ສອງເກົາຫລີຖອດລຳໂພງໂຄສະນາ ຊວນເຊື່ອອອກຈາກຊາຍແດນ
ສຳນັກຂ່າວຕ່າງປະເທດ ລາຍງານວ່າ: ກະຊວງປ້ອງກັນ ປະເທດຂອງ ສ.ເກົາຫລີ ອອກ ຖະແຫລງການໃນວັນທີ 1 ພຶດ ສະພາວ່າ: ເຈົ້າໜ້າທີ່ໄດ້ທະຍອຍ ຮື້ຖອນເຄື່ອງຂະຫຍາຍສຽງທຸກຈຸດຕາມຊາຍແດນຂອງເຂດ ປອດທະຫານ (DMC) ກັບ ສປປ ເກົາຫລີ ແລ້ວ ໃນເວລາ 14:00 ໂມງ ຕາມເວລາທ້ອງ ຖິ່ນ (12:00 ໂມງ ຕາມເວລາຢູ່ ລາວ), ສ່ວນເຈົ້າໜ້າທີ່ຂອງ ກອງທັບປະຊາຊົນເກົາຫລີ (KPA) ດຳເນີນການຮື້ຖອນອຸ ປະກອນໃນເບື້ອງຂອງ ສປປ ເກົາຫລີ ພ້ອມກັນ ເພື່ອສ້າງບັນ ຍາກາດແຫ່ງສັນຕິພາບ ແລະ ເປັນມິດ ຕາມການຮ່ວມມືທີ່ເລີ່ມ ຂຶ້ນຈາກກອງປະຊຸມສຸດຍອດລະ ຫວ່າງປະທານາທິບໍດີ ມຸນ ແຈ ອິນ ກັບທ່ານ ກິມ ຈ໋ອງອຸນ ຢູ່ ປານມູນຈອມເບື້ອງ ສ.ເກົາຫລີ ໃນວັນທີ 27 ພຶດສະພາຜ່ານມາ.
ທັງນີ້, ກອງທັບ ສ.ເກົາຫລີ ຕິດຕັ້ງເຄື່ອງຂະຫຍາຍສຽງປະມານ 40 ຈຸດ ຕາມຊາຍແດນ ເຂດປອດທະຫານ ນັບແຕ່ປີ 1963 ໂດຍການກະຈາຍສຽງ ໂຄສະນາຊວນເຊື່ອຕາມຊາຍ ແດນເປັນກົນລະຍຸດທີ່ສອງເກົາຫລີໃຊ້ເປັນ “ສົງຄາມຈິດວິທະ ຍາ” ຫລື “ສົງຄາມປະສາດ” ຕໍ່ ກັນມາຫລາຍທົດສະວັດແລ້ວ.
RAW VIDEO: South Korea dismantling anti-north Korea propaganda speakers. https://t.co/lH5gRRbEK1
— The Associated Press (@AP) May 1, 2018
ຂະນະດຽວກັນ, ທຳນຽບ ປະທານາທິບໍດີ ສ.ເກົາຫລີ ຫລື ຊອງວາແດ ອອກຖະແຫລງ ການວ່າ: ປະທານາທິບໍດີ ມຸນ ແຈອິນ ຍື່ນໜັງສືເຖິງທ່ານ ອັນ ໂຕນິໂອ ກູເຕຣເຣສ ເລຂາທິ ການສະຫະປະຊາຊາດ (UN) ຂໍໃຫ້ສົ່ງຄະນະເຈົ້າໜ້າທີ່ຮ່ວມ ກວດສອບຖານທົດລອງນິວເຄຼຍ ປຸງເກຣີ ທີ່ ສປປ ເກົາຫລີ ປະ ກາດຈະປິດພາຍໃນເດືອນນີ້ ເຊິ່ງ ທ່ານ ກູເຕຣເຣສ ມີໜັງສືຕອບ ກັບໃນເບື້ອງຕົ້ນວ່າຮັບຊາບ ແລະ ຈະສົ່ງຕໍ່ຄຳຮ້ອງຂອງລັດ ຖະບານເຊອຸນເຂົ້າສູ່ການພິຈາລະນາຂອງສະພາຄວາມໝັ້ນຄົງ ແຫ່ງສະຫະປະຊາຊາດ (UNSC) ເພື່ອຂໍຮັບການພິຈາ ລະນາອະນຸມັດຕໍ່ໄປ.
