ຂອງຕ້ອນ ວັນທີ 1 ພຶດສະພາ

ໂດຍ: ກ້ອງສ່ອງ ອິດສະຫລະ

ດັ່ງທີ່ຮູ້ກັນວ່າ, ທາງກະ ຊວງກ່ຽວຂ້ອງກໍຄືລັດຖະ ບານເຮົາໄດ້ຕົກລົງຍົກລະດັບຄ່າແຮງງານຂັ້ນຕ່ຳຂອງກຳ ມະກອນ ແລະ ຊາວຜູ້ອອກ ແຮງງານຈາກ 900.000 ກີບ (ເກົ້າແສນ) ຂຶ້ນເປັນ 1.100.000 ກີບ (ໜຶ່ງລ້ານ ໜຶ່ງແສນ) ເຊິ່ງຈະເລີ່ມປະຕິ ບັດແຕ່ວັນທີ 1 ພຶດສະພານີ້, ເປັນຕົ້ນໄປ, ສາເຫດທີ່ກຳນົດ ເອົາວັນນີ້ກໍຍ້ອນວ່າ ວັນທີ 1 ພຶດສະພາ ເປັນວັນກຳມະ ກອນສາກົນ. ນີ້ກໍສະແດງ ໃຫ້ເຫັນເຖິງຄວາມເອົາໃຈໃສ່ຂອງພັກ ແລະ ລັດຖະບານ ເຊິ່ງຍາມໃດກໍເປັນຫວ່ງເປັນ ໄຍນຳຊີວິດການເປັນຢູ່ຂອງຖັນແຖວກຳມະກອນ ແລະ ຊາວຜູ້ອອກແຮງງານທີ່ມີຄຸນງາມຄວາມດີໃນພາລະກິດ ສ້າງສາ ແລະ ພັດທະນາປະ ເທດຊາດໃຫ້ກ້າວໄປຢ່າງບໍ່ ຢຸດຢັ້ງ.

+ ບົວລະພາກະສິກ-ປ່າໄມ້ ຈໍາກັດເອົາກົດໝາຍແຮງງານເປັນແມ່ເຫຼັກຂອງການປະຕິບັດແຮງງານ

+ ຄ່າແຮງງານຂັ້ນຕໍ່າ ໃຫ້ນຳໜ້າຄ່າລ້ຽງຊີບ

ໃນຄວາມເປັນຈິງແລ້ວ, ກຳມະກອນ ແລະ ຊາວຜູ້ອອກ ແຮງງານສາມາດແຍກແຍະອອກເປັນ 2 ປະເພດດ້ວຍກັນ ຄື: ຊາວຜູ້ອອກແຮງງານ ດ້ວຍຕີນມື ແລະ ແນວຄິດມັນ ສະໝອງ, ໃນສອງຢ່າງນີ້ມັນ ຈະໄປພ້ອມໆ ກັນກາຍເປັນ ຄູ່ມາດຕະເກນໜຶ່ງໃນສັງຄົມ. ແນ່ນອນຖ້າເວົ້າເຖິງກຳມະກອນ ແລະ ຊາວຜູ້ອອກແຮງ ງານສ່ວນຫລາຍມັນກໍມີຢູ່ ຕາມໂຮງຈັກໂຮງງານ, ຕາມ ໂຄງການ, ກິດຈະການກໍ່ ສ້າງ ແລະ ຕາມສຳນັກງານ ອົງການ, ບໍລິສັດຫ້າງຮ້ານ ແລະ ພື້ນຖານການຜະລິດ ອື່ນໆ ພວກເຂົາເຈົ້າເຫລົ່ານີ້, ລ້ວນແລ້ວແຕ່ເປັນກຳລັງ ແຮງອັນມະຫາສານ ແລະ ທັງເປັນຊັບພະຍາກອນອັນ ສຳຄັນຂອງຊາດ, ປະເທດ ຊາດ ບ້ານ ເມືອງຈະເລີນຮຸ່ງ ເຮືອງກ້າວໜ້າໄປໄດ້ໄກສ່ຳ ໃດກໍຕ້ອງມີກຳລັງແຮງງານ ເພື່ອຮັບມືກັບການພັດທະນາສ້າງສາປະເທດຊາດ; ເວົ້າໄດ້ ວ່າ: ກຳມະກອນ ແລະ ຊາວຜູ້ ອອກແຮງງານເປັນກະດູກ ສັນຫລັງຂອງປະເທດຊາດ.

ການທີ່ພັກ ແລະ ລັດຖະ ບານເຮົາໄດ້ຕົກລົງຍົກລະດັບອັດຕາຄ່າແຮງງານຕ່ຳສຸດ ຈາກ 900.000 ກີບ ຂຶ້ນມາ ເປັນ 1.100.000 ກີບນີ້ ກໍອີງ ໃສ່ລະບົບເສດຖະກິດນັ້ນເປັນຫລັກ, ຍ້ອນວ່າມາຮອດປັດ ຈຸບັນເຮົາຈະຢຸດນິ້ງຢູ່ບ່ອນ ເກົ່ານັ້ນ ມັນກໍເປັນໄປບໍ່ໄດ້, ເສດຖະກິດຂອງໂລກນັບມື້ມີ ການປ່ຽນແປງ ແລະ ພັດທະ ນາກ້າວໄປ ອັນສອງມາກໍອີງ ໃສ່ສະພາບຄວາມເປັນຈິງ ຂອງເສດຖະກິດ-ສັງຄົມຢູ່ ບ້ານເຮົາມັນກໍຄ່ອຍໆປັບໂຕ ດີຂຶ້ນເທື່ອລະກ້າວ, ຈຸດໜັກ ແມ່ນບັນຫາຊີວິດການເປັນ ຢູ່ຂອງທະຫານ, ພະນັກງານ ແລະ ຖັນແຖວກຳມະກອນ ຊາວຜູ້ອອກແຮງງານຕ້ອງ ໃຫ້ດີຂຶ້ນເທ່ືອລະກ້າວ, ການ ກຳນົດອັດຕາຄ່າແຮງງານ ຂັ້ນຕ່ຳຍັງເປັນບ່ອນອີງໃສ່ ໃຫ້ການຄິດໄລ່ຮ່ວງເງິນອື່ນໆ ເປັນຕົ້ນເງິນລ່ວງເວລາ, ເງິນ ໂບນັດ ແລະ ອັດຕາຄ່າບໍລິ ການໃນຫົວໜ່ວຍບໍລິການ ແລະ ທຸລະກິດອື່ນໆ ບໍ່ແມ່ນ ການຂຶ້ນເງິນເດືອນໂດຍກົງ ແຕ່ແນ່ນອນໃນເມື່ອຍົກລະດັບ ອັດຕາຂັ້ນຕ່ຳຂຶ້ນເງິນແຮງ ງານມັນກໍຕ້ອງໄດ້ເພີ່ມຂຶ້ນ ໂດຍປະລິຍາຍ

ຕົວຢ່າງ: ຈາກແຮງ ງານຂັ້ນຕ່ຳໃນເມື່ອກ່ອນ 900.000 ກີບ ຂຶ້ນມາເປັນ 1.100.000 ກີບ ມັນກໍລື່ນ ກັນຫລາຍເຕີບ.
ເມື່ອຕັ້ງໂຈດກັນວ່າ: ເມື່ອ ມີການຍົກລະດັບແຮງງານ ຂັ້ນຕ່ຳຂຶ້ນເປັນ 1.100.000 ກີບ ຈະມີຜົນກະທົບຕໍ່ຜູ້ໃຊ້ ແຮງງານບໍ່? ຄຳຕອບໂຈດກໍ ຄືເດັດຂາດຈະບໍ່ມີຜົນກະທົບ, ຍ້ອນວ່າ ໃນຜ່ານມາມີຫລາຍ ບໍລິສັດຫ້າງຮ້ານ ແລະ ບັນ ດາໂຮງຈັກໂຮງງານສ່ວນ ຫລາຍລາຍຮັບເຂົາໄດ້ເກີນ ກວ່າຢູ່ແລ້ວ. ຕາມເຮົາຄິດມັນ ຈະຍິ່ງກະຕຸ້ນໃຫ້ການທຳງານ ມີຄຸນນະພາບດີຍິ່ງຂຶ້ນ. ຄວາມ ສະຫງົບພາຍໃນກໍຈະມີ ແລະ ການຫລັງໄຫລຂອງແຮງ ງານໄປຕ່າງປະເທດກໍຈະໄດ້ ຫລຸດໜ້ອຍຖອຍລົງ, ນັບທັງ ການຂັດແຍ່ງທາງດ້ານແຮງ ງານລະຫວ່າງຜູ້ອອກແຮງ ງານກັບຜູ້ໃຊ້ແຮງງານກໍຈະນັບມື້ມີໜ້ອຍ ແລະ ກ້າວໄປ ເຖິງບ່ອນວ່າບໍ່ມີແຕ່ກ່ອນອື່ນ ພວກເຮົາກໍຕ້ອງເຂົ້າໃຈວ່າ ເງິນພື້ນຖານຕ່ຳສຸດແມ່ນເງິນ ທີ່ຈະໄດ້ຮັບຕົວຈິງ, ເປັນເງິນ ທີ່ເຫລືອຈາກການຕັດໃນ ເງື່ອນໄຂອື່ນໆ ຂອງຜູ້ອອກ ແຮງງານບໍ່ໄດ້ລວມ ເຖິງເງິນ ຕຳແໜ່ງໜ້າທີ່, ເງິນອາຍຸ ການ, ເງິນລ່ວງເວລາ ແລະ ເງິນໂບນັດອື່ນໆ.

ແນວໃດກໍຕາມ, ເວົ້າ ເຖິງການຈັດຕັ້ງປະຕິບັດນິຕິກຳລຸ່ມກົດໝາຍໃນຫລາຍປີ ຜ່ານມາມີຫລາຍບ່ອນກໍເຮັດ ໄດ້ດີ ແຕ່ກົງກັນຂ້າມມີບາງ ບ່ອນກໍຍັງມີການສໍ້ໂກງແຮງງານກັນດ້ວຍປັດໄຈ ແລະ ເງື່ອນໄຂຕ່າງໆ ຈຶ່ງຂໍໃຫ້ ເບື້ອງມະຫາພາກມີການກວດ ສອບ-ກວດກາຢ່າງເຂັ້ມງວດເພື່ອຄວາມປອດໃສຕໍ່ກົດ ໝາຍ, ຄວາມສະຫງົບປອດ ໄພຂອງບ້ານເມືອງ ແລະ ເພື່ອ ຄວາມ ຢູ່ເຢັນເປັນສຸກຂອງ ຊາວຜູ້ອອກແຮງງານ./.