ຮອງເຈົ້າແຂວງເຊກອງລົງສຳຫລວດແຫລ່ງທ່ອງທ່ຽວທຳມະຊາດຢູ່ເມືອງກະລຶມ

ວັນທີ 3 ເມສານີ້, ທ່ານ ຖາວອນ ພົມມະໄລລຸນ ຮອງເຈົ້າ ແຂວງເຊກອງ ພ້ອມຄະນະ ໄດ້ ລົງສຳຫຼວດແຫຼ່ງທ່ອງທ່ຽວຢູ່ ນ້ຳຕົກຕາດ ແລະ ບໍ່ນ້ຳອຸ່ນຫ້ວຍ ລະຊຳເຂດບ້ານປະຕຣາງ ເມືອງ ກະລຶມ ເປັນສະຖານທີ່ນ້ຳຕົກ ຕາດທີ່ມີຄວາມສວຍງາມ, ກວ້າງປະມານ 15 ແມັດ, ສູງ ເກືອບ 10 ແມັດ ຫ່າງຈາກ ບ້ານ ປະຕຣາງພຽງແຕ່ 800 ແມັດ, ອ້ອມຮອບບໍລິເວນນໍ້າຕົກ ຕາດ ດັ່ງກ່າວມີປ່າໄມ້ທີ່ອຸດົມສົມບູນ ຂຽວງາມ ແລະ ມີອາກາດ ທີ່ ເຢັນສະບາຍເໝາະແກ່ການພັກ ຜ່ອນ, ຄືຢູ່ເບື້ອງຊ້າຍຂອງຕາດ ປະກອບມີບໍ່ນ້ຳອຸ່ນທີ່ຕິດຈອດ ກັນ ເຊິ່ງເໝາະສົມສຳລັບນັກ ທ່ອງທ່ຽວອາບນ້ຳຕົກຕາດ ທີ່ ເຢັນແລ້ວ, ກໍສາມາດມາອາບ ນ້ຳອຸ່ນໄດ້ສະບາຍ.

+ ເມືອງຫົງສາເປີດແຫລ່ງທ່ອງທ່ຽວທຳມະຊາດແຫ່ງໃໝ່

+ ບ້ານໃຫຍ່ນ້ຳເກິ່ງເກົ່າເປີດແຫລ່ງທ່ອງທ່ຽວທຳມະຊາດແຫ່ງໃໝ່

ຕາມການບອກເລົ່າ ຂອງ ປະຊາຊົນເຂດນີ້ໃຫ້ຮູ້ວ່າ: ຢູ່ເທິງ ຕາດຍັງມີປະຫວັດສາດທີ່ໝ້າ ຄົ້ນຫາຂອງຄົນສະໄໝບູຮານ, ມີຕຳນານຄວາມຮັກຂອງຜູ້ ຊາຍສາມຄົນທີ່ຮັກຜູ້ຍິງຄົນ ດຽວກັນ. ນອກນັ້ນ ໃນເຂດບ້ານ ດັ່ງກ່າວຍັງມີນ້ຳຕົກຕາດຢູ່ຫຼາຍແຫ່ງ ແລະ ຮ່ອງຮອຍປະຫວັດ ສາດທີ່ໝ້າຄົ້ນຫາອີກຫຼາຍຢ່າງ.

ທ່ານ ຮອງເຈົ້າແຂວງ ເຊກອງ ໄດ້ຖືເອົາໂອກາດ ນີ້ ມອບເຄື່ອງຊ່ວຍເຫລືອປະຊາ ຊົນບ້ານດັ່ງກ່າວ ພ້ອມທັງພົບ ປະໂອ້ລົມ ເຊິ່ງທ່ານໄດ້ເນັ້ນ ໃຫ້ ຊາວບ້ານປະຕຣາງເອົາໃຈໃສ່ ເຂົ້າຮ່ວມໃນການພັດທະນາ ແຫຼ່ງທ່ອງທ່ຽວນ້ຳຕົກຕາດດັ່ງກ່າວໃຫ້ໄດ້ຮັບການພັດທະນາ, ໂດຍສະເພາະຕ້ອງພ້ອມກັນອະນາໄມທາງແຕ່ບ້ານຫາຕາດ, ປັບປຸງ ແລະ ເຮັດຂົວໄມ້ ເພື່ອໄປ ຫາຕາດໄດ້ຢ່າງສະດວກສະ ບາຍ. ພ້ອມກັນນັ້ນຫ້າມເດັດ ຂາດບໍ່ໃຫ້ບຸກຄົນ ຫຼື ພາກສ່ວນ ໃດ ຕັດໄມ້ເຂດອ້ອມແອ້ມຕາດ, ຕ້ອງເປັນເຈົ້າການປົກປັກຮັກ ສາທຳມະຊາດ ແລະ ເສີມຂະ ຫຍາຍມູນເຊື້ອວັດທະນະທໍາອັນດີງາມຂອງບ້ານໃຫ້ເປັນທີ່ດຶງ ດູດຂອງນັກທ່ອງທ່ຽວ ກໍເກີດ ມີຄວາມສົນໃຈຢາກມາຊອກຮູ້ປະຫວັດສາດ ແລະ ຮັບຊົມ ຄວາມສວຍງາມຂອງທຳມະ ຊາດເຂດນີ້./.