ເທພາລັກ ຄວ້າ 3 ລາງວັນແຂ່ງຂັນແຈັດສະກີທີ່ຫາດດອນຈັນ

ການແຂ່ງຂັນ Jetski (ແຈັດສະກີ) ທີ່ຫາດດອນຈັນ ນະຄອນຫລວງວຽງຈັນ ຈັດຂຶ້ນລະຫວ່າງ 12-13 ເມສາ 2018 ໂດຍມີ 4 ລຸ້ນຄື: ປະກອບມີ 700 cc, 1.100 cc, 1.500-1.800 cc ມື​ໃໜ່ ແລະ 1.500-1.800 ມື​ໂປ. ຜ່ານການແຂ່ງຂັນ ທ້າວ ເທພາລັກ ໄຂຄໍາພິທູນ ສາມາດຍາດໄດ້ 3 ລາງວັນ ໃນການແຂ່ງຂັນຄັ້ງນີ້.

ທ້າວ ເທພາລັກ ໄຂຄໍາພິທູນ ເຂົ້າຮ່ວມ 3 ລຸ້ນຄື: ລຸ້ນ 700 cc, 1.100 cc ແລະ 1.500-1.800 cc ມືໂປ. ຜ່ານການແຂ່ງຂັນທັງສາມລຸ້ນສາມາດຍາດໄດ້ອັນດັບທີ 1 ຂອງລຸ້ນ 1.500-1.800 ມືໂປ ລວມ 149  ຄະແນນ, ສ່ວນລຸ້ນ 700 cc ສາມາດຍາດໄດ້ອັນດັບທີ 2 ລວມ 195 ຄະແນນ ແລະ ລຸ້ນ 1.100 ​cc ສາມາດຍາດໄດ້ອັນທີ 3 ລວມມີ 132 ຄະແນນ.

ຂະນະທີ່ຜົນການແຂ່ງຂັນ 700 cc ຜົນປາກົດວ່າອັນດັບທີ 1 ທ້າວ ໄກ່ທອງ ອັກຂະວົງ ລວມມີ 233 ຄະແນນ, ອັນດັບ 3 ທ້າວ ສົມໜາຍ ສີພັນດອນ ລວມ 169 ຄະແນນ; ສ່ວນລຸ້ນ 1.100 cc ອັນດັບທີ 1 ທ້າວ ກຸມພັນ ຈັນດາພອນ ລວມ 166 ຄະແນນ, ອັນດັບທີ 2 ທ້າວ ພອນປະເສີດ ນ້ອຍວົງ ລວມ 134 ຄະແນນ;  ສ່ວນປະເພດ 1.500-1.800 cc ມື​ໃໜ່ ອັນດັບ 1 ທ້າວ ວັດທະນາ ແກ້ວດວງເດດ ລວມ 204 ຄະແນນ, ອັນດັບທີ 2 ທ້າວ ຫຸ່ມພັນ ຈັນດາພອນ ລວມ 192 ຄະແນນ, ອັນດັບທີ 3 ໄກ່ທອງ ອັກຂະວົງ ລວມ 173 ຄະແນນ; ສໍາລັບປະເພດ 1.500-1.800 cc ມືໂປ ອັນດັບທີ 2 ທ້າວ ວັດທະນາ ແກ້ວດວງເດດ ລວມ 120 ຄະແນນ,  ອັນດັບທີ 3 ທ້າວ ຫຸ່ມພັນ ຈັນດາພອນ ລວມ 115 ຄະແນນ.