ປີໃໝ່ສ້າງຜົນງານໃໝ່ໃຫຍ່ຫລວງກວ່າເກົ່າ

 ໂດຍ: ທິດກ່ຳ

ຖ້າຍົກເອົານິ້ວມື້ມານັບ ຖອຍຫລັງ ຫລື ວ່າ ໄປໜ້າວັນ ເວລາກ້າວສູ່ປີໃໝ່ 2561 ແມ່ນຫາກໍໄດ້ພຽງອາທິດ ກວ່າໆ ຫລື ວ່າເດືອນເມສາ ຂອງປີສາກົນກໍຍັງບໍ່ທັນໝົດ ເດືອນຊ້ຳ, ນັບທັງຜູ້ທີ່ໄດ້ລາ ພັກຈຳນວນບໍ່ໜ້ອຍກໍຍັງແກ່ຍາວມາຮອດມື້ວັນຈັນ ວັນທີ 23 ຈຶ່ງເຫັນໜ້າມາວຽກ ຫລື ເຂົ້າປະຕິບັດໜ້າທີ່ເປັນປົກກະຕິກໍຖືວ່າຊ່ວງໄລຍະສະ ຫລອງສົ່ງທ້າຍປີເກົ່າ 2560 ຕ້ອນຮັບປີໃໝ່ 2561 ສ່ວນ ຫລາຍໃຜກໍມີໂອກາດໄດ້ພັກຜ່ອນ ແລະ ໄດ້ສຳພັດຢູ່ກັບ ຄອບຄົວຢ່າງເຕັມທີ່ ຜູ້ໄປຢາມ ຄອບຄົວ, ຍາດຕີພີ່ນ້ອງຢູ່ແຖວ ຊົນນະບົດ, ທ້ອງຖິ່ນຫ່າງໄກ ກໍມີໂອກາດໄດ້ເຮັດບຸນສິນກິນ ທານຢູ່ກັບພໍ່ແມ່ ແລະ ຍາດຕີ ພີ່ນອງຢ່າງເຕັມອີ່ມ, ຕໍ່ຜູ້ທີ່ໄປ ທ່ອງທ່ຽວທາງໄກເໜືອໃຕ້ ຫລື ວ່າໄປຕ່າງ ປະເທດກໍມີ ໂອກາດໄດ້ກຳໄລຊີວິດ ແລະ ໄດ້ເຫັນຫລາຍສິ່ງ ຫລາຍຢ່າງ ສົມກັບຕົນເອງມີຄວາມມຸ້ງ ໝັ້ນ ແລະ ຕັ້ງໃຈ.

+ ປວງຊົນລາວສະຫລອງປີໃໝ່ດ້ວຍບັນຍາກາດຟົດຟື້ນ

+ ກ້າວສູ່ປີໃໝ່ໃຫ້ພ້ອມກັນເຊັກນ໊ອດຫັນກຽວ

ແນວໃດກໍດີ, ຕາມທິດກ່ຳ ວ່າ ໃນປີເກົ່າ 2560 ມັນກໍ ຜ່ານພົ້ນໄປດ້ວຍວັດຕະຈັກ ແຫ່ງການ ຂະຫຍາຍຕົວ ແລະ ປ່ຽນແປງຂອງໂລກ, ໃນນີ້ ມັນກໍມີທັງອັນດີ ແລະ ອັນ ຮ້າຍ, ເທົ່າທີ່ ທິດກ່ຳ ຄິດ ແລະ ເຫັນສະພາບຕົວຈິງຢູ່ແຖວ ບ້ານເຮົາພັດພາກັນມ່ວນຊື່ນສະຫລອງສົ່ງທ້າຍປີ ເກົ່າ ຕ້ອນຮັບປີໃໝ່ຢ່າງມ່ວນຊື່ນ ຄຶກຄື້ນ. ແຕ່ຢູ່ຊິກໂລກອີກ ບ່ອນໜຶ່ງພັດປະສົບກັບບັນ ຫາເຫດຮ້າຍປະເຊີນກັບຮ່າ ລະເບີດມີຄົນຕາຍເປັນຮ້ອຍ ເປັນພັນ, ນີ້ຄືສະພາບຄວາມ ບໍ່ທ່ຽງໝັ້ນ ແລະ ຄວາມ ບໍ່ແນ່ ນອນຂອງສັງຄົມມະນຸດທີ່ ເກີດມາຢູ່ຮ່ວມໂລກດຽວກັນ, ຄິດໄປຄິດມາມັນກໍບໍ່ຕ່າງ ຫຍັງກັບກ່ອນໜ້ານັ້ນ ຫົກ ເຈັດສິບປີຢູ່ບ້ານເຮົາກໍ່ຖືກສົງຄາມທຳລາຍມາແລ້ວຫລາຍສິບປີ ເຊິ່ງມາຮອດປັດຈຸບັນ ການເກັບກູ້ລະເບີດທີ່ຍັງບໍ່ທັນແຕກກໍບໍ່ຮູ້ວ່າເດືອນໃດປີໃດ ມັນຈະໝົດສ້ຽງ.
ໃນໜຶ່ງປີທີ່ຜ່ານມານັ້ນ, ຖ້າຈະເວົ້າເຖິງຜົນສຳເລັດໃນການສ້າງສາພັດທະນາບ້ານ ເມືອງພາຍໃຕ້ການນຳພາ ຂອງພັກ ແລະ ລັດຖະບານ ພວກ ເຮົາກໍມີຜົນສຳເລັດໃນ ຫລາຍດ້ານ, ອັນສຳຄັນກວ່າ ໝູ່ແມ່ນປະເທດຊາດມີຄວາມສະຫງົບໝັ້ນຄົງ, ດ້ານການ ເມືອງກໍມີສະເຖຍລະພາບ ໜັກແໜ້ນ, ເສດຖະກິດມີການ ຂະຫຍາຍຢ່າງຕໍ່ເນື່ອງໃນປີ ເກົ່າຜ່ານມາລວມຍອດຜະລິດຕະພັນ (GDP) ໄດ້ 6,9% ດ້ານສັງຄົມກໍມີຄວາມສະ ຫງົບໂດຍພື້ນຖານ, ຜົນງານ ສິ້ນໃຫຍ່ທີ່ສະແດງໃຫ້ຄວາມກ້າວໜ້າພັດທະນາໃນດ້ານນີ້ກໍແມ່ນພວກເຮົາໄດ້ພາກັນ ແຫ່ສະຫລອງໄຊສຽງແຄນ ລາວໄດ້ເປັນມໍລະດົກໂລກ ທາງດ້ານວັດທະນະທຳອັນ ສອງມາກໍປະກາດຍົກລະດັບ ເລື່ອນຕຳແໜ່ງສາມແຂວງ ໃຫຍ່ໃຫ້ເປັນນະຄອນເປັນຕົ້ນຄື: ນະຄອນຫລວງພະບາງ, ນະຄອນໄກສອນ ພົມວິຫານ ແລະ ນະຄອນປາກເຊ.

ສະເພາະການສະຫລອງຫລິ້ນບຸນປີໃໝ່ປີນີ້ກໍມີຄົນ ຕາຍ ພຽງ 29 ຄົນ, ສ່ວນວ່າ ຜູ້ເຈັບ ເປັນນັ້ນກໍອາດຈະມີແຕ່ວ່າ ຈະ ໜ້ອຍ ຫລື ຫລາຍນັ້ນ ທິດກ່ຳ ຍັງບໍ່ທັນມີຕົວເລກມາຢັ້ງຢືນ ໃຫ້ກັນຊາບ.

ເຖິງຢ່າງໃດກໍດີ, ຕາມ ທິດກ່ຳວ່າ ໃນປີໃໝ່ 2561 ໄດ້ກ້າວເຂົ້າມາຫາພວກເຮົາຕາມກົດເກນ ແລະ ກົງລໍ້ປະ ຫວັດສາດແລ້ວ, ໃນປີໃໝ່ນີ້ ຂໍໃຫ້ທຸກຄົນມີຄວາມສຸກ, ອັນ ສຳຄັນກ່ອນອື່ນໝົດສຸຂະພາບ ຕ້ອງມາກ່ອນ, ຊີວິດການເປັນ ຢູ່ກໍໃຫ້ດີຂຶ້ນກວ່າປີເກົ່າ ແລະ ສິ່ງທີ່ຂາດບໍ່ໄດ້ຄືພັນທະໜ້າທີ່ຂອງພວກເຮົາທຸກຄົນຕ້ອງໄດ້ ສູ້ຊົນແກ້ໄຂ ໃຜເຄີຍສໍ້ລາດ ບັງຫລວງຂໍໃຫ້ຢ່າ, ໃຜເຄີຍຢູ່ ຫລາຍຍ່ອຍບ່ອນຫລາຍຮູກໍ ໃຫ້ປະ, ໃຜເຄີຍກິນຢາມ້າຄ້າ ຢາເມົາກໍໃຫ້ຢຸດຕິ, ໃຜເຄີຍໄປ ລັກຕັດໄມ້ຄ້າໄມ້ແບບຜິດກົດໝາຍກໍໃຫ້ງົດອົດເຊົາແຕ່ມື້ ນີ້ວັນນີ້, ຜູ້ເຮັດທຸລະກິດການ ງານທີ່ເຄີຍລັກໂລບພາສີອາ ກອນກໍໃຫ້ຫັນປ່ຽນແນວຄິດ ດ້ວຍການເສຍພັນທະອາ ກອນໃຫ້ລັດຕາມລະບຽບກົດໝາຍ, ພວກທີ່ເຄີຍກິນນ້ອຍ ກິນໃຫຍ່ຫາວິທີສໍ້ໂກງເອົາ ເງິນລັດເງິນຫລວງ, ເອົາດິນ ລັດດິນຫລວງກໍຂໍໃຫ້ພາກັນ ຍົກເລິກ, ກົມກອງໃດຫາກຍັງ ມີບັນຫາທຸຈະລິດກໍໃຫ້ພາກັນແກ້, ຖ້າບໍ່ແກ້ຈະຖືກປົດຕຳ ແໜ່ງ, ຕາມທິດກ່ຳຄິດ, ທຸກ ສິ່ງຢ່າງຖ້າຫາກພວກເຮົາ ພ້ອມກັນເຍີກໄຊຊະນະໃນປີ ຕໍ່ໆ ໄປຈະຢູ່ບໍ່ໄກເກີນເອື້ອມ ເສົາວ່າ!./.