕໍ່ສູ້.