ເຈົ້າເມືອງອາດສະພອນລົງສຳຫລວດຄວາມເປັນໄປໄດ້ໃນການສ້າງເສັ້ນທາງຂ້າມສັນພູຊ້າງແຫ່

ວັນທີ 21 ເມສານີ້ ທ່ານ ແສງທອງ ວັງແກ້ວມະນີ ກຳມະການພັກ ແຂວງ ເລຂາ ພັກເມືອງ ເຈົ້າເມືອງອາດ ສະພອນ, ແຂວງ ສະຫວັນ ນະເຂດສົມທົບກັບ ອຳນາດ ການປົກຄອງບ້ານສອງຫ້ອງ ລົງສຳຫຼວດເສັ້ນທາງຂ້າມ ສັນພູຊ້າງແຫ່ເພື່ອເຊື່ອມຕໍ່ ລະຫວ່າງ ບ້ານສອງຫ້ອງ ກັບບ້ານ ດົງຄຳກວານ ທີ່ມີ ເສັ້ນທາງເລກທີ 10 ຕັດ ຜ່ານ ແລະ ເສັ້ນທາງສາຍນີ້ ກໍເປັນເສັ້ນທາງດັ່ງເດີມແຕ່ ບໍ່ໄດ້ມີການປົວແປງ ຈິ່ງເຮັດ ໃຫ້ໃຊ້ການບໍ່ໄດ້ໃນໄລຍະ ທາງຍາວປະມານ 15 ກິໂລ ແມັດ, ພ້ອມນີ້ກໍໄດ້ສຳຫຼວດ ແຫຼ່ງທ່ອງທ່ຽວຕ່າງໆ ເຂດ ບ້ານສອງຫ້ອງເຊັ່ນ: ດານ ຖ້ຳພະ, ດານຖ້ຳປ່ອງ ແລະ ດານກະເຕີບ ເຊິ່ງເປັນແຫຼ່ງ ທ່ອງທ່ຽວທາງທຳມະຊາດ ທີ່ງົດງາມຂອງເມືອງ ແລະ ຄາດວ່າເສັ້ນທາງດັ່ງກ່າວ ຈະໄດ້ຮັບການປົວແປງໃນຕໍ່ ໜ້າ, ກໍເພື່ອເຮັດໃຫ້ການໄປ ມາຫາສູ່ລະຫວ່າງ ປະຊາຊົນ ເຂດນີ້ມີຄວາມ ສະດວກດີຂຶ້ນ ໂດຍສະເພາະຈະຊ່ວຍພັດທະ ນາແຫລ່ງທ່ອງທ່ຽວແຫ່ງນີ້ ຂະຫຍາຍຕົວ.

+ ເຊກອງຈະເອົາໃຈໃສ່ຄຸ້ມຄອງການບໍລິການພາຍຫລັງເປີດປີທ່ອງທ່ຽວ

+ ຫົວພັນຍົກລະດັບຄຸນນະພາບການບໍລິການທ່ອງທ່ຽວ

ທ່ານ ແສງທອງ ວັງ ແກ້ວມະນີ ຍັງໄດ້ໂອ້ລົມຕໍ່ອຳ ນາດການປົກຄອງ ແລະ ປະ ຊາຊົນບ້ານດັ່ງກ່າວ ເພື່ອ ແນະນຳບາງບັນຫາໂດຍສະ ເພາະແມ່ນໃຫ້ຊາວບ້ານຢຸດຕິການຖາງປ່າເຮັດໄຮ່ ໃນ ເຂດປ່າສະຫງວນແຫ່ງຊາດ ແລະ ຮຽກຮ້ອງບໍ່ໃຫ້ ມີການ ຕັດໄມ້ໃນເຂດປ່າສະຫງວນຢ່າງເດັດຂາດ ແລະ ພ້ອມ ກັນເປັນຫູເປັນຕາຊ່ວຍປົກ ປັກຮັກສາຜືນປ່າ ໃຫ້ຍັງ ຄົງຄວາມອຸດົມສົມບູນຕະ ຫຼອດໄປ./.