ຊາລາ ແຊງ ເມສຊີ ຂຶ້ນເປັນຄົນທີ 2 ຄວ້າບັລລົງດໍ
ບໍລິສັດພະນັນອັງກິດ ດັນ ໂມ ຊາລາ ປີກ ລິເວີພູລ ຂຶ້ນເປັນຄົນທີ 2 ທີ່ຈະຄວ້າ ບັລລົງ ດໍ ແທນ ລີໂອເນລ ເມສຊີ ແລ້ວ ຫລັງຊ່ວຍໃຫ້ ລິເວີພູລ ຖະຫລົ່ມ ໂຣມ່າ ເຂົ້າຊີງບານເຕະ ແຊມປ້ຽນ ລີກ.
ບໍລິສັດຮັບພະນັນທີ່ຖືກກົດໝາຍຫລາຍແຫ່ງໃນປະເທດອັງກິດ ພ້ອມໃຈກັນຫລຸດລາຄາທີ່ ໂມຮາເໝັດ ຊາລາ ປີກຄົນເກັ່ງ ລິເວີພູລ ຈະໄດ້ລາງວັນ ບັລລົງ ດໍ 2018 ຫລັງຈາກ ຫລິ້ນໄດ້ຢ່າງສຸດຍອດໃນເວລານີ້.
ຊາລາ ເຮັດຜົນງານສຸດຍອດຍິງຄົນດຽວ 2 ປະຕູ ແລະ ຈ່າຍອີກ 2 ລູກ ຊ່ວຍໃຫ້ ລິເວີພູລ ເອົາຊະນະ ໂຣມ່າ ຄູ່ແຂ່ງຈາກອີຕາລີ 5-2 ໃນບານເຕະ ຢູຟາ ແຊມປ້ຽນລີກ ຮອບຮອງຊະນະເລີດ ນັດທຳອິດ ທີ່ສະໜາມແອນຟິລ ໃນວັນທີ 24 ເມສາ ສົ່ງຜົນໃຫ້ລາວຍິງໄປແລ້ວເຖິງ 43 ປະຕູໃນລະດູການນີ້.
ກ່ອນໜ້ານີ້ ປິກເອຢິບ ມີອັດຕາຕໍ່ລອງທີ່ຈະໄດ້ ບັລລົງ ດໍ ຢູ່ທີ່ 10/1 (ແທງ 1 ຈ່າຍ 10 ບໍ່ລວມທຶນ) ແຕ່ຫລັງຈາກຫລິ້ນໄດ້ດີໃນເກມຊະນະ ໂຣມ່າ ເຮັດໃຫ້ ວິລລຽມຮິລ ຕ້ອງຫລຸດລາຄາລົງມາເຫລືອພຽງ 6/4 (ແທງ 4 ຈ່າຍ 6 ບໍ່ລວມທຶນ) ແລະ ແຊງ ລິໂອເນລ ເມສຊີ ກອງໜ້າ ບາເຊໂລນາ ຂຶ້ນໄປເປັນອັນດັບສອງ. ຂະນະທີ່ອັນດັບ 1 ຍັງຄົງເປັນ ຄຣິສເຕຍໂນ ໂຣນັລໂດ ດາວເຕະ ຣີລ ມາດຣິດ ຄືເກົ່າ.
ອັດຕາຕໍ່ລອງນັກເຕະທີ່ຈະໄດ້ ບັລລົງ ດໍ 2018 ຂອງ ວິລລຽມຮິລ: 1. ຄຣິສເຕຍໂນ ໂຣນັລໂດ 11/10 (ແທງ 10 ຈ່າຍ 11 ບໍ່ລວມທຶນ), 2. ໂມຮາເໝັດ ຊາລາ 6/4, 3. ລິໂອເນລ ເມສຊີ 3/1, 4. ເນມາ 10/1 ແລະ 5. ເຄວິນ ເດິ ບຣອຍ 10/1.
