ຣີວ ມາດຣິດ ສົນໃຈ ໂມຊາລ້າ, ແຮຣີ້ເຄນ, ເລວານດັອຟສະກີ້

ຣີວ ມາດຣິດ ສົນໃຈ ໂມຮາເມັດ ຊາລ້າ (Mohamed Salah) ກອງຫນ້າທິມຊາດເອຢິບ ອາຍຸ 25 ປີ ຂອງລີເວີພູລ. ພ້ອມກັນນີ້ ກໍຢາກໄດ້ ແຮຣີ້ ເຄນ(Harry Kane) ກອງຫນ້າທິມຊາດອັງກິດ ອາຍຸ 24 ປີ ຂອງສະເປີ ແລະ ໂຣເບີດ ເລວານດັອຟສະກີ້ (Robert Lewandowski) ກອງຫນ້າທິມຊາດໂປ​ໂລຍ ອາຍຸ 29 ປີ. ພ້ອມນີ້ ກໍຍັງສົນໃຈ ດາວິດ ເດເກອາ (David de Gea) ຜູ້ຮັກສາປະຕູ ໄວ 27 ປີ ຊາວແອັສປາຍ(ສະເປນ), ປໍລ ປັອກບາ(Paul Pogba) ແລະ ອ໋ອງໂທນີ້ ມາທີຢາວ(Anthony Martial

ສ່ວນ ແມນຢູ ຍັງຢາກໄດ້ ຟາອູຊີ້ ກູລາມ (Faouzi Ghoulam) ກອງຫລັງທິມຊາດອານເຊຣີ (ເອວຈີເຣຍ) ອາຍຸ 27 ປີ ຂອງສະໂມສອນ ນາໂປລີ. ຫວັງຢາກໄດ້ມາແທນ ລຸກຊໍລ (Luke Shaw) ຫາກຍ້າຍອອກຈາກທີມ.

ຂະນະທີ່ ຟາບິນໂຢ້(Fabinho) ກອງກາງຊາວເບຣຊິນ ອາຍຸ 24 ປີ ຕ້ອງການຍ້າຍອອກຈາກສະໂມສອນ ໂມນາໂກ (Monaco) ໃນລີກອ໋ອງຝຣັ່ງ ໂດຍສົນໃຈຍ້າຍໄປຮ່ວມທັບ ແມນເຊັສເຕີ ຢູໄນເຕັດ.

ສ່ວນ ເຊວຊີ ກຳລັງພິຈາລະນາຫາຄູຝຶກໃຫມ່ ແທນ ອັນໂຕນີໂອ ຄອນເຕ້(Antonio Conte) ຫາກຜົນງານຍັງກັບມາເດັ່ນເຫມືອນເດີມບໍ່ໄດ້, ຄະນະບໍລິຫານເລັ່ງໄປທີ່ ລີໂອນາໂດ້ ຈາດິມ (Leonardo Jardim) ຄູຝຶກຊາວປອກຕຸຍການ (ໂປຕູເກດ) ຂອງໂມນາໂກ (Monaco). ລວມທັງ ມາສຊີມີເລຍໂນ້ ອາວເລກຣີ (Massimiliano Allegri) ຂອງ ຢູເວັນຕຸສ, ລຸຍ ເອັນຣີເກ້ (Luis Enrique) ອະດີດຄູຝຶກບາຣເຊໂລນ້າ ແລະ ຄາຣໂລ ອັນເຊລັອດຕິ(Carlo Ancelotti) ອະດີດຄູຝຶກຂອງທິມ.

ລີເວີພູລ ພິຈາລະນາ ຍືນ 13 ລ້ານປອນ ແລກກັບ ໂມເສັສ ໄຊມອນ(Moses Simon) ປີກອະນາຄົດໄກ ໄວ 22 ປີ ຊາວນິເຊຣີ (ໄນຈີເຣຍ) ຂອງສະໂມສອນ ເກັນ (Gent) ທີມໃນລີກສູງສຸດຂອງແບນຊິກ (ເບວຢ້ຽມ) ໂດຍມີ ນິວຄາສເຊິນ ແລະ ໄບຣຕັນ ສົນໃຈເຊັ່ນກັນ.