ເມີຟີ ຕົກຮອບທຳອິດສະນຸກເກີຊິງແຊ້ມໂລກ
ການແຂ່ງຂັນສະນຸກເກີຊິງແຊ້ມໂລກ 2018 ທີ່ເມືອງເຊັຟຟິລ ປະເທດອັງກິດ ໃນວັນທີ 23 ເມສາ ຊອນ ເມີຟີ ອະດີດແຊ້ມໂລກປີ 2005 ແລະ ມື 8 ຂອງລາຍການຈາກອັງກິດ ຕ້ອງຕົກຮອບທຳອິດ ຫລັງຖືກ ເຈມີ ໂຈນສ໌ ມ້າມືດຈາກເວລສ໌ ພິກຈາກທີ່ຕົກເປັນຮອງຢູ່ 5-8 ເຟຣມ ກັບມາເອົາຊະນະໄປໄດ້ຢ່າງສຸດມັນ 10-9 ເຟຣມ ພ້ອມເຂົ້າສູ່ຮອບ 2 ຫລື ຮອບ 16 ຄົນສຸດທ້າຍໄປພົບກັບ ໄຄເຣນ ວິລສັນ ມື 9 ຈາກອັງກິດຕໍ່ໄປ.
ສ່ວນ ມາຣ໌ກ ອັລເລນ ຈາກໄອຣ໌ແລນເໜືອ ແລະ ມື 16 ຂອງລາຍການ ຜ່ານເຂົ້າຮອບ 2 ໄດ້ຕາມຄາດ ຫລັງສອນເຊີງລຽມ ໄຮຟິລ ນັກສະນຸກເກີຈາກອັງກິດ ທີ່ຜ່ານເຂົ້າມາແຂ່ງຂັນທີ່ຄູຣຊິເບິລ ເທຍເຕີ ໄດ້ເປັນຄັ້ງທຳອິດ ໄປ 10-5 ເຟຣມ ພ້ອມຜ່ານເຂົ້າຮອບໄປພົບກັບ ໂຈ ເພີຣີ ຈາກອັງກິດ ທີ່ພິກລ໊ອກເອົາຊະນະແຊ້ມເກົ່າ ແລະ ມື 1 ຂອງໂລກ ຄື ມາກເຊວບີ້ ມາໄດ້ໃນຮອບທຳອິດ 10-4 ເຟຣມ.
