ພັດທະນາການຂອງລູກນ້ອຍໄວເກີດ​ໃຫມ່

ເຖິງວ່າໃນຊ່ວງອາທິດທໍາອິດຫຼັງເກີດໃໝ່ ແມ່ຈະເຫັນລູກນ້ອຍມີແຕ່ນອນໝົດມື້ ແຕ່ກໍບໍ່ໝາຍຄວາມວ່າລູກເຮັດຫຍັງບໍ່ໄດ້ເລີຍ ເພາະທຸກເວລານາທີທີ່ຜ່ານໄປ ແມ່ສາມາດສ້າງເສີມພັດທະນາການດ້ານຕ່າງໆຂອງລູກນ້ອຍໄດ້ບໍ່ຕ່າງຈາກເດັກນ້ອຍໃນໄວອື່ນໆ ອີກທັງຊ່ວງເວລານີ້ຍັງເປັນຊ່ວງເວລາສໍາຄັນໃນການປັບຕົວລະຫວ່າງແມ່ກັບລູກນ້ອຍນຳ​ອີກ.

ດ້ານສະຕິປັນຍາ ແລະ ການຮຽນຮູ້

• ອາທິດທໍາອິດຂອງຊີວິດ ລູກນ້ອຍຕ້ອງການເວລານອນລັບປະມານ 17-18 ຊົ່ວໂມງຕໍ່ມື້ ການນອນລັບທີ່ພຽງພໍ ສໍາຄັນຫຼາຍຕໍ່ການຈະເລີນເຕີບໂຕຂອງຮ່າງກາຍ ແລະ ສະໝອງຂອງລູກ ເພາະຂະນະທີ່ລູກລັບຮ່າງກາຍຈະຫຼັ່ງ Growth Hormone ຊຶ່ງຊ່ວຍໃນການຈະເລີນເຕີບໂຕ ແລະ ຊ່ວຍເພີ່ມພະລັງງານໃຫ້ສະໝອງພ້ອມສໍາລັບການຮຽນຮູ້ໃນຍາມຕື່ນ. ສະນັ້ນ ການນອນລັບບໍ່ພຽງພໍ ຫຼື ການນອນລັບບໍ່ສະຫນິດເຊັ່ນ: ຢູ່ໃນສະຖານທີ່ສຽງດັງເກີນໄປ, ເຢັນ ຫຼື ຮ້ອນເກີນໄປ ອາດບໍ່ສົ່ງຜົນດີຕໍ່ພັດທະນາການ ແລະ ການຈະເລີນເຕີບໂຕຂອງລູກ.
• ປະສາດຫູຂອງລູກຂ້ອນຂ້າງໄວຕໍ່ສຽງໄດ້ຍິນພຽງເລັກນ້ອຍກໍສະດຸ້ງຕື່ນ.
• ເວລາກະທົບແສງ ປະສິດທິພາບໃນການເບິ່ງເຫັນຍັງບໍ່ດີປານໃດ ເບິ່ງເຫັນໄດ້ພຽງລາງໆໄລຍະຫ່າງບໍ່ເກີນ 8 ນິ້ວເທົ່ານັ້ນ.
• ສາມາດຮັບຮູ້ເວລາໄດ້, ຮັບຮູ້ການໂອບອຸ້ມ, ສໍາຜັດ ຍິ່ງແມ່ໂອບອຸ້ມລູກໃຫ້ຢູ່ໃນທ່າທີ່ໝັ້ນຄົງ ເພື່ອໃຫ້ນົມລູກກໍຈະສາມາດໃຊ້ຫາຫົວນົມໄດ້.
• ສາມາດຄວ້າຈັບສິ່ງຂອງໄດ້ຫາກບັງເອີນແຕະເຂົ້າ ຫຼື ຫາກແມ່ລອງສອດນິ້ວເຂົ້າໄປໃນມືຂອງລູກ ລູກຈະກໍານິ້ວມືແມ່ໄວ້ແໜ້ນ.
• ສາມາດແຍກແຍະຄວາມແຕກຕ່າງລະຫວ່າງລົດຫວານ ແລະ ຂົມໄດ້ໃນຊ່ວງ 3-4 ວັນຫຼັງເກີດໃໝ່

ດ້ານຮ່າງກາຍ ແລະ ການເຄື່ອນໄຫວ.

• ດ້ວຍຫົວທີ່ຍາວເກືອບເຄິ່ງໜຶ່ງຂອງລໍາໂຕ ຈຶ່ງເຮັດໃຫ້ເດັກເຄື່ອນໄຫວໄດ້ຢ່າງຈໍາກັດເຊັ່ນ: ​ເຄື່ອນ​ໄຫວແຂນຂວາ, ກະພິບຕາ, ແກວ່ງຫົວໄປມາເປັນຕົ້ນ ແຕ່ການເຄື່ອນໄຫວສ່ວນໃຫຍ່ເປັນໄປໃນຮູບແບບຂອງປະຕິກິລິຍາສະທ້ອນກັບ (Reflexes) ເຊັ່ນ ຖ້າແມ່ປ່ຽນທ່ານອນລູກທີ່ມີສຽງ ລູກຈະສະດຸ້ງຕື່ນ ແຂນຂາກາງອອກແລ້ວງໍກັບມາຢູ່ໃນທ່າຫໍ້ໂຕຢ່າງວ່ອງໄວ ຫຼືຫາກແມ່ລອງເອົານິ້ວເຈັບແກ້ມລູກ ເຂົາຈະຫັນຊອກຫາຕາມທິດທາງທີ່ຖືກສໍາຜັດ.
• ສາມາດຫັນຫົວຈາກຂ້າງໜຶ່ງໄປອີກຂ້າງໜຶ່ງໄດ້ ບາງຄັ້ງອາດຈະຍົກຂຶ້ນລົງໄດ້ເລັກນ້ອຍ.
• ຫາກຈັບລູກອຸ້ມຂຶ້ນບ່າລູກຈະພະຍາຍາມຍົກຫົວ ແລະ ຂະຫຍັບຮ່າງກາຍ ແຕ່ຖ້ານອນຂວ້ຳລູກຈະນອນໃນທ່າຄົດຄູ້ຕົວກົມ.
• ແມ່ສາມາດກະຕຸ້ນພັດທະນາການດ້ານຮ່າງກາຍຂອງລູກນ້ອຍໄດ້ດ້ວຍການໂອບອຸ້ມ ຫຼື ນວດສໍາຜັດຕາມສ່ວນຕ່າງໆຂອງຮ່າງກາຍລູກດຸໆ ຈະຊ່ວຍໃຫ້ລູກມີພັດທະນາການດ້ານຮ່າງກາຍ ແລະ ການຮຽນຮູ້ດີຂຶ້ນ.

ດ້ານພາສາ ແລະ ການສື່ສານ

• ເຖິງວ່າລູກຈະເວົ້າບໍ່ໄດ້ ແຕ່ສາມາດສື່ສານໄດ້ດ້ວຍການສົ່ງສຽງຮ້ອງ ເຊັ່ນ: ເມື່ອຮູ້ສຶກຫິວ, ຮູ້ສຶກບໍ່ສະບາຍໂຕ ຫາກແມ່ຕອບສະໜອງລູກນ້ອຍຖືກຕ້ອງ ແລະ ທັນທີດ້ວຍການອຸ້ມທີ່ໝັ້ນຄົງຈະຊ່ວຍໃຫ້ລູກຮູ້ສຶກອົບອຸ່ນ ແລະ ເປັນເດັກອາລົມດີໄດ້ບໍ່ຍາກ.

ດ້ານອາລົມ ແລະ ສັງຄົມ

• ໃນແຕ່ລະມື້ລູກຈະມີເວລາຕື່ນໂຕປະມານ 3% ໃນຊ່ວງເວລາກາງເວັນ ຈຶ່ງເປັນຊ່ວງທີ່ແມ່ກັບລູກນ້ອຍຄວນຈະໄດ້ສົບຕາທັກທາຍ ເພື່ອສ້າງຄວາມອົບອຸ່ນຄຸ້ນເຄີຍຕໍ່ກັນຫຼາຍຂຶ້ນ.
• ລູກໄວນີ້ມັກເບິ່ງໃບໜ້າຄົນຫຼາຍກວ່າສິ່ງຂອງ ແລະ ມັກຟັງສຽງສູງຂອງແມ່ຫຼາຍກວ່າສຽງທຸ້ມໆຂອງພໍ່.
• ມັກເບິ່ງວັດຖຸທີ່ມີລວດລາຍຫຼາຍກວ່າສີລຽບໆ.

ເຖິງວ່າລູກນ້ອຍຈະຍັງໃໝ່ຕໍ່ໂລກ ແຕ່ເຂົາກໍພ້ອມທີ່ຈະຮຽນຮູ້ປັບຕົວ ແລະ ພັດທະນາສັກກະຍະພາບຢ່າງເປັນຂັ້ນຕອນ ຂໍພຽງເຮົາເຂົ້າໃຈ ແລະ ເສີມສ້າງພັດທະນາການໃຫ້ລູກຢ່າງຮອບດ້ານ ໂດຍຜ່ານການເບິ່ງແຍງຢ່າງເໝາະສົມ.