ຍ້ອນຫຍັງເຈົ້າຈຶ່ງຢາກເຮັດວຽກຢູ່ບ່ອນນີ້ ?

     ໄປສຳພາດວຽກຢູ່ບ່ອນໃດກໍຕາມ 90% ຈະຕ້ອງຖືກຖາມສະເໝີວ່າ : ເປັນຫຍັງທ່ານຈຶ່ງຢາກເຮັດວຽກຢູ່ບ່ອນນີ້ ? ເຖິງຈະເປັນຄຳຖາມງ່າຍໆ, ແຕ່ກໍເຮັດໃຫ້ຫລາຍຄົນໄປບໍ່ຖືກກໍມີ.

– ແບບທີ 1 : ຂ້ອຍຮູ້ຈັກກັບໝູ່ທີ່ເຮັດວຽກຢູ່ບໍລິສັດນີ້ມາຫລາຍປີ ລາວເວົ້າເລື່ອງລາວດີໆຂອງບໍລິສັດນີ້ໃຫ້ຂ້ອຍຟັງ ເຊັ່ນ : ລະບົບວຽກທີ່ຊ່ວຍເຫລືອກັນ ເຊິ່ງເຮັດໃຫ້ຂ້ອຍປະທັບໃຈຫລາຍ.

– ແບບທີ 2 : ຂ້ອຍເຂົ້າໄປເບິ່ງໃນເວັບໄຊ ຫລື ຮູ້ຈັກຜ່ານສື່ຕ່າງໆບໍລິສັດຂອງທ່ານມີຜົນປະກອບການທີ່ດີ ແລະ ຂ້ອຍຊື່ນຊົມຫລາຍ ເພາະສື່ໃຫ້ເຫັນການເຮັດວຽກທີ່ມີປະສິດທິພາບຂອງທຸກຝ່າຍ ແລະ ຂ້ອຍໝັ້ນໃຈວ່າຈະເປັນສ່ວນໜຶ່ງໃຫ້ບໍລິສັດມີຜົນປະກອບການທີ່ດີຂຶ້ນໄດ້.

– ແບບທີ 3 : ຂ້ອຍຊື່ນຊົມໃນການຄືນກຳໄລໃຫ້ສັງຄົມຂອງບໍລິສັດຫລາຍ ໂດຍສະເພາະການສ້າງສະໜາມກິລາ ມັນເຮັດໃຫ້ ເດັກນ້ອຍໃນເຂດຊົນນະບົດຂອງຂ້ອຍມີກິດຈະກຳທີ່ສ້າງສັນຮ່ວມກັນ ເຊິ່ງມັນບົ່ງບອກເຖິງທັດສະນະຄະຕິທີ່ດີຂອງຜູ້ບໍລິຫານ.

– ແບບທີ 4 : ຂ້ອຍເປັນຄົນທຸ້ມເທໃຫ້ວຽກ, ຂ້ອຍບໍ່ຢາກໃຫ້ອຸປະສັກເລື່ອງການເດີນທາງມາເຮັດໃຫ້ປະສິດທິພາບການເຮັດ ວຽກຂອງຂ້ອຍຫລຸດລົງ ແລະ ນີ້ກໍເປັນເລື່ອງທີ່ດີຫລາຍທີ່ບໍລິສັດມີການເດີນທາງທີ່ສະດວກ ແລະ ໃກ້ກັບບ່ອນພັກຂອງຂ້ອຍ ເລື່ອງນີ້ເປັນອີກເຫດຜົນທີ່ສຳຄັນຫລາຍສຳລັບຂ້ອຍໃນການເລືອກມາສະໝັກວຽກຢູ່ບ່ອນນີ້.

– ແບບທີ 5 : ສຳລັບຂ້ອຍສະຖານທີ່ບໍ່ສຳຄັນເທົ່າກັບໂອກາດທີ່ຈະໄດ້ຮັບ ບໍ່ວ່າບໍລິສັດໃດຂ້ອຍກໍຈະຮູ້ສຶກເປັນສ່ວນໜຶ່ງ ແລະ ຢາກຈະເຮັດວຽກໃຫ້ເຕັມທີ່ທັງໝົດ ເພາະເມື່ອໂອກາດມາເຖິງແລ້ວ ເປັນໜ້າທີ່ຂອງຂ້ອຍທີ່ຈະເຮັດໃຫ້ດີທີ່ສຸດ ໂດຍບໍ່ມີຫຍັງມາເປັນເງື່ອນໄຂ.