ອາທິດນີ້ມີ 3 ຄູ່ເຕະບານເປບຊີ ລາວພຣີເມຍລີກ 2018
ການແຂ່ງຂັນບານເຕະ ເປບຊີ ລາວພຣີເມຍລີກ 2018 ຈະກັບມາແຂ່ງຂັນໃນທ້າຍເດືອນເມສາ ຫລັງຈາກພັກ 2 ອາທິດ ເພື່ອສະຫລອງບຸນປີໃໝ່ລາວ ເຊິ່ງການແຂ່ງຂັນອາທິດທີ 6 ຈະມີ 3 ຄູ່ເທົ່ານັ້ນເນື່ອງຈາກນັກກິລາສະໂມສອນ ຊ້າງນ້ອຍ ເອັຟຊີ ມີນັກກິລາຫລາຍກວ່າ 3 ຄົນ ຕິດທີມຊາດ ຮຸ່ນອາຍຸ 21 ປີ ເຂົ້າຮ່ວມການແຂ່ງຂັນບານເຕະຊີງຂັນເຈົ້າຊີວິດປະເທດບຣູໄນ HASSANAL BOLKIAH TROPHY FOR ASEAN YOUTH FOOTBALL TOURNAMENT 2018 ໃນລະຫວ່າງວັນທີ 20 ເມສາ ຫາ ວັນທີ 5 ພຶດສະພາ 2018.
ສໍາລັບຕາຕະລາງການແຂ່ງຂັນວັນທີ 28 ເມສາ 2018 ມີ ຢູ່ຄູ່ດຽວຄື: ເວລາ 17:00 ໂມງສະໂມສອນ ກອງທັບ ເອັຟຊີ ພົບ ສະໂມສອນ ສະຫວັນ ຢູໄນເຕັດ ແຂ່ງຂັນຢູ່ສະໜາມກິລາແຫ່ງຊາດຫລັກ 16. ຂະນະທີ່ວັນອາທິດ 29 ເມສາ 2018 ມີ 2 ຄູ່ຄື: ເວລາ 15:30 ໂມງສະໂມສອນ ມາສເຕີ 7 ເອັຟຊີ ພົບ ສະໂມສອນ ປກສ ເອັຟຊີ ແຂ່ງຂັນຢູ່ສະໜາມ ມຊ; ສ່ວນເວລາ 16:00 ສະໂມສອນ ຫລວງພະບາງ ຢູໄນເຕັດ ພົບ ສະໂມສອນ ລາວໂຕໂຢຕ້າ ເອັຟຊີ ແຂ່ງຂັນຢູ່ສະໜາມກິລາແຂວງຫລວງພະບາງ.
