ກຳປູເຈຍຈັບແກ້ງຕົ້ມຕຸນຊາວຈີນ 119 ຄົນ
April 23, 2018 - 4:40 PM
ຕຳຫລວດກຳປູເຈຍເປີດເຜີຍວ່າ: ຈັບກຸມແກ້ງຊາວຈີນຂໍ້ຫາຕ້ອງສົງໄສຫລອກລວງເງິນຈາກປະຊາຊົນໃນຈີນ.
ລາຍງານລະບຸວ່າ: ການຈັບກຸມມີຂຶ້ນໃນ 2 ພື້ນທີ່ຂອງນະຄອນຫລວງພະນົມເປັນ ໃນວັນທີ 22 ເມສາ ຖືເປັນການກວາດລ້າງແກ້ງຄໍເຊັນເຕີຫລ້າສຸດຂອງກຳປູເຈຍ ໂດຍໄດ້ຮັບການຮ່ວມມືຈາກຈີນ. ກ່ອນໜ້ານີ້ ຕຳຫລວດກຳປູເຈຍຈັບກຸມຊາວຈີນໄດ້ 100 ຄົນ ຢູ່ນະຄອນຫລວງພະນົມເປັນເຊັ່ນກັນ. ຕຳຫລວດເປີດເຜີຍວ່າ: ການຈັບກຸມມີຂຶ້ນພາຍຫລັງໃຊ້ເວລາໃນການສອບສວນຫລາຍເດືອນ ແລະ ໄດ້ຮັບການຮ້ອງຂໍຈາກຕຳຫລວດຈີນ ແລະ ແກ້ງຕົ້ມຕຸນຊາວຈີນມັກລັກລອບເຂົ້າກຳປູເຈຍໂດຍໃຊ້ວີຊາທ່ອງທ່ຽວ. ເຖິງຢ່າງໃດກໍຕາມ, ຕຳຫລວດກຳປູເຈຍເຊື່ອວ່າ: ຈະສາມາດແກ້ໄຂບັນຫານີ້ໄດ້.
