ອັດສະວິນແຫ່ງປີ 2560

 ໂດຍ: ທິດກ່ຳ   

ຄວາມຈິງແລ້ວ, ທິດກ່ຳ ໄດ້ຄິດຫງຳ ແລະ ມີຄວາມຕັ້ງ ໃຈມາແຕ່ດົນ ທີ່ພະຍາຍາມ ຊອກ ຂຽນບົດກ່ຽວກັບບຸກຄົນ ໃດໜຶ່ງທີ່ກ່ຽວຂ້ອງກັບຫົວ ຂໍ້ຂ້າງເທິງ, ແຕ່ວ່າບັນດາ ເງື່ອນໄຂ ແລະ ປັດໄຈ ຄວາມ ພ້ອມມັນຍັງບໍ່ທັນໄດ້ເຕັມຮ້ອຍ, ຈົນມາຮອດວາລະດີຖີ ປີໃໝ່ລາວກໍອາດຈະເໝາະ ເຈາະດ້ວຍເຫດ ແລະ ຜົນ. ກ່ຽວກັບການຍົກຍ້ອງບຸກຄົນທີ່ໂດດເດັ່ນໃນບ້ານເມືອງແຕ່ລະຍຸກແຕ່ລະສະໄໝ ຫລື ແຕ່ ລະໄລຍະນັ້ນຂັ້ນເທິງເພິ່ນກໍ ເຄີຍກຳຊັບ ແລະ ແນະນຳວ່າ ບໍ່ຢາກໃຫ້ຍ້ອງຍໍເປັນລາຍບຸກຄົນ ເພາະພາລະກິດນ້ອຍ ໃຫຍ່ ໃນການສ້າງສາພັດທະນາ ປະເທດຊາດບ້ານເມືອງນັ້ນ ມັນ ແມ່ນໝາກຜົນໃນໝູ່ຄະນະ ແລະ ມະຫາຊົນທົ່ວທັງປະເທດ.

+ ອັດສະວິນແຫ່ງຍຸກສະໄໝ

+ ຜູ້ນຳທີ່ເປັນແບບຢ່າງແຫ່ງປີ

ໃນໄລຍະຜ່ານມາ, ທິດ ກ່ຳ ກໍໄດ້ໄປຫາເລາະສຳພັດ ກັບຫລາຍໝ້ອງ, ຫລາຍທ້ອງຖິ່ນນັບທັງສະພາກາເຟ, ລາມ ໄປ ຮອດໝູ່ເພື່ອນສະຫາຍ ຫລາຍທ່ານ, ຫລາຍຄົນຕະ ຫລອດຮອດປັນຍາຊົນ, ປະຊາຊົນ ແລະ ສື່ມວນຊົນໂດຍສະ ເພາະແມ່ນສື່ອອນລາຍສ່ວນຫລາຍໃຜກໍຍ້ອງ ແລະ ສະໜັບ ສະໜູນຈົນເຮັດໃຫ້ສື່ຕ່າງ ຊາດ ມາຂໍອະນຸຍາດເຂົ້າສຳພາດ, ດ້ວຍແຮງໃຈສະໜັບສະໜູນ ກໍຄືສິ່ງທີ່ໂດດເດັ່ນໃນໜຶ່ງປີ ຜ່ານມາກໍຄືປີ 2560 ຈຶ່ງຂໍຍົກ ໂປ້ໃຫ້ ທ່ານ ອາຈານ ທອງລຸນ ສີສຸລິດ ນາຍົກລັດຖະມົນຕີແຫ່ງ ສປປ ລາວ ເປັນ ອັດສະວິນແຫ່ງປີ 2560, ສາ ເຫດກໍດ້ວຍປັດໄຈຕ່າງໆ ດັ່ງ ນີ້: ເພິ່ນເປັນຄົນທີ່ມີວິໄສທັດ ເບິ່ງກວ້າງເຫັນໄກ, ເປັນຫວ່ງ ເປັນໄຍຕໍ່ຊາຕາກຳຂອງບ້ານເມືອງ; ໂດຍສະເພາະແມ່ນ ຊີວິດການເປັນຂອງພະນັກງານ, ທະຫານ, ຕຳຫລວດ ແລະ ປະຊາຊົນບັນດາເຜົ່າ ຈົນເພິ່ນໄດ້ມີຄຳສັ່ງອັນເດັດ ຂາດກ່ຽວກັບບັນຫາການ ເບີກຈ່າຍເງິນເດືອນຂອງພະນັກງານ.

ອັນສອງມາເພິ່ນກໍເປັນ ຄົນມີຄວາມຮູ້ຄວາມສາມາດສູງ, ຖ້າເວົ້າລະດັບວິຊາສະ ເພາະເພິ່ນກໍໄດ້ຂັ້ນປະລິນຍາ ເອກ ແລະ ຮູ້ພາສາຕ່າງປະ ເທດໄດ້ຫລາຍພາສາເຊັ່ນ: ຝຣັ່ງ, ອັງກິດ, ລັດເຊຍ ແລະ ຫວຽດນາມ, ອັນເປັນເງື່ອນ ໄຂໃຫ້ເພິ່ນໄດ້ສື່ສານກັບຄົນ ຕ່າງ ປະເທດ ແລະ ສາກົນໄດ້ ຢ່າງງ່າຍດາຍ. ເທົ່າທີ່ເຫັນ ເພິ່ນໄປປະຊຸມສາກົນຢູ່ໝ້ອງ ໃດໃນບາງກໍລະນີກໍບໍ່ຈຳເປັນ ໃຊ້ລ່າມແປທຽມຂ້າງຢູ່ຕະ ຫລອດ, ອັນທີ່ໂດດເດັ່ນທີ່ສຸດ ເພິ່ນກັບໝູ່ໃນຄະນະພັກ- ຄະ ນະລັດຖະບານຈຳນວນໜຶ່ງ ໄດ້ສະຫລະລົດຫລູຫລາປະ ຈຳຕຳແໜ່ງຂອງຕົນໄປຂາຍ ເອົາເງິນເຂົ້າຖົງງົບປະມານ ໃຫ້ລັດໄດ້ຫລາຍຕື້ ເຊິ່ງ ບໍ່ເຄີຍມີນາຍົກລາວຄົນໃດ ເຮັດໄດ້ໃນຍຸກປະຫວັດສາດ ຂອງລາວ, ໃນຜ່ານມາ ທິດ ກ່ຳ ເຄີຍເຫັນແຕ່ເຈົ້ານາຍ ເພິ່ນມີແຕ່ຢາກໄດ້ຢ່າງບໍ່ມີ ເມືອງພໍບໍ່ຈັກວ່າ ເງິນຄຳກຳ ແກ້ວ, ດິນດອນຕອນຫຍ້າ, ບໍ່ ຈັກວ່າເຮືອນຊານບ້ານຊ່ອງ, ລົດລາງພາຫະນະຫລູຫລາ; ຕົນເອງໄດ້ແລ້ວພັດຍັງລູກ ຍັງຫລານ ແລະ ພີ່ນ້ອງປ້ອງ ປາຍຈົນບໍ່ເປັນອັນສິ້ນສຸດ, ໄປ ໝ້ອງໃດ ທ້ອງຖິ່ນໃດກໍວ່າ ດິນ ຫົວໜ້າ, ເຮືອນຫົວໜ້າ, ສ່ວນ ວ່າ ເຫດຜົນອັນສຸດທ້າຍສຳ ລັບ ທິດກ່ຳ ນັ້ນເຫັນວ່ານັບ ແຕ່ ທ່ານ ອາຈານ ທອງລຸນ ສີສຸລິດ ຂຶ້ນມາເປັນຫົວໜ້າ ລັດຖະບານໄດ້ນຳພາການປະ ຕິບັດນະໂຍບາຍຂອງພັກ ແລະ ລັດຖະບານເປັນຮູບປະທຳທີ່ດີ ຂຶ້ນ ແລະ ມີຄວາມເດັດຂາດ ຫລາຍຢ່າງເຊັ່ນ: ນະໂຍບາຍ ການປະຢັດ, ຕ້ານການສໍ້ລາດ ບັງຫລວງ, ການປາບປາມ ຂະບວນການຢາເສບຕິດ, ການຄ້າໄມ້, ການກວດກາ ແລະ ນະໂຍບາຍອື່ນໆຈົນ ເຮັດໃຫ້ພວກຈອບຫລອຍບັງ ຟັນທັງຫລາຍອອກປາກວ່າ: ນັບແຕ່ທ່ານ ທອງລຸນ ສີສຸລິດ ຂຶ້ນມາເປັນນາຍົກລັດຖະມົນ ຕີເງິນກໍຂາດຖົງ, ກິກກໍຫ່າງ ເຫີນ, ເງິນຈະຊື້ຂອງຕ້ອນ ຂອງຝາກໃຫ້ກັນກໍບໍ່ມີວ່າຊັ້ນ!

ທິດກ່ຳ ຍັງຈື່ບໍ່ທັນລືມໃນ ກອງປະຊຸມເປີດກວ້າງລັດຖະບານສະໄໝປີ 1986 ຢູ່ຫລັກ ຫົກ, ໂດຍແມ່ນປະທານ ໄກສອນ ພົມວິຫານ ເປັນປະທານ ທິດກ່ຳ ກັບ ທ່ານ ທອງລຸນນັ່ງ ຄົນລະໝ້ອງ ມື້ນັ້ນ ທ່ານ ທອງ ລຸນ ສີສຸລິດ ໄດ້ສະເໜີຄຳເຫັນ ຈົນປະທານ ໄກສອນ ພົມວິ ຫານ ລຸກຂຶ້ນອອກປາກສັ່ງ ການເດັດຂາດວ່າ: ຕໍ່ໄປນີ້ຖ້າ ມີກຳມະການສູນກາງພັກສະຫາຍໃດ, ລັດຖະມົນຕີ ທ່ານ ໃດໄປວຸ້ນວາຍນຳນັກທຸລະ ກິດ, ໄປເປັນຜູ້ເອື້ອອຳນວຍ ໝູນຫລັງ ຫລື ໄປມີສ່ວນຮ່ວມ ກັບນັກທຸລະກິດໃຫ້ພວກສະ ຫາຍຈິງໃຈເຂົ້າມາລາຍງານເຮົາ ວ່າຊັ້ນ! ຟັງແລ້ວຈົນຕັບ ລີບ, ບໍ່ພຽງແຕ່ວ່າຕັບລີບທຸກ ສ່ວນໃນຮ່າງກາຍປະກົດວ່າມັນຫົດຫູ່ເຂົ້າຈົນຈຳກຶກ.

ດ້ວຍອຸດົມການ ແລະ ຄວາມຈົ່ງຮັກພັກດີຕໍ່ພັກ, ຕໍ່ ຊາດທີ່ມີຕິດຕົວມາຕະຫລອດຈົນຮອດປັດຈຸບັນ ທ່ານ ອາ ຈານ ທອງລຸນ ສີສຸລິດ ໄດ້ອຸ ທິດຈິດໃຈ ແລະ ເຫື່ອແຮງເພື່ອ ຊາດ ແລະ ປະຊາຊົນອີ່ຫລີ ສົມກັບວ່າເວົ້າໄດ້ເຮັດໄດ້, ເວົ້າ ໜ້ອຍເຮັດຫລາຍ ມັນຕ່າງກັບ ເວົ້າຫລາຍເຮັດໜ້ອຍ, ເຮັດ ໜ້ອຍກິນຫລາຍ, ການໄຕ່ ເຕົ້າ ຈາກການເປັນພະນັກງານປະຕິວັດຢູ່ເຂດປົດປ່ອຍເຂົ້າມາ ຢູ່ ເມືອງກຸງກາຍເປັນນັກສຶກສາ ຢູ່ຕ່າງປະເທດ, ມາເປັນອາ ຈານສອນຈົນກ້າວຂຶ້ນ ເປັນ ຮອດນາຍົກລັດຖະມົນຕີນັ້ນ ເປັນສິ່ງທີ່ຫລາຍຄົນຄວນຖື ເອົາເປັນບົດຮຽນ ແລະ ແບບ ຢ່າງ, ຍັງອີກຫລາຍ ປະເດັນທີ່ ທິດກ່ຳ ບໍ່ສາມາດຍົກເອົາມາ ເວົ້າ ຍ້ອນໜ້າໜັງສືພິມມັນຈຳ ກັດຊາໃຈແມ່ນຢາກເໝົາໝົດ ໜ້າເຈ້ຍ./.