ປີນີ້ອັດຕະປືຈະລຶບລ້າງບ້ານທຸກຍາກໃຫ້ໄດ້ຕາມເປົ້າໝາຍ

ທ່ານນາງ ວິໄລພອນ ວໍລະພິມ ຫົວໜ້າພະແນກກະສິກໍາ ແລະ ປ່າໄມ້ ແຂວງ ອັດຕະປື ໄດ້ໃຫ້ຮູ້ວ່າ: ເມື່ອບໍ່ດົນນີ້ວ່າ: ການແກ້ໄຂ ບ້ານ ທຸກຍາກ ແລະ ຄອບຄົວທຸກ ຍາກພາຍໃນແຂວງ ແມ່ນ ຈະໄດ້ສຸມໃສ່ແກ້ໄຂຄື: ແກ້ ໄຂຄວາມທຸກຍາກທີ່ນອນໃນ 4 ຈຸດສຸມທີ່ແຂວງກໍານົດ ໄວ້ ຕ້ອງສູ້ຊົນລຶບລ້າງຄອບຄົວທຸກຍາກໃຫ້ໄດ້ 14 ຄອບຄົວ; ຈຸດສຸມ ຈັດສັນພູມລໍາເນົາ ແລະ ບ່ອນທໍາມາຫາກິນ ແບບຖາວອນ ສູ້ຊົນລຶບລ້າງ ໃຫ້ໄດ້ 295 ຄອບຄົວ ແລະ ຈຸດສຸມສ້າງບ້ານໃຫຍ່ໃຫ້ ກາຍເປັນຕົວເມືອງນ້ອຍໃນຊົນນະບົດສູ້ຊົນລຶບລ້າງ ຄອບຄົວທຸກຍາກໃຫ້ໄດ້ 293 ຄອບຄົວ ແລະ ຈະສູ້ຊົນສ້າງ ຄອບຄົວພັດທະນາໃຫ້ໄດ້ ຫລາຍກວ່າ 84% ຂອງ ຄອບຄົວທັງໝົດ ຫລື ຫລາຍ ກວ່າ 23.129 ຄອບຄົວ, ສູ້ ຊົນສ້າງບ້ານພັດທະນາໃຫ້ ໄດ້ 10 ບ້ານ ແລະ ເພີ່ມຂຶ້ນ ເປັນ 74 ບ້ານ ຫລື ເທົ່າກັບ 50,68% ຂອງຈໍານວນ ບ້ານທັງໝົດໃນທົ່ວແຂວງ, ພ້ອມນັ້ນຍັງຈະສຸມໃສ່ສ້າງ ບ້ານໃຫຍ່ໃຫ້ກາຍເປັນຕົວ ເມືອງນ້ອຍໃນຊົນນະບົດໃຫ້ໄດ້ 2 ຈຸດຄື: ບ້ານໃຫຍ່ໝື້ນ ຫົວເມືອງ ເມືອງສາມັກຄີໄຊ ແລະ ບ້ານສະແຄະ ເມືອງ ໄຊເສດຖາ.

+ ອັດຕະປືກຳນົດ 4 ຈຸດສຸມພັດທະນາ

+ ມີຫລາຍສາເຫດພາໃຫ້ວຽກງານພັດທະນາຊົນນະບົດ ແລະ ລຶບລ້າງຄວາມທຸກຍາກເດີນໜ້າຊ້າ

ການພັດທະນາຊົນນະບົດ ແລະ ລຶບລ້າງຄວາມທຸກ ຍາກຂອງປະຊາຊົນບັນດາ ເຜົ່າ ແມ່ນເຮັດໃຫ້ຊີວິດການ ເປັນຢູ່ຂອງປະຊາຊົນທີ່ທຸກ ຍາກທີ່ອາໄສຢູ່ໃນເຂດຊົນ ນະບົດ ແລະ ຫ່າງໄກສອກ ຫລີກໃຫ້ດີຂຶ້ນ, ດ້ວຍການ ຈັດສັນອາຊີບທີ່ໝັ້ນຄົງ ແລະ ສ້າງໃຫ້ຄອບຄົວມີລາຍຮັບດ້ວຍການຜະລິດເປັນສີນຄ້າ, ໂດຍສຸມໃສ່ຈັດສັນພູມລໍາເນົາ ແລະ ອາຊີບຄົງທີ່ໃຫ້ປະຊາ ຊົນຢ່າງມີຈຸສຸມ, ສືບຕໍ່ແກ້ໄຂ ຄວາມທຸກຍາກຂອງປະຊາຊົນດ້ວຍການສົ່ງເສີມການ ຜະລິດເປັນສີນຄ້າ ແລະ ການ ບໍລິການຕາມທ່າແຮງຂອງທ້ອງຖິ່ນໃຫ້ຫລາຍຂຶ້ນ./.