ນາດາລ ຄວ້າແຊ້ມເທັນນິສ ບາເຊໂລນາ ໂອເພັນ

ການ​ແຂ່ງຂັນ​ເທັນ​ນິສ​ເອທີ​ພີ ​ເວິລ ທົວ ລາຍການ ບາ​ເຊ​ໂລ​ນາ ​ໂອ​ເພັນ ທີ່​ເມືອງ​ບາ​ເຊ​ໂລ​ນາ ປະ​ເທດສະ​ເປ​ນ ​ໃນ​ວັນ​ທີ 29 ​ເມສາ​ຜ່ານ​ມາ ​ໃນ​ປະ​ເພດ​ຊາຍ​ດ່ຽວ​ຮອບ​ຊິງ​ຊະນະ​ເລີດ ຣາຟາ​ເອລ ນາ​ດາລ ມື 1 ຂອງ​ລາຍການ​ຈາກ​ສະ​ເປ​ນ ຫລັງ​ເອົາ​ຊະນະ ສ​ເຕຟານ​ອສ ຊິ​ຊິ​ປາສ ມ້າ​ມືດ​ຈາກ​​ເກຣັກ ຂາດ​ລອຍ 2 ​ເຊ​ັດລວດ 6-2, 6-1 ຄວ້າ​ແຊ້ມ​ໄປ​ຄອງ​ເປັນ​ສະ​ໄມ​ທີ 11 ​ໄດ້​ສຳ​ເລັດ.

ຈາກ​ໄຊຊະນະ​ແບບ​ບໍ່​ເສຍ​ເຊັດ​ຄັ້ງນີ້​ເຮັດ​ໃຫ້ ນາ​ດາລ ຍຶດສະຖິຕິ​ບໍ່​ເສຍ​ເຊັດ​ໃຫ້​ໃຜ​ໃນ​ຂອດ​ດິນ​ອອກ​ໄປ​ເປັນ 46 ​ເຊັດ​ຕິດ​ຕໍ່​ກັນ. ນອກຈາກ​ນີ້ ນາ​ດາລ ຍັງ​ສ້າງ​ສະຖິຕິ​ຄວ້າ​ແຊ້ມຫລາຍ​ທີ່​ສຸດ​ເປັນອັນ​ດັບ 4 ​ໃນ​ຍຸກ​ໂອ​ເພັນ​ເຖິງ 77 ລາຍການ​ທຽບ​ເທົ່າ​ກັບ ຈອນ ​ແມ໊ກ​ເອນ​ໂຣ ຕຳນານ​ຊາວ​​ເມືອງ​ລຸງ​ແຊມ​ນຳ​ອີກ.