ຢູ 16 ຍິງ ເດີນທາງເຂົ້າຮ່ວມແຂ່ງຂັນຊີງແຊ້ມອາຊຽນ

ໃນວັນທີ 29 ເມສາ 2018 ນັກກິລາທີມຊາດລາວ ລຸ້ນອາຍຸບໍ່ກີນ 16 ປີ ຫລື ຢູ 16 ໄດ້ເດີນທາງເຂົ້າຮ່ວມການແຂ່ງຂັນເຕະບານຍິງ ຊີງແຊ້ມອາຊຽນທີ່ຈະຈັດຂຶ້ນຕົ້ນເດືອນພຶດສະພານີ້. ຂະນະທີ່ ທີມຊາດລາວ ຖືກຈັດຢູ່ກຸ່ມຮ່ວມກັບເຈົ້າພາບ.

ການແຂ່ງຂັນບານເຕະຍິງ ຊີງແຊ້ມອາຊຽນ ລຸ້ນອາ​ຍຸບໍ່ເກີນ 16 ປີ ມີທີມເຂົ້າຮ່ວມທັງໝົດ 9 ປະເທດ ແບ່ງອອກເປັນ 2 ກຸ່ມຄື: ກຸ່ມ ເອ: ຟີລິບປິນ, ມຽນມາ, ຫວຽດນາມ, ມາເລເຊຍ ແລະ ສິງກະໂປ. ສ່ວນກຸ່ມ ບີ: ໄທ, ກຳປູເຈຍ, ລາວ ແລະ ອິນໂດເນເຊຍ (ເຈົ້າພາບ).

ສໍາລັບຕາຕະລາງການແຂ່ງຂັນຂອງທີມຊາດລາວ ວັນທີ 2 ພຶດສະພາ ເວລາ 15:00 ໂມງ ພົບ ທີມຊາດກຳປູເຈຍ ແຂ່ງຂັນຢູ່ສະໜາມ ATHLETIC JAKA BARLING 2; ວັນທີ 4 ພຶດສະພາ ເວລາ 15:00 ໂມງ ພົບ ທີມຊາດໄທ ແຂ່ງຂັນຢູ່ສະໜາມ ATHLETIC JAKA BARLING 2; ວັນທີ 6 ພຶດສະພາ ເວລາ 15:00 ໂມງ ພົບ ອິນໂດເນເຊຍ ແຂ່ງຂັນຢູ່ສະໜາມ ATHLETIC JAKA BARLING 2.