ສປປ ເກົາຫລີ ປັບເວລາກັບ ໃຫ້ກົງກັບເວລາ ສ.ເກົາຫລີ
ສຳນັກຂ່າວກາງເກົາຫລີ (KCNA) ຂອງທາງການ ສປປ ເກົາຫລີ ລາຍງານໃນວັນທີ 30 ເມສານີ້ວ່າ: ສປປ ເກົາຫລີ ຈະກັບໄປໃຊ້ເຂດເວລາດຽວກັບ ສ.ເກົາຫລີ ນັບແຕ່ວັນທີ 5 ພຶດສະພາ ເຊິ່ງຈະໄວຂຶ້ນຈາກປັດຈຸບັນ 30 ນາທີ.
ສປປ ເກົາຫລີ ໄດ້ປ່ຽນໄປໃຊ້ເຂດເວລາກ່ອນແຫລມເກົາຫລີຕົກເປັນອານານິຄົມຍີ່ປຸ່ນ ໃນປີ 1910-14945 ຊ້າກວ່າເວລາຍີ່ປຸ່ນ ແລະ ສ.ເກົາຫລີ 30 ນາທີ ໃນປີ 2014 ຄົບຮອບ 70 ປີຂອງການປົດແອກຈາກຍີ່ປຸ່ນ ເພື່ອສະແດງຄວາມຮັກຊາດ. KCNA ລາຍງານວ່າ: ທ່ານ ກິມ ຈ໋ອງອຸນ ຜູ້ນຳ ສປປ ເກົາຫລີ ກ່າວລະຫວ່າງປະຊຸມສຸດຍອດກັບປະທານາທິບໍດີ ມຸນ ແຈອິນ ຂອງ ສ.ເກົາຫລີ ໃນວັນທີ 27 ເມສາຜ່ານມາວ່າ: ຈະກັບໄປໃຊ້ເຂດເວລາດຽວກັບ ສ.ເກົາຫລີ ເພາະຮູ້ສຶກເຈັບປວດທີ່ເຫັນໂມງແຂວນຝາສອງເຮືອນໃນກອງປະຊຸມສະແດງເວລາທີ່ແຕກຕ່າງກັນຂອງສອງປະເທດ ຈຶ່ງຕັ້ງໃຈຈະເຮັດໃຫ້ເປັນເຂດເວລາດຽວກັນ ເພື່ອເປັນບາດກ້າວທຳອິດຢ່າງເປັນຮູບປະທຳຂອງຄວາມປອງດອງ ແລະ ການລວມຊາດ. ຫລ້າສຸດ ສະມັດຊາປະຊາຊົນສູງສຸດຂອງ ສປປ ເກົາຫລີ ໄດ້ອອກຄຳສັ່ງໃຫ້ກັບໄປໃຊ້ເຂດເວລາດຽວກັບ ສ.ເກົາຫລີ ແລ້ວ ມີຜົນແຕ່ວັນທີ 5 ພຶດສະພາ.
