ນະຄອນໃໝ່ຢ່າລືມສ້າງສວນສາທາລະນະແດ່ເນີ

  ໂດຍ: ທ່ຽງທຳ  

ສະບາຍດີ, ເພື່ອນຜູ້ອ່ານ ທີ່ຮັກແພງ, ຂໍໂທດເດີທີ່ຄໍລຳ ສະບາຍດີຕອນເຊົ້າໄດ້ຂາດ ຫາຍໄປຫລາຍວັນ, ຍ້ອນສົງ ການນີ້ພວກເຮົາໄດ້ພັກຍາວ ແລະ ກໍມີໂອກາດໄດ້ໄປທ່ຽວ ຫລາຍບ່ອນ, ຫລາຍໝ້ອງ ນັບທັງຢູ່ພາຍໃນ ແລະ ປະ ເທດຢູ່ອ້ອມແອ້ມເຮົາເພື່ອໄດ້ ພັກຜ່ອນຢ່ອນອາລົມພາຍ ຫລັງເຮັດວຽກດ້ວຍຄວາມ ເຄັ່ງຮ້ອນມາກ່ອນນີ້ຫລາຍ ອາທິດ, ເນື່ອງຈາກການສຸມ ໃສ່ຍົກຍ້າຍຫ້ອງການຂ່າວ ສານຫລັງເກົ່າທີ່ນ້ຳພຸບ່ອນໃຈກາງນະຄອນຫລວງວຽງຈັນ, ອອກໄປສູ່ບ່ອນໃໝ່ທີ່ ບ້ານ ດົງໂພນແຮ່  ເມືອງຫາດຊາຍຟອງ, ເຊິ່ງເປັນເຂດຊານ ເມືອງຂອງນະຄອນຫລວງ ວຽງຈັນ, ເຖິງຈະໄກຈາກຕົວເມືອງແດ່ແຕ່ກໍດີໃຈເພາະມີອາຄານຫລັງໃຫຍ່ງົດງາມ ແລະ ທັນສະໄໝກວ່າ … ໃນ ຂະນະທີ່ພວມເພີດເພີນກັບ ຄວາມສວຍງາມຂອງສວນສາທາລະນະແຫ່ງໜຶ່ງ ໃນຕົວ ເມືອງດາລາດ ສສ ຫວຽດນາມ, ທີ່ໄດ້ຮັບການກໍ່ສ້າງ ແລະ ຕົກແຕ່ງຂຶ້ນມາເພື່ອ ຄວາມສຸກຂອງສາທາລະນະຊົນ ແລະ ຜູ້ມາທ່ຽວຊົມຕົວ ເມືອງທຳມະຊາດ ແລະ ມົນສະເໜ່ແຫ່ງນີ້.

ສວນສາທາລະນະດັ່ງກ່າວມັນໄດ້ຮັບການກໍ່ສ້າງ ຂຶ້ນແບບປະສົມກົມກືນລະຫວ່າງທຳມະຊາດ ແລະ ສິ່ງແປກໃໝ່ທີ່ທັນສະໄໝ, ເພື່ອ ຮອງຮັບຄວາມຕ້ອງການ ຂອງຜູ້ມາຜ່ອນອາລົມ, ມີ ສວນອຸທິຍານດອກໄມ້ນາໆ ຊະນິດ, ບ່ອນອອກກຳລັງກາຍ, ເຄື່ອງຫລິ້ນສຳລັບເດັກ ນ້ອຍ ແລະ ບ່ອນເຮັດກິດຈະກຳ ແລະ ຊົມການສະແດງ ຕ່າງໆ ດ້ວຍຄວາມອຸດົມສົມ ບູນຢູ່ນັ້ນກໍໄດ້ເຫັນແຫລ່ງ ຂ່າວຂອງລາວຜ່ານສື່ອ່ອນ ລາຍ ແລະ ເວບໄຊຕ່າງໆວ່າ: ໃນວັນທີ 15 ເມສາ ຜ່ານມາ ເຊິ່ງກົງກັບມື້ສະຫລອງປີໃໝ່ ຢູ່ເມືອງ ຫລວງພະບາງ, ໄດ້ ມີພິທີໃຫຍ່ເພື່ອປະກາດເອົາ ເມືອງ ຫລວງພະບາງ, ເມືອງ ໄກສອນ ພົມວິຫານ ແຂວງ ສະຫວັນນະເຂດ ແລະ ເມືອງ ປາກເຊ ແຂວງຈຳປາສັກ ຂຶ້ນ ເປັນນະຄອນເພື່ອແນໃສ່ ສ້າງຕົວເມືອງດ່ັງກ່າວໃຫ້ ມີຄວາມຈະເລີນສີວິໄລ, ເຊິ່ງປວງຊົນທັງຊາດໃຜໆ ກໍມີ ຄວາມດີອົກດີໃຈທີ່ຈະໄດ້ ເຫັນປະເທດຊາດ ບ້ານເມືອງ ເຮົານັບມື້ໄດ້ຮັບການພັດທະນາ, ແຕ່ໃນຈຸດນີ້ ທ່ຽງທຳ ກໍ ຢາກເນັ້ນຕື່ມວ່າ: ການພັດ ທະນາ 3 ນະຄອນ ດັ່ງກ່າວ ຈົ່ງຢ່າລືມພັດທະນາໃຫ້ມີ ສວນສາທາລະນະແດ່ເນີ, ເພື່ອຈະໄດ້ເຮັດໃຫ້ 3 ນະ ຄອນນີ້ມີຄວາມໂດດເດັ່ນຍິ່ງ ຂຶ້ນ, ເພາະຜ່ານມາມີຫລາຍ ຕົວເມືອງໃຫຍ່, ນັບທັງນະ ຄອນຫລວງເຮົາກໍຍັງຂາດ ການເອົາໃຈໃສ່ພັດທະນາ ສວນທາລະນະເພື່ອມວນຊົນ ຢ່າງແທ້ຈິງ, ເພື່ອໄວໜຸ່ມ, ນັກ ຮຽນນັກສຶກສາ, ສາທາລະນະຊົນຈະໄດ້ມີບ່ອນພັກຜ່ອນ ອ່ານປຶ້ມ,ໄດ້ຊົມການສະແດງ ແລະ ເຮັດກິດຈະກຳຕ່າງໆ ທີ່ ມີຄວາມສີວິໄລຫລາຍກວ່າ ການຈະມານັ່ງເອົາຫົວຈຸ້ມ ກັນກິນແຕ່ເຫລົ້າແຕ່ເບຍ ຫລື ການຫັນປ່ຽນເອົາບ່ອນຢູ່ອາໄສ ຫລື ທີ່ດິນສວນສາທາ ລະນະທີ່ເຄີຍມີມາ ແລ້ວໄປ ເຮັດແນວອື່ນເພື່ອຜົນປະ ໂຫຍດຂອງບຸກຄົນ ຫລື ກຸ່ມ ຄົນໃດໜຶ່ງ ແລະ ສິ່ງນີ້ ຫລາຍ ຄົນກໍຈະເຫັນມາແລ້ວ.

ດັ່ງນັ້ນໃນໂອກາດສ້າງ ນະຄອນໃໝ່ນີ້ກໍຫວັງວ່າ ພວກເຮົາຈະບໍ່ຫລົງລືມການ ກໍ່ສ້າງສວນສາທາລະນະດັ່ງ ກ່າວ, ນອກຈາກຄວາມງົດ ງາມ ແລະ ສົມບູນແບບຂອງ ຕົວເມືອງແລ້ວ, ກໍຍັງຈະນຳ ມາເພື່ອຄວາມສົມບູນພູນສຸກ ຂອງປວງຊົນລາວອີກດ້ວຍ./.

+ ປະທານປະເທດເນັ້ນໃຫ້ກອງບັນຊາການທະຫານແຂວງຫລວງພະບາງເອົາໃຈໃສ່ວຽກງານກໍ່ສ້າງຮາກຖານ

+ ແຂວງຈຳປາສັກສືບຕໍ່ພັດທະນາໂຄງການຕາຝັ່ງເຈື່ອນລຽບແຄມຂອງ