ສ້າງຂະບວນສ້ອມແປງທາງຈຸດສຸມຜາບັງລະວິງ-ລະເວີນເມືອງເຊໂປນ

ເມື່ອບໍ່ດົນມານີ້, ຄະນະນຳ ພະແນກໂຍທາທິການ ແລະ ຂົນສົ່ງ ແຂວງສະຫວັນນະເຂດ, ໄດ້ລົງຕິດຕາມການສ້າງຂະ ບວນສ້ອມແປງເສັ້ນທາງທີ່ ຈຸດສຸມຜາບັງລະວິງ-ລະເວີນ ເມືອງເຊໂປນ ແຂວງສະຫວັນ ນະເຂດ, ນຳໂດຍ ທ່ານ ຄຳເຜີຍ ຜັນທະຈອນ ປະທານສະພາ ປະຊາຊົນແຂວງ, ທ່ານ ປະສົງ ສິນ ຈະເລີນສຸກຫົວໜ້າພະ ແນກໂຍທາທິການ ແລະ ຂົນ ສົ່ງ ແຂວງ ແລະ ພາກສ່ວນ ກ່ຽວຂ້ອງຕ່າງໆເຂົ້າຮ່ວມ.

+ ສຳເລັດການສ້ອມແປງໂຮງຮຽນປະຖົມບ້ານແສນດິນ ຈາກການຊ່ວຍຂອງອົງການກາແດງລາວ ແລະ ສ ເກົາຫລີ

+ ນະຄອນຫລວງໃຊ້ງົບ 6 ຕື້ເຂົ້າສ້ອມແປງເສັ້ນທາງໃນຕົວເມືອງ

ທ່ານ ປະສົງສິນ ຈະເລີນ ສຸກ ໃຫ້ຮູ້ວ່າ: ການສ້ອມແປງ ທາງຄັ້ງນີ້ແມ່ນມີໄລຍະທາງ 23 ກິໂລແມັດ, ໜ້າວຽກ ຫລັກ ທີ່ໄດ້ເຮັດແມ່ນເຄື່ອນຍ້າຍດິນ ທີ່ເຊາະເຈື່ອນຖົມທາງ, ໂດຍ ໃຊ້ແຮງງານອ້າຍນ້ອງທະ ຫານ, ປະຊາຊົນ ແລະ ເຄື່ອງ ຈັກ ເຊິ່ງມີ 3 ຈຸດທີ່ດິນເຊາະ ເຈື່ອນບໍ່ສາມາດສັນຈອນໄປ ມາໄດ້, ພ້ອມນີ້ ກໍຖາງປ່າບໍລິ ເວນຂອບທາງແຕ່ຈຸດສຸມ ຜາ ບັງລະວິງ-ລະເວີນ ໂດຍໃຊ້ ທຶນ ບ້ວງຕ້ານໄພພິບັດຂອງ ແຂວງ ມູນຄ່າ 50 ລ້ານກີບ ແລະ ການ ສ້ອມແປງຍັງຈະໄດ້ຈັດຕັ້ງປະ ຕິບັດຕື່ມອີກ, ເຊິ່ງມີໜ້າວຽກ ຄື: ເຮັດກັນເຈື່ອນ, ຂຸດດິນທີ່ ຖົມຮ່ອງລະບາຍນ້ຳບໍລິເວນ ຂອບທາງ ແລະ ໃສ່ທໍ່, ເພື່ອ ອຳນວຍຄວາມສະດວກໃຫ້ພໍ່ ແມ່ປະຊາຊົນສາມາດທຽວ ໄປມາໄດ້ດີຂຶ້ນ.

ໂອກາດນີ້, ທ່ານ ຄຳເຜີຍ ຜັນທະຈອນ ຍັງໄດ້ ໄປເບິ່ງເຂດ ປັກຫລັກໝາຍຊາຍແດນ, ເຊິ່ງ ຈະມີແຜນການສ້າງທາງຜ່ານພູທີ່ມີຄວາມຍາວ 4 ກິໂລ ແມັດ ເພື່ອເຮັດໃຫ້ທາງສັນຈອນ ແຕ່ບ້ານຜາບັງໄປຫາບ້ານກະ ປາຍ ສັ້ນເຂົ້າອັນຈະເປັນ ເງື່ອນ ໄຂສະດວກໃຫ້ແກ່ການໄປມາຫາສູ່ຂອງປະຊາຊົນດີຂຶ້ນ./.