ເມສຊີ ເໜືອ ໂຣນັລໂດ ມີລາຍຮັບຫລາຍທີ່ສຸດປີຜ່ານມາ
April 24, 2018 - 5:42 PM
France Football ສື່ຊື່ດັງຂອງຝຣັ່ງ ເປີດເຜີຍລາຍຮັບຂອງນັກເຕະຈາກການຄຳນວນລາຍໄດ້, ຄ່າເມື່ອຍ, ໂບນັດ ແລະ ຜູ້ສະໜັບສະໜູນສ່ວນຕົວ ເຊິ່ງນັກເຕະທີ່ມີລາຍຮັບຫລາຍທີ່ສຸດໃນໂລກປີ 2017 ຕົກເປັນຂອງ ລິໂອເນລ ເມສຊີ ກອງໜ້າຂອງ ບາເຊໂລນາ ໄດ້ຮັບເງິນເຂົ້າກະເປົາເຖິງ 110 ລ້ານປອນ.
ອັນດັບ 2 ຕົກເປັນຂອງ ຄຣິສເຕຍໂນ ໂຣນັລໂດ ກອງໜ້າຂອງ ຣີລ ມາດຣິດ ໄດ້ຮັບ 82 ລ້ານປອນ, ອັນດັບ 3 ເນມາ ນັກເຕະຄ່າຕົວແພງທີ່ສຸດໃນໂລກຂອງ ປາຣີສ ແຊງແຊກແມງ ມີລາຍໄດ້ 71 ລ້ານປອນ, ອັນດັບ 4 ແກເຣັດ ເບລ ກອງໜ້າຂອງ ຣີລ ມາດຣິດ ໄດ້ຮັບເງິນ 39 ລ້ານປອນ ແລະ ອັນດັບ 5 ຕົກເປັນຂອງ ເຄຣາດ ປີເກ ກອງຫລັງຂອງ ບາເຊໂລນາ ມີລາຍໄດ້ 25 ລ້ານປອນ.
