ເຜີຍແຜ່ພາລະບົດບາດກາແດງຢູ່ 3 ເມືອງແຂວງໄຊສົມບູນ
ເມື່ອບໍ່ດົນມານີ້, ອົງການ ກາແດງສູນກາງນຳໂດຍ ທ່ານ ພອນຄຳ ແກ້ວວິໄລ ຫົວໜ້າກອງ ໂຄສະນາ ແລະ ຂົນຂວາຍການ ກຸສົນອົງການກາແດງລາວ, ມີ ທ່ານຫົວໜ້າອົງການກາ ແດງ ແຂວງ ໄຊສົມບູນ, ພ້ອມ ພະນັກງານວິຊາການ ຈໍານວນ ໜຶ່ງ, ໄດ້ລົງໄປໂຄສະນາພາລະ ບົດບາດຂອງຂະບວນການກາ ແດງ ຢູ່ລ່ອງແຈ້ງ; ເມືອງຮົ່ມ ແລະ ລ່ອງຊານ ແຂວງ ໄຊສົມ ບູນ. ເພື່ອເຜີຍແຜ່ພາລະບົດ ບາດຂອງຂະບວນການກາແດງ ໃຫ້ ສັງຄົມໄດ້ຮັບຮູ້, ເຂົ້າໃຈ ແລະ ເຮັດໃຫ້ສັງຄົມປະກອບສ່ວນ ໃນວຽກງານມະນຸດສະທຳ ຂອງ ກາແດງນັບມື້ກວ້າງຂວາງ ຂຶ້ນຕື່ມ.
+ ເມືອງສັງທອງເຜີຍແຜ່ຄວາມຮູ້ເລື່ອງເງິນ
+ ສະຫວັນນະເຂດ ເຜີຍແຜ່ລະບຽບການນຳໃຊ້ຂອບສັນຍາການຄ້າເສລີ
ຫົວຂໍ້ທີ່ນຳມາສະເໜີໃນ ຄັ້ງນີ້ລວມມີ: ປະຫວັດຄວາມ ເປັນມາຂອງການເຄື່ອນໄຫວ ຂະບວນການກາແດງສາກົນ, ເຄື່ອງໝາຍ ແລະ ການນຳໃຊ້ ເຄື່ອງໝາຍມະນຸດສະທຳ, ປະ ຫວັດ, ພາລະບົດບາດຂອງ ອົງ ການກາແດງລາວ. ເຊິ່ງໄດ້ຮັບ ຄວາມສົນໃຈຈາກຜູ້ເຂົ້າຮ່ວມ ໄດ້ເປັນຢ່າງດີ ເຊິ່ງສະແດງ ອອກໃນການຖາມ-ຕອບບັນ ຫາຕ່າງໆ ຕໍ່ກັບວຽກງານມະນຸດ ສະທຳເຊັ່ນ: ການບໍລິຈາກ ເລືອດ, ການຊ່ວຍເຫຼືອບັນເທົາ ທຸກ, ວຽກຊອກຫາແຫຼ່ງທຶນ, ວຽກສຸຂະພາບ ແລະ ອື່ນໆ. ນອກນັ້ນ, ທ່ານ ເຈົ້າ ເມືອງທັງ 3 ເມືອງ, ກໍໄດ້ເນັ້ນໃຫ້ຜູ້ທີ່ ເຂົ້າມາຮ່ວມຮັບຟັງໃນຄັ້ງນີ້, ຈົ່ງໄດ້ມີສ່ວນຮ່ວມໃນວຽກ ງານມະນຸດສະທຳໃຫ້ຫຼາຍ ຂຶ້ນ ແລະ ນຳເອົາເນື້ອໃນນີ້ ໄປເຜີຍແຜ່ໃຫ້ພະນັກງານໃນ ຫ້ອງການຂອງຕົນໄດ້ຮັບຮູ້ ແລະ ເຂົ້າໃຈ, ພ້ອມກັນປະ ກອບສ່ວນເຂົ້າໃນວຽກງານ ກາແດງໃຫ້ໜັກແໜ້ນ ແລະ ກວ້າງຂວາງກວ່າເກົ່າ.
