ຊາວໜຸ່ມບໍລິຄຳໄຊ ປາຖະກະຖາວັນສ້າງຕັ້ງ ຄຊປປລ ຄົບຮອບ 63 ປີ
ເມື່ອບໍ່ດົນມານີ້, ຄະນະບໍລິຫານງານຊາວໜຸ່ມແຂວງບໍລິຄຳໄຊ ໄດ້ຈັດພິທີປາຖະກະຖາເລົ່າມູນເຊື້ອວັນສ້າງຕັ້ງ ຄະນະຊາວໜຸ່ມປະຊາຊົນ ປະຕິວັດລາວ (ຄຊປປລ) ຄົບຮອບ 63 ປີ ໂດຍການປາ ຖະກະຖາຂອງ ທ່ານ ລຳສະ ໄໝ ວໍລະສານ ກຳມະການ ສູນກາງແນວລາວສ້າງຊາດ, ຄະນະປະຈຳພັກແຂວງ ປະທານແນວລາວສ້າງຊາດ ແຂວງ, ຜູ້ຊີ້ນຳອົງການຈັດ ຕັ້ງມະຫາຊົນຂັ້ນແຂວງ ເພື່ອ ໃຫ້ຊາວໜຸ່ມ-ໄວໜຸ່ມ ແລະ ເຍົາວະຊົນຮູ້ໄດ້ເຖິງນ້ຳໃຈ ຮັກຊາດ, ເສຍສະຫລະ, ບໍ່ຍອມຈຳນົນຂອງວິລະບູລຸດ ໜຸ່ມແຕ່ລະຮຸ່ນທີ່ໄດ້ສ້າງ ວິລະກຳ ແລະ ຜົນງານອັນ ຍິ່ງໃຫຍ່ໃນການຕໍ່ສູ້ກູ້ຊາດ ຈົນ ຍາດໄດ້ໄຊຊະນະນຳເອົາ ເອກະລາດ, ສັນຕິພາບມາໃຫ້ ປະຊາຊົນລາວບັນດາເຜົ່າ, ພ້ອມທັງປົກປັກຮັກສາໝາກ ຜົນ ຂອງການປະຕິວັດໄວ້ໄດ້ ຢ່າງໝັ້ນຄົງ.
+ ແຂວງຫົວພັນ ປາຖະກະຖາປົດປ່ອຍຜາຖີ່ ຄົບຮອບ 50 ປີ
+ ລະມາມປາຖະກະຖາວັນຕ້ານການສໍ້ລາດບັງຫລວງສາກົນ
ທ່ານ ລຳສະໄໝ ວໍລະ ສານ ໃຫ້ຮູ້ວ່າ: ຊາວໜຸ່ມຮຸ່ນ ທີໜຶ່ງ: ເປັນໄລຍະທີ່ເຈົ້າຟ້າ ງຸ່ມທ້ອນໂຮມອານາຈັກລາວ ລ້ານຊ້າງ ແລະ ຕໍ່ສູ້ກັບສັກ ດີນາຜູ້ຮຸກຮານ ຊາວໜຸ່ມກໍ ໄດ້ ມີບົດບາດສຳຄັນໃນການ ຕໍ່ສູ້ຢ່າງອົງອາດກ້າຫານ ໃນກອງທັບອານາຈັກລາວ ລ້ານຊ້າງເຖິງບໍ່ມີພັກນຳພາ; ຊາວໜຸ່ມຮຸ່ນທີສອງ: ກາງສັດ ຕະວັດທີ 18 ຈັກກະພັດຝຣັ່ງ ໄດ້ຄອບຄອງອິນດູຈີນ ພວກ ມັນໄດ້ກົດຂີ່ຂູດຮີດຢ່າງໜັກໜ່ວງ ໂດຍເກັບເກນແຮງ ງານຊາວໜຸ່ມໄປເປັນທະ ຫານ, ເປັນກຸລີໂດຍບໍ່ໄດ້ຮັບ ຄ່າແຮງງານ ໂດຍບໍ່ຍອມກົ້ມ ຫົວຕໍ່ຄວາມໂຫດຮ້າຍປ່າ ເຖື່ອນຂອງສັກດີນາ ແລະ ຈັກກະພັດຕ່າງດ້າວຊາວ ໜຸ່ມລາວຈຳນວນຫລາຍໄດ້ ຫາທາງເພື່ອຕໍ່ສູ້ກູ້ຊາດເປັນ ຕົ້ນ: ຂະບວນຕໍ່ສູ້ນຳພາໂດຍ ອົງແກ້ວ, ອົງກົມມະດຳ, ພໍ່ ກະດວດ ແລະ ອື່ນໆ ແຕ່ເປັນ ການຕໍ່ສູ້ພໍໃຜພໍລາວບໍ່ມີພັກ ນຳພາຈຶ່ງເຮັດໃຫ້ປະລາໄຊ ລົງ; ຊາວໜຸ່ມຮຸ່ນທີສາມ: ພາຍຫລັງທີ່ພັກປະຊາຊົນ ລາວ ຖືກສ້າງຕັ້ງຂຶ້ນ ໃນ ວັນທີ 22 ມີນາ 1955 ດ້ວຍ ຄວາມເຊື່ອໝັ້ນໃນກໍາລັງ ແຮງ, ຄວາມສາມາດ ແລະ ນໍ້າໃຈອົງອາດກ້າຫານ ຂອງ ຊາວໜຸ່ມໃນພາລະກິດຕໍ່ສູ້ ຕ້ານຈັກກະພັດຜູ້ຮຸກຮານ ພັກໄດ້ຕົກລົງສ້າງຕັ້ງອົງ ການຈັດຕັ້ງຊາວໜຸ່ມຕະລຸມ ບອນຂຶ້ນໃນ ວັນທີ 14 ເມສາ 1955, ເປັນໃຈກາງເຕົ້າ ໂຮມ ແລະ ສຶກສາອົບຮົມ ຊາວໜຸ່ມປະຕິບັດບົດບາດ ປະຈັນບານໃນທຸກສະໜາມ ຮົບດ້ວຍມານະຈິດທີ່ວ່າ ຍອມຕາຍດີກວ່າ ຍອມເສຍ ເອກະລາດ, ເດັດຂາດ ບໍ່ໃຫ້ ປະເທດຊາດຖືກຕັດແບ່ງ ແລະ ຄວາມປອງດອງຊາດ ຖືກທຳລາຍ; ຊາວໜຸ່ມຮຸ່ນ ທີສີ່: ແມ່ນໄລຍະປົກປັກຮັກ ສາ ແລະ ສ້າງສາພັດທະນາ ປະເທດຊາດ, ເຊິ່ງການຈັດ ຕັ້ງຊາວໜຸ່ມໄດ້ຮັບການ ສ້າງຕັ້ງຂຶ້ນ ແລະ ເຕົ້າໂຮມ ເອົາຄວາມສາມັກຄີຊາວ ໜຸ່ມລາວແຕ່ເໜືອຮອດໃຕ້ ເຂົ້າມາຢູ່ໃຕ້ ຮົ່ມທຸງອັນດຽວ ກັນພາຍໃຕ້ການນຳພາ ຂອງ ພັກປະຊາຊົນປະຕິວັດລາວ ຢ່າງສົມກຽດ./.
