ເຮົາຍັງຖືເບົາຕໍ່ການຮັບມືກັບໄພພິບັດທຳມະຊາດ

 ໂດຍ: ທ່ຽງທຳ  

ສະບາຍດີ, ເພື່ອນຜູ້ອ່ານ ທີ່ຮັກແພງ, ຫລາຍຄົນກໍອາດ ເບິ່ງເຫັນບັນຫາຄືຂ້າພະເຈົ້າ, ເພາະວ່າ ຜ່ານມານີ້ລາວເຮົາ ເປັນປະເທດທີ່ໄດ້ຮັບຜົນກະ ທົບໜ້ອຍທີ່ສຸດຕໍ່ໄພທຳມະ ຊາດເຊັ່ນ: ພະຍຸຖະຫລົ່ມ, ໄພ ນ້ຳຖ້ວມ, ໂລກລະບາດ, ໄພ ແຫ່ງແລ້ງຂະໜາດໃຫຍ່ກໍ ເກືອບຈະບໍ່ມີ, ດັ່ງນັ້ນ ປະຊາ ຊົນ ເຮົາໂດຍສ່ວນຫລາຍຍັງ ຖືເບົາຕໍ່ການຮັບມືກັບໄພພິບັດ ດັ່ງກ່າວ. ເຖິງວ່າຈະມີການ ກ່າວເຕືອນແນະນຳໃຫ້ກຽມ ຄວາມພ້ອມຕ່າງໆເພື່ອຮັບມື ກັບມັນໃຫ້ມີຜົນກະທົບ ແລະ ຄວາມເສຍຫາຍໜ້ອຍລົງ, ແຕ່ ແລ້ວໃຜກໍບໍ່ເອົາຫົວຊາຄືດັ່ງ ແຈ້ງການຂອງອຸຕຸນິຍົມເມື່ອ ຕົ້ນອາທິດນີ້ເຕືອນວ່າ: ໃນ ລະຫວ່າງວັນທີ 25-27 ເມ ສານີ້ ຈະມີພະຍຸລະດູຮ້ອນພັດ ຜ່ານເຂດແຂວງຕ່າງໆ ຂອງ ລາວນັບແຕ່ເໜືອຮອດໃຕ້, ພ້ອມຈະມີໝາກເຫັບ ແລະ ຝົນ ຕົກແຮງ, ຈິ່ງຂໍເຕືອນໃຫ້ປະ ຊາຊົນເຮົາໃນທຸກເຂດ ແຂວງ ຈົ່ງຕຽມພ້ອມມີສະຕິຮັບມືກັບ ສະພາບໄພທຳມະຊາດດັ່ງ ກ່າວ, ແຕ່ແລ້ວເບິ່ງໃຜກໍຄື ເມີນເສີຍ, ຈາກນັ້ນຈິ່ງເຮັດ ໃຫ້ ມີຄວາມເສຍຫາຍຕາມມາ, ດັ່ງຢູ່ເມືອງຊຽງເງິນ ແລະ ຫລາຍເມືອງໃນນະຄອນ ຫລວງວຽງຈັນ ໄດ້ຮັບຜົນກະ ທົບໜັກຈາກພະຍຸລູກນີ້ທີ່ ພັດເຂົ້າມາໃນແລງວັນທີ 25 ເມສານີ້, ເຮັດໃຫ້ເຮືອນຊານ, ໂຮງຮຽນ ແລະ ສຸກສາລາ ຫລາຍຫລັງໄດ້ຮັບຄວາມເສຍ ຫາຍ, ລະບົບຕາຂ່າຍໄຟຟ້າ ເພພັງ ເປັນຈຳນວນບໍ່ໜ້ອຍ ຄື ເຂດໜອງປີງ ໃນນະຄອນ ຫລວງວຽງຈັນຈົນມາຮອດ ວັນທີ 26 ເມສານີ້ ກໍຍັງບໍ່ສາ ມາດປົວແປງໄດ້ເຮັດໃຫ້ການ ສະໜອງໄຟຟ້າໃນເຂດດັ່ງ ກ່າວເປັນອຳພະພາດ, ພ້ອມ ນັ້ນກໍມີເຮືອນຊານປະຊາຊົນ ຫລາຍເຂດໄດ້ຮັບຜົນກະທົບ ນີ້ ກໍເນື່ອງຈາກສະພາບການ ປ່ຽນແປງຂອງດິນຟ້າອາ ກາດ, ສິ່ງບໍ່ເຄີຍເກີດ, ບໍ່ເຄີຍມີ ມັນກໍເກີດ ແລະ ມີຂຶ້ນໄດ້.

ດັ່ງນັ້ນມັນເຖິງເວລາ ແລ້ວທີ່ອຳນາດການປົກຄອງ ແລະ ປະຊາຊົນເຮົາຈະຕ້ອງ ໄດ້ເພີ່ມຄວາມເຂັ້ມງວດໃນ ການມີສະຕິຮັບມືກັບໄພພິບັດ ດັ່ງກ່າວ, ເພື່ອເຮັດແນວໃດ ໃຫ້ມີຜົນກະທົບ ແລະ ຄວາມ ເສຍຫາຍໜ້ອຍທີ່ສຸດ.

+ ເມືອງຫົງສາສະຫລຸບວຽກງານຄວບຄຸມໄພພິບັດ

+ ເຈົ້າແຂວງໄຊຍະບູລີລົງສຳຫລວດຄວາມເສຍຫາຍຈາກລົມພາຍຸ