ຫວນຄືນບັ້ນຮົບປົດປ່ອຍຫລວງນ້ຳທາຄົບຮອບ 55 ປີ

ເພື່ອເປັນການຫວນຄືນ ແລະ ສະເຫລີມສະຫລອງໄຊຊະນະ ບັ້ນຮົບປົດປ່ອຍຫລວງນ້ຳທາ ຄົບຮອບ 55 ປີ ຈະມາເຖິງໃນ ມໍ່ໆນີ້, ທ່ານ ບຸນມີ ຈິດດຳລົງ  ອາ ດິດຄະນະປະຈຳພັກແຂວງ,   ທັງ ເປັນນັກຮົບແຂ່ງຂັນໃນການ  ເຄື່ອນໄຫວປົດປ່ອຍແຂວງ ຫລວງນ້ຳທາໄດ້ໃຫ້ຮູ້ວ່າ: ຂະ ບວນການຕໍ່ສູ້ປົດປ່ອຍຫລວງນ້ຳ ທາເລີ່ມແຕ່ຕົ້ນເດືອນ 2 ປີ 1962  ສູນກາງໄດ້ກະກຽມບັ້ນຮົບປົດ ປ່ອຍຫລວງນ້ຳທາໂດຍໄດ້ເຕົ້າ ໂຮມພະນັກງານການນຳທະ ຫານຢູ່ ແຂວງອຸດົມໄຊໂດຍແມ່ນ  ພົນເອກ ສີສະຫວາດ ແກ້ວບຸນພັນ ເປັນຜູ້ເຕົ້າໂຮມເວລານັ້ນ, ໄດ້   ແຕ່ງຕັ້ງຄະນະ ຮັບຜິດຊອບດ້ານຮັບຜິດຊອບດ້ານຮົບຂອງຫລວງນ້ຳທາປະກອບມີ 5 ທ່ານຄື:  ທ່ານ ສີສະຫວາດ ແກ້ວບຸນພັນ ເປັນຫົວໜ້າ, ທ່ານ ຫຸມແພງ ຮັບ ຜິດຊອບການທະຫານ, ທ່ານ ບຸນມີ ຈິດດຳລົງ ຮັບຜິດຊອບ ການທະຫານ, ທ່ານ ສົມສະນິດ   ຄຳໃບ ຮັບຜິດຊອບການເມືອງ ເຕົ້າໂຮມກໍ່ສ້າງພະນັກງານ ແລະ ທ່ານ ຄຳລານ ສຸວັນຈິດ ຮັບຜິດ ຊອບທາງດ້ານລຳລ່ຽງສະບຽງ ອາຫານ, ໂດຍສະເພາະ  ທ່ານ ບຸນມີ ຈິດດຳລົງ ຮັບຜິດຊອບ ການທະຫານກໍໄດ້ຖືກມອບ ໝາຍໃຫ້ຮັບຜິດຊອບທາງທິດ ໄຕ້ຂອງແຂວງຫລວງນ້ຳທາ ເສັ້ນທາງໄປຫ້ວຍຊາຍ ເພື່ອສະກັດກັ້ນການເພີ່ມກຳລັງຂອງ  ສັດຕູ ແລະ ການໂຕນໜີຂອງທະ  ຫານ, ໄດ້ຮັບຜິດຊອບໃນ 3 ກອງ ຮ້ອຍຄື: ກອງຮ້ອຍເອກະລາດ ເມືອງນາແລ, ກອງຮ້ອຍເອກະ ລາດເມືອງນາໝໍ ແລະ ກອງ ຮ້ອຍເອກະລາດ ອາສາສະມັກຂອງເພື່ອນມິດຫວຽດນາມເພື່ອ ເຕົ້າໂຮມກຳລັງປະກອບອາວຸດ ເຄື່ອນໄຫວຢູ່ທິດໃຕ້ຂອງ ແຂວງ ຫລວງນ້ຳທາເຂດຕັງລະ, ພູ ຫວານ, ບ້ານນັງ, ທັງປອດ, ນ້ຳ ຫ້າເພື່ອສະກັດກັ້ນຕາມເສັ້ນທາງ ໃນເຂດນັ້ນ, ພ້ອມທັງໄດ້ນຳ ພາການຕິສັດຕູ 15 ຄັ້ງເຮັດໃຫ້ ສັດຕູຕາຍອອກມາຍອມຈັບ ໄດ້ຫລາຍ ແລະ ຍຶດອາວຸດໄດ້ ຫລາຍຮ້ອຍກະບອກ ແລະ ມາ ຮອດວັນທີ 6 ພຶດສະພາ 1962 ສັດຕູໄດ້ແຕກອອກ ຈາກທົ່ງ ພຽງຫລວງນ້ຳທາ ໄປທາງ ຫ້ວຍຊາຍແລ້ວທັງສາມກອງ ຮ້ອຍກໍ່ໄດ້ໄລ່ສັດຕູແຕ່ນ້ຳທາຫາ ເມືອງວຽງພູຄາການ ເຄື່ອນ ໄຫວທັງເວັນ ແລະ ຄືນ,  ມີການ ໂຈມຕີກັນຢ່າງໜັກໜ່ວງຕາມ ເສັ້ນທາງພາຍຫລັງໄລ່ສັດຕູ ສຳເລັດກໍໄດ້ຖອນກຳລັງກັບທົ່ງ ພຽງຫລວງນ້ຳທາໃນເດືອນພຶດ ສະພາ 1962 ນີ້ແມ່ນໄຊຊະນະ ອັນຍິງໃຫຍ່ທີ່ມາຈາກຄວາມສາມັກຄີເປັນຈິດໜຶ່ງ ໃຈດຽວຂອງປະຊາຊົນລາວບັນດາເຜົ່າ,   ແລະ ການຊີ້ນຳຕໍ່ສູ້ຢ່າງເດັດດ່ຽວຂອງພັກ ແລະ ກຳລັງປະກອບອາວຸດ ລາວເຮົາ.