ຟີລິບປິນເຕືອນປະຊາຊົນຢູ່ແຕ່ພາຍໃນ ຮົ່ມທ່າມກາງສະພາບອາກາດຮ້ອນແຮງ
ສຳນັກງານອຸຕຸນິຍົມວິທະຍາຟີລິບປິນແນະນຳປະຊາຊົນໃຫ້ຢູ່ແຕ່ໃນຮົ່ມ ທ່າມກາງສະພາບອາກາດຮ້ອນແຮງ ອຸນຫະພູມເພີ່ມສູງກວ່າ 41 ອົງສາ ໃນຢ່າງໜ້ອຍ 41 ເຂດ.
ສຳນັກງານອຸຕຸນິຍົມວິທະຍາຟີລິບປິນລະບຸວ່າ: ສະພາບອາກາດຮ້ອນແຮງອຸນຫະພູມເກີນກວ່າ 41 ອົງສາ ໃນວັນທີ 22 ເມສາ ໂດຍສະເພາະຢູ່ຈັດຊັງເລ ຫລື ຊັງເລພອຍ ອຸນຫະພູມສູງເຖິງ 47,7 ອົງສາ. ສຳນັກງານອຸຕຸນິຍົມວິທະຍາຟີລິບປິນອອກຄຳແນະນຳໃຫ້ປະຊາຊົນຢູ່ແຕ່ພາຍໃນຮົ່ມ. ທັງນີ້ ອຸນຫະພູມຢູ່ລະຫວ່າງ 41-45 ອົງສາຖືວ່າ ເປັນອັນຕະລາຍຕໍ່ສຸຂະພາບ ຈຶ່ງຄວນຢູ່ພາຍໃນຮົ່ມໃຫ້ຫລາຍທີ່ສຸດເທົ່າທີ່ຈະເປັນໄປໄດ້. ນອກຈາກນີ້ ຍັງໃສ່ເສື້ຜ້າບາງເບົາ ແລະ ສີອ່ອນ, ດື່ມນ້ຳຫລາຍໆ, ຄວນຫລີກເວັ້ນການດື່ມເຄື່ອງຄື່ມປະສົມເອລກໍຮໍ ເພາະຈະເຮັດໃຫ້ຮ່າງກາຍຂາດນ້ຳ ແລະ ຄວນຮັບປະທານອາຫານໃນປະລິມານໜ້ອຍ ແຕ່ຮັບປະທານເລື້ອຍໆ ແລະ ຫລີກເວັ້ນອາຫານໂປຣຕິນສູງ ເຊິ່ງຈະເພີ່ມຄວາມຮ້ອນໃນຮ່າງກາຍ. ເດືອນມີນາຫາເດືອນພຶດສະພາຖືເປັນລະດູຮ້ອນຂອງຟີລິບປິນ ເຊິ່ງຈະມີອາກາດຮ້ອນ ແລະ ແຫ້ງແລ້ງ.
