ລາວຄືປາຍທາງທ່ອງທ່ຽວຂອງ ສ. ເກົາຫລີ

ທ່ານ ຊອງຊຸນຊິນ ເອກ ອັກຄະລັດຖະທູດ ສ.ເກົາຫລີ ປະຈຳລາວ ໃຫ້ຮູ້ວ່າ: ສປປ ລາວ ຄືປະເທດປາຍທາງ ການທ່ອງທ່ຽວຂອງນັກ ທ່ອງທ່ຽວຈາກ ສ.ເກົາຫລີ, ເຊິ່ງສະແດງອອກໃນປີ 2017 ຜ່ານມາ, ມີນັກ ທ່ອງທ່ຽວ ສ.ເກົາຫລີ ຫລາຍກວ່າ 1 ແສນເທື່ອຄົນເຂົ້າມາ ທ່ອງທ່ຽວລາວ ແລະ ເຊື່ອ ໝັ້ນວ່າຈະເພີ່ມຂຶ້ນເລື້ອຍໆ ໃນອານາຄົດ.

+ ເຊກອງຈະເອົາໃຈໃສ່ຄຸ້ມຄອງການບໍລິການພາຍຫລັງເປີດປີທ່ອງທ່ຽວ

+ ຫົວພັນຍົກລະດັບຄຸນນະພາບການບໍລິການທ່ອງທ່ຽວ2018

ທ່ານທູດ ໃຫ້ຮູ້ວ່າ: ການຮ່ວມມືດ້ານການທ່ອງທ່ຽວລະຫວ່າງລາວ ແລະ ສ.ເກົາຫລີ ແມ່ນມີສິ່ງທີ່ປະ ທັບໃຈຫລາຍ ແລະ ພວມມີ ບັນຍາກາດຄືກຄື້ນ, ໂດຍ ປາຍທາງທີ່ນັກທ່ອງທ່ຽວ ສ.ເກົາຫລີ ມາທ່ຽວຫລາຍ ແມ່ນນະຄອນຫລວງວຽງ ຈັນ, ວັງວຽງ, ຫລວງພະ ບາງ ແລະ ບັນດາແຂວງ ທາງພາກໃຕ້ຂອງລາວທີ່ມີ ແຫລ່ງທ່ອງທ່ຽວທາງທໍາ ມະຊາດທີ່ສວຍສົດງົດງາມ ແລະ ປັດຈຸບັນ, ສາຍການ ບິນໂດຍກົງລະຫວ່າງນະ ຄອນຫລວງວຽງຈັນ-ສ. ເກົາຫລີ ມີ 5 ຖ້ຽວຕໍ່ມື້ ອັນ ເປັນເງື່ອນໄຂສະດວກໃຫ້ ແກ່ປະຊາຊົນສອງປະເທດ ລາວ-ສ.ເກົາຫລີໄດ້ເດີນ ທາງມາທ່ອງທ່ຽວ ແລະ ຢ້ຽມຢາມເຊິ່ງກັນ ແລະ ກັນ ແລະ ເພື່ອເປັນການດຶງດູດ ນັກທ່ອງທ່ຽວສ.ເກົາຫລີ ເຂົ້າມາທ່ຽວຊົມ ສປປ ລາວ ໃຫ້ຫລາຍຂຶ້ນໃນຕໍ່ໜ້ານັ້ນ, ເຫັນວ່າພາກສ່ວນກ່ຽວຂ້ອງຕ່າງໆຕ້ອງໄດ້ປັບປຸງນະໂຍ ບາຍບາງດ້ານໃຫ້ສະດວກ ຂຶ້ນຕື່ມ, ໂດຍສະເພາະການ ຂະຫຍາຍວີຊາຈາກຢູ່ໄດ້ ພຽງ 15 ວັນ ໃຫ້ຂຶ້ນເປັນ 30 ວັນ, ເພື່ອໃຫ້ນັກທ່ອງ ທ່ຽວ ໄດ້ມີເວລາເພີ່ມຂຶ້ນໃນການມາທ່ອງທ່ຽວ ສປປ ລາວ./.