ໄຊຍະບູລີກຳນົດສົ່ງ 16 ປະເພດກິລາເຂົ້າຮ່ວມ ກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງ
April 26, 2018 - 6:02 PM
ທ່ານ ພັນ ດວງຕາ ຮອງຫົວໜ້າພະແນກສຶກສາທິການ ແລະ ກິລາແຂວງໄຊຍະບູລີ ຂຶ້ນຜ່ານຂໍ້ຕົກລົງໃນກອງປະຊຸມປຶກສາຫາລືກະກຽມຄວາມພ້ອມເຂົ້າຮ່ວມງານມະຫາກຳກິລາແຫ່ງຊາດ ຄັ້ງທີ XI ໃນວັນທີ 24 ເມສາວ່າ: ແຂວງໄຊຍະບູລີຈະສົ່ງ 16 ປະເພດກິລາເຂົ້າຮ່ວມງານດັ່ງກ່າວ ປະກອບມີ: ບານເຕະ, ບານສົ່ງ, ກະຕໍ້, ສະນຸກເກີ, ດອກປີກໄກ່, ໝາກແລ້, ເປຕັງ, ແລ່ນ-ລານ, ລົດຖີບ, ຊ່ວງເຮືອ, ໝາກຂ່າງ, ໜ້າເກັກ, ກ໊ອຟ, ປິງປ໋ອງ, ມວຍສາກົນ ແລະ ເທຄວັນໂດ.
ສ່ວນແຜນການຝຶກຊ້ອມ, ການຄັດເລືອກນັກກິລາແຕ່ລະປະເພດ ແລະ ປະຕິບັດຕາມກອງທຶນສົ່ງເສີມການພັດທະນາກິລາ-ກາຍະກຳຂອງແຂວງ ເຊິ່ງຈະນຳໃຊ້ງົບປະມານໃນການສົ່ງນັກກິລາເຂົ້າຮ່ວມປະມານ 4 ຕື້ກວ່າກີບ.
