ອັລລີ ຄວ້າລາງວັນນັກເຕະດາວຮຸ່ງດີເດັ່ນແຫ່ງປີຂອງ ພີເອຟເອ ເປັນປີທີສອງ

ເດເລ ອັລລີ ກອງກາງຄົນ ເກັ່ງຂອງ ທັອດແນມ ຮັອດສະເປີ ໄດ້ຮັບເລືອກໃຫ້ເປັນເຈົ້າຂອງ ລາງວັນນັກເຕະດາວຮຸ່ງດີເດັ່ນ ແຫ່ງປີຂອງ ສະມາຄົມບານເຕະ ອາຊີບ ອັງກິດ ຫຼື ພີເອຟເອ ປະຈຳ ລະດູການ 2016-17 ນັບເປັນ ການຄວ້າລາງວັນນີ້ເປັນປີທີສອງຕິດຕໍ່ກັນ ໂດຍກອງກາງອາຍຸ 21 ປີ ຫາກໍລົງຫຼິ້ນໃນເວທີພຣີເມຍລີກ ອັງກິດ ເປັນລະດູການທີສອງ ຫຼັງ ຍ້າຍມາຈາກ ມິລຕັນ ຄີນດອນ ມາຮ່ວມທີມໃນຕົ້ນປີ 2015 ແນວໃດກໍຕາມ ດ້ວຍຜົນງານທີ່ ສຸດຍອດ ສົ່ງຜົນໃຫ້ລາວເອງໄດ້ ຮັບລາງວັນອັນຊົງກຽດນີ້ເປັນປີທີສອງໃນຊີວິດ ການຄວ້າລາງວັນ ດັ່ງກ່າວສົ່ງຜົນໃຫ້ ເດເລ ອັລລີ ເປັນນັກເຕະ ທັອດແນມ ຮັອດສະ ເປີ ຄົນທີ 4 ຈາກ 6 ລະດູການຫຼັງ ສຸດທີ່ຄວ້າລາງວັນນີ້ໄດ້ຕໍ່ຈາກ ໄຄ ວອກເກີ, ແກເຣັດ ເບລ ແລະ ແຮ ຣີ ເຄນ.