ວິທະຍາໄລໄຊສົມບັດປະກອບສ່ວນພັດທະນາຊັບພະຍາກອນມະນຸດຮັບໃຊ້ສັງຄົມ

ທ່ານ ສຸກສະຫວັນ ໄຊ ສົມບັດ ປະທານວິທະຍາ ໄລ ໄຊສົມບັດ ສະຫວັນນະເຂດ ໄດ້ໃຫ້ສຳພາດ ເມື່ອບໍ່ດົນມາ ນີ້ວ່າ: ເປັນເວລາກວ່າ 12 ປີ, ທີ່ຕົນເອງໄດ້ສ້າງຕັ້ງວິທະ ຍາໄລໄຊສົມບັດນີ້ຂຶ້ນມາ ເພື່ອພັດທະນາຊັບພະຍາ ກອນມະນຸດດ້ານຂະແໜງ ການ ອາຊີວະສຶກສາ, ເຊິ່ງມາ ຮອດປັດຈຸບັນປະກອບມີວິຊາ ຊ່າງໄຟຟ້າ, ກົນຈັກລົດຍົນ, ກໍ່ສ້າງ, ເຄຫາ, ບໍລິຫານຈັດ ການ, ບໍລິຫານທຸລະກິດ ແລະ ເທັກໂນໂລຊີສາລະສົນເທດ, ໄອທີຄອມພິວເຕີ, ພາສາຕ່າງ ປະເທດ ແລະ ວິຊາທີຕິດພັນ ຂະແໜງການອື່ນໆ, ເຊິ່ງໄດ້ ຊ່ວຍໃຫ້ເຂົາເຈົ້ານຳໄປປະ ກອບອາຊີບຫລັງຈາກຮຽນຈົບ ແລະ ຜູ້ທີ່ຮຽນຈົບ ຜ່ານ ມາກໍມີຫລາຍຄົນໄດ້ປະ ກອບທຸລະກິດເປັນຂອງຕົວ ເອງ, ເຂົ້າເຮັດວຽກນຳອົງ ການຈັດຕັ້ງລັດ ແລະ ໃນ ເຂດເສດຖະກິດຕ່າງໆ ພາຍໃນແຂວງ ແລະ ແຂວງ ໃກ້ຄຽງ.

+ ວິທະຍາໄລສິລະປະເຜີຍແຜ່ຂໍ້ແຂ່ງຂັນ 3 ດີສະຫລອງວັນແມ່ຍິງສາກົນ

+ ສົກສຶກສາ 2016-2017 ນັກສຶກສາມະຫາວິທະຍາໄລແຫ່ງຊາດໄດ້ກຽດນິຍົມເພີ່ມຂຶ້ນ 23,5%

ທ່ານ ສຸກສະຫວັນ ໄຊ ສົມບັດ ໃຫ້ຮູ້ວ່າ: ປັດຈຸບັນວິ ທະຍາໄລກຳລັງມີບົດບາດ ສຳຄັນ ໃນການພັດທະນາອາ ຊີບແຮງງານຂອງຊາວໜຸ່ມໃນ ແຂວງສະຫວັນນະເຂດ, ຂະນະທີ່ຕະຫລາດແຮງງານຢູ່ແຂວງສະຫວັນນະເຂດ ກໍຍັງມີຄວາມຕ້ອງການສູງ ເມື່ອທຽບກັບການສະໜອງທີ່ຍັງບໍ່ໄດ້ຮອດ 10% ຂອງ ຄວາມຕ້ອງການ, ຈຳເປັນ ຕ້ອງໄດ້ເລັ່ງພັດທະນາ ຫລັກສູດອາຊີວະ, ລວມ ທັງອາຄານຮຽນ, ຫ້ອງ ຮຽນ ເພື່ອຮອງຮັບນັກສຶກ ສາໃຫ້ໄດ້ຫລາຍຂຶ້ນເພື່ອ ປະກອບສ່ວນພັດທະນາ ຊັບພະຍາກອນມະນຸດ ໄດ້ ຕາມຄວາມຮຽກຮ້ອງ ຕ້ອງການຂອງສັງຄົມ.

ໄລຍະຜ່ານມາ ວິທະ ຍາໄລໄຊສົມບັດເຕັກໂນ ໂລຊີ ກໍໄດ້ຮ່ວມມື ກັບພາກ ລັດກໍຄືກະຊວງສຶກສາທິ ການ ແລະ ກິລາ ເພື່ອປະຕິ ບັດໂຄງການສ້າງຄວາມ ເຂັ້ມແຂງດ້ານອາຊີວະສຶກສາທີ່ໄດ້ຮັບທຶນສະໜັບ ສະໜຸນຈາກທະນາຄານ ພັດທະນາອາຊີເພື່ອເປີດ ໂອກາດໃຫ້ຊາວໜຸ່ມຜູ້ທີ່ ດ້ອຍໂອກາດ, ຄົນທຸກຍາກ ໃນເຂດຊົນນະບົດເຂົ້າມາ ຮຽນໂດຍບໍ່ໄດ້ເສຍຄ່າ, ພ້ອມທັງຮັບເບ້ຍລ້ຽງ ຫລາຍກວ່າ 400 ຄົນ, ໃນ 3 ຮຸ່ນທີ່ຈົບໄປແລ້ວ ແລະ ກຳລັງສືບຕໍ່ຮັບເອົານັກ ຮຽນຊຸດໃໝ່./.