ລາວໂຕໂຢຕ້າ ເອັຟຊີ ຍັງຄອງອັນດັບທີ 1 ຂອງຕາຕະລາງຄະແນນ

ສະໂມສອນ ລາວໂຕໂຢຕ້າ ເອັຟຊີ ຍັງເປັນສະໂມສອນທີ່ຍຶດອັນດັບທີ 1 ຂອງການແຂ່ງຂັນ ເປບຊີ ລາວພຣີເມຍລີກ 2018 ຫລັງຈາກລົງສະໜາມ 5 ຄັ້ງ ຊະນະ 4 ຄັ້ງ ເສຍ 1 ຄັ້ງ ລວມມີ 12 ຄະແນນ. ຂະນະທີ່ອັນດັບທີ 2 ແລະ ອັນດັບທີ 3 ຍັງແມ່ນສະໂມສອນເກົ່າທີ່ຍັງຍຶດອັນດັບຄົງທີ່.

ສໍາລັບອັນດັບທີ 2 ຕົກເປັນຂອງສະໂມສອນ ຊ້າງນ້ອຍ ເອັຟຊີ ຫລັງຈາກລົງສະໜາມ 5 ຄັ້ງ ຊະນະ 2 ຄັ້ງ ສະເໝີ 2 ຄັ້ງ ເສຍ 1 ຄັ້ງ ລວມມີ 8 ຄະແນນ, ອັນດັບທີ 3 ສະໂມສອນ ມາສເຕີ 7 ເອັຟຊີ ຈາກການລົງສະໜາມ 5 ຄັ້ງ ຊະນະ 1 ຄັ້ງ ສະເໝີ 3 ຄັ້ງ ເສຍ 1 ຄັ້ງ ລວມມີ 6 ຄະແນນ, ສ່ວນອັນດັບທີ 4 ຕົກເປັນຂອງສະໂມສອນ ຫລວງພະບາງ ຢູໄນເຕັດ ຈາກການລົງສະໜາມ 4 ຄັ້ງ ຊະນະ 1 ຄັ້ງ ສະເໝີ 2 ຄັ້ງ ເສຍ 1 ຄັ້ງ ລວມມີ 5 ຄະແນນ, ອັັນດັບທີ 5 ສະໂມສອນ ດີເຄ ເອັຟຊີ ລົງສະໜາມ 4 ຄັ້ງ ຊະນະ 1 ຄັ້ງ ສະເໝີ 2 ຄັ້ງ ເສຍ 1 ຄັ້ງ ລວມມີ 5 ຄະແນນ, ອັນດັບທີ 6 ສະໂມສອນ ສະຫວັນ ຢູໄນເຕັດ ລົງສະໜາມ 5 ຄັ້ງ ຊະນະ 1 ຄັ້ງ ສະເໝີ 1 ຄັ້ງ ເສຍ 3 ຄັ້ງ ລວມມີ 4 ຄະແນນ, ອັນດັບທີ 7 ສະໂມສອນ ປກສ ເອັຟຊີ ລົງສະໜາມ 2 ຄັ້ງ ຊະນະ 1 ຄັ້ງ ເສຍ 1 ຄັ້ງ ລວມມີ 3 ຄະແນນ, ອັນດັບທີ 8 ຕົກເປັນຂອງສະໂມສອນ ກອງທັບ ເອັຟຊີ ລົງສະໜາມ 4 ຄັ້ງ ສະເໝີ 2 ຄັ້ງ ເສຍ 2 ຄັ້ງ ລວມມີ 2 ຄະແນນ.