ອາກາດຈະຮ້ອນຂຶ້ນພ້ອມມີຝົນຕົກເລັກໜ້ອຍ

ກົມອຸຕຸນິຍົມ ແລະ ອຸຕຸນິຍົມ ໃຫ້ຮູ້ວ່າ: ນັບແຕ່ວັນທີ 24-30 ເມສານີ້, ສະພາບອາກາດສ່ວນໃຫຍ່ໃນລາວ, ຈະໄດ້ຮັບອິດທິພົນຂອງມວນອາກາດຮ້ອນ ແລະ ມວນອາກາດເຢັນ, ຊຶ່ງຈະມີການປ່ຽນແປງຄວາມແຮງຂຶ້ນລົງ, ໂດຍສະເພາະ ວັນທີ 25-26 ເມສານີ້, ຄວາມກົດດັນສູງຂອງອາກາດຈະປົກຄຸມຢູ່ທົ່ວພາກ, ສົມທົບກັບກະແສລົມຕາເວັນອອກສ່ຽງໃຕ້ ແລະ ຕາເວັນຕົກສ່ຽງໃຕ້ພັດປົກຄຸມ, ຊຶ່ງຈະເຮັດໃຫ້ອາກາດຮ້ອນຂຶ້ນຕື່ມອີກ ແລະ ມີຝົນຕົກເລັກໜ້ອຍ. ຈາກນັ້ນ ຈະເຮັດໃຫ້ມີຝົນຕົກຫລາຍຂຶ້ນໃນແຕ່ລະພາກ. ພາກເໜືອດ້ານຕາເວັນອອກ: ຈະມີຝົນຕົກໃນລະດັບຄ່ອຍຢູ່ທົ່ວໄປ, ຈາກນັ້ນ ອາກາດຈະຮ້ອນ ຂຶ້ນຕື່ມອີກ ແລະ ຍັງຈະມີຝົນຕົກໃນລະດັບຄ່ອຍ, ພ້ອມມີລົມພັດແຮງເປັນບາງໂອກາດຢູ່ບາງທ້ອງຖິ່ນ, ອຸນຫະພູມຕ່ຳສຸດ 23-25 ອົງສາ ແລະ ສູງສຸດ 34-36 ອົງສາ. ພາກເໜືອດ້ານຕາເວັນຕົກ: ອາກາດຮ້ອນ ແລະ ຈະມີຝົນຕົກຟ້າຄະນອງໃນລະດັບຄ່ອຍ, ພ້ອມມີລົມພັດແຮງຢູ່ບາງທ້ອງຖິ່ນ, ອຸນຫະພູມຕ່ຳສຸດ 23-25 ອົງສາ ແລະ ສູງສຸດ 34-36 ອົງສາ; ນະຄອນຫລວງວຽງຈັນ: ອາກາດຮ້ອນ ແລະ ຈະມີຝົນຕົກຟ້າຄະນອງໃນລະດັບຄ່ອຍ ຫາ ປານກາງ, ພ້ອມມີລົມພັດແຮງຢູ່ບາງບໍລິເວນ, ອຸນຫະພູມຄໍ່າສຸດ 24-26 ອົງ ສາ ແລະ ສູງສຸດ 35-37 ອົງສາ; ພາກກາງ: ອາກາດຮ້ອນ ແລະ ຈະມີຝົນຕົກຟ້າຄະ ນອງໃນລະດັບຄ່ອຍເປັນສ່ວນຫລາຍ ແລະ ຕົກປານກາງຫາໜັກຢູ່ບາງທ້ອງຖິ່ນແຂວງບໍລິຄຳໄຊ, ວຽງຈັນ ແລະ ໄຊສົມບູນ, ພ້ອມມີລົມພັດແຮງເປັນບາງໂອກາດ, ອຸນຫະພູມຕໍ່າສຸດ 24-26 ອົງສາ ແລະ ສູງສຸດ 34-36 ອົງສາ; ພາກໃຕ້: ອາກາດຮ້ອນ ແລະ ຈະມີຝົນຕົກຟ້າຄະນອງໃນລະດັບຄ່ອຍເປັນສ່ວນຫລາຍ ແລະ ຕົກປານກາງຢູ່ບາງທ້ອງຖິ່ນແຂວງຈຳປາສັກ ແລະ ອັດຕະປື, ພ້ອມມີລົມພັດແຮງເປັນບາງໂອກາດ, ອຸນຫະພູມຕ່ຳສຸດ 24-26 ອົງສາ ແລະ ສູງສຸດ 36-38 ອົງສາ.